San Juan 6:51 - Tüpä Ñe'ëngagwer

⁵¹ Che a'e aiko mboyape oikove va'e ogweyɨ va'e ɨva sui; akoi o'u va'e ko mboyape, a'e oikovera tekovesa apɨre'ɨ̇ pɨpe. Ko mboyape amondo va'erä a'e che rete ite. A'e amondora ava rekokwer ɨvɨ pɨpendar rese.”

Tũpa Ñehengagüer

⁵¹ Ahe pan oicove vahe niha che aico ɨva sui ogüeyɨ vahe; acoi ohu vahe co pan, oicovera apɨrẽhɨ vaherã ité. Co pan amondo vaherã, ahe che rete ité. Ahe amondora ava recocuer rese” ehi judío eta upe.

San Juan 6:51 Iomraidhean Croise

San Mateo 20:28

Esepia ava ɨvate katu va'e Ra'ɨrɨ, ndoui ava i'añeko va'erä yuvɨreko sese, a'e rumo ou ava rese oañeko agwä iyavei omondo va'erä gwekokwer ava re'ɨi repɨrä.

San Lucas 22:19

Ipare oipɨsɨ mboyape, avɨye ndeu e'i Vu Tüpä upe, ichui ombo'i-mbo'i imondo gwemimbo'e upe, aipo e'i: –Ko che rete, imondoprɨ manosa pɨpe perekokwer rese narä. Peyapo ko pe ma'endu'asa pɨpe che rese yepi.

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

San Juan 1:29

A'ere arayi'ive Juan osepia Jesús, oyemboyase oso sese, aipo e'i chupe: “¡Pesepia, ko Tüpä remimbou Ovesa nungar, opakatu ava angaipa mokañɨ agwä!

San Juan 11:26

iyavei akoi oikove vɨte va'e che reroyasar, a'e nomanoi chietera. ¿Ereroya vo aipo?

San Juan 3:13

“Esepia ndipoi ete ambuae ava ɨvave oyeupi va'e; che gweraño, ava ɨvate katu va'e Ra'ɨrɨ ɨva sui agweyɨ va'e peü.

San Juan 3:14

Inungar Moisés osupi ɨvate mboi ra'anga ɨvɨ iporupɨre'ɨ̇sa rupi araka'e, egwë e'i aveira che, ava ɨvate katu va'e Ra'ɨrɨ rerekosa ɨvate che rupira yuvɨreko,

San Juan 3:16

“Supiete Tüpä osaɨsu iteanga opakatu ava, sese ombou Gwa'ɨrɨ ñepëi va'e, tokañɨ tëi eme che Ra'ɨrɨ reroyasar yuvɨreko oya, iyavei tovɨreko tekovesa apɨre'ɨ̇ o'esa pɨpe.

San Juan 3:36

Opakatu ava vɨroya va'e Tüpä Ra'ɨrɨ, vɨreko ite tekovesa apɨre'ɨ; akoi ndovɨroya potai va'e rumo Ta'ɨrɨ, ndovɨrekoi chietera ko tekovesa, a'e rumo oipɨsɨra Tüpä ñemoɨrösa ipirätä va'e ite yuvɨreko.”

San Juan 5:24

“Supiete aipo a'e peü akoi oyapɨsaka va'e che ñe'ë rese iyavei vɨroya va'e che mbousar, a'e vɨrekora tekovesa apɨre'ɨ̇; iyavei nda'ei chietera imokañɨpɨ̇ra, esepia osë a'e manosa sui oipɨsɨ tekovesa apɨre'ɨ̇.

San Juan 6:33

Esepia ko mboyape ombou va'e Tüpä a'e ogweyɨ va'e ɨva sui ou iyavei omondora tekovesa ɨvɨ pɨpendar upe narä.

San Juan 6:35

Jesús rumo aipo e'i chupe: –Che ite aiko a'e mboyape tekovesa mondo agwä. Akoi ou va'e cheu ndiyumbɨasɨ iri chietera; iyavei akoi che reroyasar, ndi'use iri chietera.

San Juan 6:41

Evokoiyase judío eta iñe'ë-ñe'ë tëi Jesús rese yuvɨreko, esepia aipo e'i ete: “Che mboyape aiko agweyɨ va'e ɨva sui.”

San Juan 6:47

Supiete aipo a'e peü akoi che reroya va'e vɨrekora tekovesa apɨre'ɨ̇.

San Juan 6:48

Che mboyape nungar aiko amondo va'e tekovesa.

San Juan 6:50

che rumo añe'ë mboyape ɨva sui ogweyɨ va'e rese; akoi ava o'u va'e ichui, a'e nomanoi chietera.

2 Corintios 5:19

Aipo oyapave aipo e'i, Tüpä ombou Gwa'ɨrɨ Cristo ko ɨvɨ pɨpe ava rekokwer moigätu agwä toyevɨ cheu oya; ipɨpe sui avei a'e ava angaipagwer omokañɨ yuvɨreko ichui, ore evokoiyase orekwai a'e ñe'ësa ava rekokwer moigätusa resendar mombe'u agwä ava upe.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Efesios 5:25

Iyavei kuimba'e osaɨsura gwembireko, inungar Cristo osaɨsu opakatu vɨroyasar, omondo gwekokwer chupe narä.

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Hebreos 10:20

yaikoveño itera ipɨasu va'e tekokwer tekovesa yandeu ombou va'e pɨpe, a'e ni'ä omboi tüpäro pɨpe asɨasa turukwar yande reike agwä Tüpä rovai, a'e turukwar inungar Jesús rete.

1 San Pedro 2:4

Peyemboya katu yande Yar rese, a'e inungar ita ndopai va'e ava rumo ovɨroɨröño yuvɨreko, Tüpä rumo a'e ita oiporavo avɨye katu va'e.

1 San Juan 2:2

Jesucristo oyemondo manosa pɨpe oime va'erä ñeröisa yande angaipagwer mokañɨ agwä; nda'ei yande angaipagwer rese gweraño, opakatu ava ɨvɨ pɨpendar upe avei.

1 San Juan 4:10

Nda'ei yande rane yasaɨsu Tüpä, a'e rane rumo yande raɨsu iyavei ombou Gwa'ɨrɨ imano agwä yande angaipa repɨrä, a'e ni'ä poroaɨsusa supiete va'e.

1 San Juan 4:14

Orosepia oromombe'u avei, yande Ru ombou Gwa'ɨrɨ ava ɨvɨ pɨpendar pɨsɨrö agwä.