San Juan 6:43 - Tüpä Ñe'ëngagwer

⁴³ Evokoiyase Jesús aipo e'i: –Pepoiño peñe'ë ñe'ë tëisa sui.

Tũpa Ñehengagüer

⁴³ Evocoiyase judío eta upe aipo ehi: —Pepoiño che reroɨ̃rosa sui.

San Juan 6:43 Iomraidhean Croise

San Mateo 16:8

Jesús rumo oikwa ite ipɨ'a ñemoñetasa, aipo e'i chupe: –¿Ma'erä evokoiyase ndorovɨrekoi mboyape peye? ¡Ndapeyeroya tuprɨ vɨtei ete Tüpä rese!

San Marcos 9:33

Ipare oyepota tekwa Cafarnaúm ve yuvɨreko. Yuvɨroikese oɨ pɨpe, Jesús oporandu gwemimbo'e eta upe: –¿Mba'e rese vo akoi peyeaka-aka peiko perɨ rupi?

San Juan 16:19

Jesús rumo oikwa voi ete mba'e rese oyeupe porandu agwä, sese aipo e'i gwemimbo'e upe: –Che akoi aipo a'e peü ndache repia iri chira seta arɨ rupi peye, ipare koiye katumi rumo che repia irira peye a'e akoi peü. ¿Sese vo akoi peporandu peyeupe?

San Juan 6:42

Iyavei aipo e'i yuvɨreko: –¿Nda'ei vo akoi ko Jesús, José ra'ɨrɨ? Yande yaikwa ite iyesupa ichɨ avei. ¿Ma'erä ru agweyɨ va'e ɨva sui e'i no?

San Juan 6:44

Ndipoi chietera oikatu va'e ou cheu, nomongere'ɨ̇ise che Ru che mbousar; a'e ambogwerayevɨra arɨ ipa va'e pɨpe kuri.

San Juan 6:64

Oime rumo amove pe pa'ü pendar ndovɨroya vɨtei va'e yuvɨreko. Esepia ni'ä Jesús oikwa ite yɨpɨsuive uma ndovɨroya vɨtei va'e, oikwa avei uma ava omondora yamotare'ɨ̇mbar upe.

Hebreos 4:13

Ndipoi ete ni'ä mba'e Tüpä rembiapo ñomiprɨ ichui; opakatu ite oikwa, osepia avei opakatu mba'e, a'e ni'ä oporandura opakatu yande rekokwer rese yandeu kuri.