San Juan 6:70 - Tüpä Ñe'ëngagwer

⁷⁰ Jesús rumo omboyevɨ chupe: –¿Nda'ei vo che opoporavo opayandepo yovaive ñuvɨrïo tuprɨ peiko va'e? Oime rumo ñepëi pe pa'ü pendar a'e karugwar ite sekoi.

Tũpa Ñehengagüer

⁷⁰ —Che niha opoporavo doce peico vahe, ñepei rumo pe pãhu pendar caruguar ité —ehi Simón upe.

San Juan 6:70 Iomraidhean Croise

San Juan 13:18

“Nañe'ëi ete aipo pe opakatu peiko va'e rese; che rumo aikwa uma opa aiporavo yuvɨreko. Ko rumo imboavɨyesa rane itera aipo e'i va'e Ikwachiaprɨ pɨpe öi: ‘Akoi okaru va'e che pɨri, a'e oyemboyere che amotare'ɨ̇ kurïtëi.’

San Juan 13:2

Karugwar oike ite Judas pɨ'a pɨpe, Simón Iscariote ra'ɨrɨ rese, imondo agwä Jesús yamotare'ɨ̇mbar upe. Jesús rumo oikwa ite ouse Tüpä sui, oikwa avei oyevɨ iri agwä Tüpä pɨri iyavei Tu omondo opakatu omborerekwasa chupe; sese okaruse öi opü'a karusa renda sui, osekɨi oturukwar yo'asa ipare omonde ambuae turukwar vumbɨkwasa rese.

San Juan 13:21

Ko mba'e mombe'u pare, Jesús ndoyembovɨ'ai tëiete oiko, ipare rumo koiye omombe'u tuprɨ iri ete: –Supiete aipo a'e ñepëi pe pa'ü pendar che mondora che amotare'ɨ̇mbar upe.

San Juan 13:27

Ipare rumo Judas oipɨsɨ voi ete mboyape, a'ese Karugwar oike voi ete ipɨ'a pɨpe. Jesús aipo e'i chupe: –Akoi ereyapo pota va'e eiko, eyapo voi ete kurïtëi.

San Juan 15:16

Pe ndache poravoi ete peye, che rumo opoporavo vichiko amombe'u avei peü pemombe'u va'erä ñe'ësa avɨye va'e, a'e ñe'ësa tokañɨ tëi eme katu. Egwë e'ise che Ru omondora opakatu mba'e peporanduse che rer pɨpe peü.

San Juan 15:19

Peikose ko ɨvɨ pɨpendarse viña, a'ese ava ko ɨvɨ pɨpendar pe raɨsuai etera viña, inungar a'e osaɨsuai oyesuindar yuvɨreko yepi. Che rumo opoporavo ko ɨvɨ pɨpendar pa'ü sui, sese ni'ä ko ɨvɨ pɨpendar ndapeambotai ete yuvɨreko, esepia ni'ä nda'e iri ete peiko ko ɨvɨ pɨpendar.

San Juan 17:12

Che aikose ko ɨvɨ pɨpe ipɨri yuvɨreko, asärö tuprɨ nderer pirätäsa pɨpe, akoi erembou va'e cheu. Ndipoi ete ñepëi okañɨ tëi va'e, akoi yɨpɨve okañɨ va'eño ite rumo okañɨ tëi; yavɨye rane itera aipo e'i va'e Ikwachiaprɨ pɨpe.

San Juan 2:2

Jesús iyavei semimbo'e eta icho'oprɨ yuvɨrekoi mendasave.

San Juan 20:24

Tomás, opayandepo yovaive ñuvɨrïo semimbo'e pa'ü pendar, Gemelo serer va'e, ndipoi rumo ipa'üve Jesús oyepotase ou.

San Juan 6:64

Oime rumo amove pe pa'ü pendar ndovɨroya vɨtei va'e yuvɨreko. Esepia ni'ä Jesús oikwa ite yɨpɨsuive uma ndovɨroya vɨtei va'e, oikwa avei uma ava omondora yamotare'ɨ̇mbar upe.

San Juan 6:67

Jesús oporandu opayandepo yovaive ñuvɨrïo va'e gwemimbo'e upe: –¿Pe avei vo chereyapa pota peye?

San Juan 6:71

Evokoiyase aipo e'ise, Jesús oñe'ë Judas rekokwer rese, a'e Simón Iscariote ra'ɨrɨ, esepia ni'ä Judas omondora ava yamotare'ɨ̇mbar upe, yepe opayandepo yovaive ñuvɨrïo semimbo'e pa'ü pendar sekoi va'e viña.

San Juan 8:44

Peyesupa a'e karugwar tëiete; inungar tuprɨ avei peiko, peyapo mba'e semimbotar tëi avei. Esepia karugwar oporoyuka va'e yɨpɨsuive ite oiko. Ndasekoi va'e mba'e supi tuprɨ va'e pɨpe, noñe'ëi avei mba'e supiete va'e rese. Omombe'use temirä, oñe'ë inungar supiete va'e; esepia semiräñeteai va'e ite iyavei a'e ni'ä temirä yesupa tëi sekoi yepi.

Los Hechos 1:17

Judas sekoi va'e yande pa'üve ko mboravɨkɨsa rese yande pɨtɨ̇vɨï agwä avei viña.”

Los Hechos 13:10

ipare aipo e'i chupe: –¡Nde iporombopa serai va'e ereiko ndipɨ'ai va'e, karugwar ra'ɨrɨ tëi opakatu mba'e avɨye va'e amotare'ɨ̇sar tëi avei ereiko! ¿Ma'erä vo nderepoi potai yande Yar porombo'esa supiete va'e reroɨrösa sui?

1 Timoteo 3:11

Iyavei sembireko yuvɨrekoira oporomboeteisa pɨpe, nima'echiröi chira, osärö tuprɨra gwekokwer yuvɨreko, imboyeroyaprɨ aveira opakatu mba'e rese yuvɨreko.

Tito 2:3

Egwë e'i tuprɨ aveira, kuña otɨ̇arö va'e vɨrekora gweko katuprɨsa, ndosavaɨpoi chiaveira. Omboyekwara gwekokwer avɨye va'e

1 San Juan 3:8

akoi oyapo va'e angaipa a'e karugwar suindar, esepia karugwar yɨpɨsuive ite oyapo angaipa. Sese ou Tüpä Ra'ɨrɨ: karugwar rembiapo mokañɨpa agwä.