San Juan 6:41 - Tüpä Ñe'ëngagwer

⁴¹ Evokoiyase judío eta iñe'ë-ñe'ë tëi Jesús rese yuvɨreko, esepia aipo e'i ete: “Che mboyape aiko agweyɨ va'e ɨva sui.”

Tũpa Ñehengagüer

⁴¹ Evocoiyase judío eta oñehe-ñehe tẽi sese yuvɨreco, “Che pan aico, agüeyɨ vahe ɨva sui” ihesa rese

San Juan 6:41 Iomraidhean Croise

San Lucas 15:2

Fariseo eta iyavei Moisés porokwaita rese oporombo'e va'e vɨroɨrö tëi yuvɨreko, aipo e'i: –Ko mbɨa omborɨ potarai ava yangaipa gwasu va'e, okaru avei ipa'üve.

San Lucas 19:7

Osepiase rumo, opakatu ava vɨroɨrö Jesús yuvɨreko aipo e'i, oso opɨta ava yangaipa va'e rëtäve tëi.

San Lucas 5:30

Fariseo eta rumo iyavei oporombo'e va'e Moisés porokwaita rese, a'e omboɨpɨ Jesús remimbo'e upe iñe'ë marä aipo e'i yuvɨreko chupe: –¿Ma'erä vo pekaru iyavei peɨ'u gwarepochi rerokwasar rese iyavei ambuae yangaipa gwasu va'e rese tëi?

San Juan 1:19

Ko ñe'ësa omombe'u va'e Juan, a'ese mborerekwar judío rekwa pendar oyokwai Jerusalén sui imondo pa'i eta iyavei levitas imboporandu agwä Juan upe ava pi'ä a'e sekoi oyapave.

San Juan 6:33

Esepia ko mboyape ombou va'e Tüpä a'e ogweyɨ va'e ɨva sui ou iyavei omondora tekovesa ɨvɨ pɨpendar upe narä.

San Juan 6:43

Evokoiyase Jesús aipo e'i: –Pepoiño peñe'ë ñe'ë tëisa sui.

San Juan 6:48

Che mboyape nungar aiko amondo va'e tekovesa.

San Juan 6:58

Añe'ë mboyape ɨva sui ogweyɨ va'e rese. Ko mboyape nda'ei tembi'u ɨva sui ou va'e pe ramoi eta yuvɨro'u va'e nungar, esepia a'e yuvɨro'u tëi opaño ite rumo omano yuvɨreko. Akoi o'u va'e che retekwer, oikovera apɨre'ɨ̇sa pɨpe ite.

San Juan 6:60

Osenduse ko yembo'esa, seta Jesús rupi ogwata va'e aipo e'i yuvɨreko: –Ko aipo e'i va'e yavai ete seroya agwä yandeu; ¿ava vo vɨroya tëira viña?

San Juan 6:66

Ichuive tuprɨ, ava re'ɨi ogwata va'e Jesús rupi oseyapa yuvɨreko, ndoyuvɨrogwata iri avei supi.

San Juan 7:12

Opakatu ava oñemoneta atɨ yuvɨreko sese. Amove aipo e'i: “A'e mbɨa avɨye va'e”; ambuae rumo aipo e'i: “Nda'ei avɨye va'e; a'e rumo ombopa tëi va'e ava oiko.”

1 Corintios 10:10

Iyavei ndayande ñe'ë marä-marä tëi chira Tüpä rese, inungar a'e egwë e'i yuvɨreko, ipɨpe sui Tüpä ombou gwembigwai ava yukasar ɨva sui a'e ava yukapa agwä araka'e.

San Judas 1:16

Opakatu rese oñe'ë yuvɨreko, oñe'ë-ñe'ë tëi iyavei oseka oyeupe narä mba'e gwemimbotar tëi apo agwä. A'e oyemboɨvateai va'e, iyavei oñe'ë tuprɨai anga'u tëi ambuae ava upe imba'e rerokwa agwä ichui.