San Juan 6:45 - Tüpä Ñe'ëngagwer

⁴⁵ Tüpä ñe'ë mombe'usar ikwachiaprɨ pɨpe aipo e'i: ‘Tüpä pe mbo'era opakatu mba'e rese.’ Egwë e'i akoi osendu va'e che Ru ñe'ë oyembo'e va'e avei sese, evokoi nungar yugwerura cheu.

Tũpa Ñehengagüer

⁴⁵ Tũpa ñehe mombehusar cuachiar pɨpe aipo ehi: ‘Tũpa pe mbohera opacatu’ ehi. Sese acoi osendu vahe che Ru ñehe, oyembohe vahe avei sese, evocoi nungar yugüerura cheu.

San Juan 6:45 Iomraidhean Croise

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Marcos 1:2

Ikwachiaprɨ Tüpä ñe'ëngagwer Isaías kwachiar pɨpe aipo e'i: “Amondora che ñe'ë mombe'usar nde renonderä ndeu, perɨ moigätu agwä.

San Lucas 1:70

Ko aipo omombe'u araka'e oñe'ëngagwer mombe'usar seko maräne'ɨ̇ va'e upe:

San Lucas 18:31

Jesús oñe'ë kokotɨ opayandepo yovaive ñuvɨrïo yuvɨrekoi va'e gwemimbo'e upe, aipo e'i: “Kurïtëi yasora Jerusalén ve, a'eve yavɨyera ko Tüpä ñe'ë mombe'usar rembikwachiagwer ko che ava ɨvate katu va'e Ra'ɨrɨ resendar ñe'ësa.

San Juan 10:27

Che ovesa rumo oikwa ite che ñe'ë, che avei aikwa a'e evokoiyase ogwata yuvɨreko che rupi.

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

San Juan 6:65

Ipare aipo e'i iri: –Sese ni'ä akoi aipo a'e peü ndipoi chietera ava ou va'erä cheu, che Ru nomongere'ɨ̇ise imbou.

Los Hechos 13:40

Peikwa katu ko mba'e sui, tovɨapi eme pe arɨve akoi Tüpä ñe'ë mombe'usar rembikwachiagwer pɨpe aipo e'i va'e:

Los Hechos 7:42

Ko mba'e sembiapo rese, Tüpä oyepepɨño ichui oseyaño ite oyerure va'erä yasɨtata ɨva pendar upe yuvɨreko. Egwë e'i ete ikwachiasa iñe'ë mombe'usar kwachiar pɨpe: ‘Pe Israel ɨgwar peiko va'e, ¿Peiko va'e cuarenta aravɨter ɨvɨ iporupɨre'ɨ̇sa rupi pe ndaperopove'ëi ete mba'e mɨmba yukaprɨ cheu yepi?

Efesios 1:17

Che aporandu yande Yar Jesucristo Ru Tüpä seko porañete va'e upe, pe rekokwer resape agwä rese, ipɨpe peikwa katura semimboyekwa iyavei peikwa tuprɨ katura yande Yar.

Filipenses 3:15

Aipo rupi iya yande pɨ'añemoñetara opakatu yande yarakwa tuprɨ va'e, avɨyeteramo pe pɨ'a ñemoñetara ambuae mba'e rese tëi, Tüpä avei oikwa ukara evokoi nungar mba'e peü.

1 Tesalonicenses 4:9

Iyavei pe mboyekwa vɨtese peyeaɨsusa avɨye va'e, sese ndiya iri oroikwachia va'erä peü, esepia ni'ä Tüpä ite pe mbo'e pe yeaɨsu agwä opakatu.

Hebreos 10:16

“Che ñe'ëngagwer amboavɨye rane itera yuvɨreko chupe osupitɨse a'e arɨ ipapaprɨ kuri, a'e ko e'i yande Yar Tüpä: Amondora che porokwaita ipɨ'a ñemoñetasa pɨpe aikwachia aveira iyapɨsakasa pɨpe.

1 San Juan 2:27

Pereko Espíritu Maräne'ɨ̇ Jesucristo ombou va'e peü, sese ndiyai ete ambuae pe mbo'era yuvɨreko, Espíritu ae pe mbo'e opakatu mba'e rese, iporombo'esa supiete ndoporombopai va'e, sese peikoño Cristo rese Espíritu Maräne'ɨ̇ pe mbo'esa rupi.