San Juan 6:29 - Tüpä Ñe'ëngagwer

²⁹ Jesús rumo omboye chupe: –Tüpä oipota che reroyara peye semimbou che rekose.

Tũpa Ñehengagüer

²⁹ —Tũpa oipota pe che reroyara peye che semimbou che recose —ehi ava eta upe.

San Juan 6:29 Iomraidhean Croise

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Marcos 16:16

Akoi vɨroya va'e, iyavei oñeapirämo va'e, a'e oñepɨsɨröra; akoi ndovɨroyai va'e rumo, a'e imokañɨpɨ̇ra tëi yuvɨrekoira.

San Juan 3:36

Opakatu ava vɨroya va'e Tüpä Ra'ɨrɨ, vɨreko ite tekovesa apɨre'ɨ; akoi ndovɨroya potai va'e rumo Ta'ɨrɨ, ndovɨrekoi chietera ko tekovesa, a'e rumo oipɨsɨra Tüpä ñemoɨrösa ipirätä va'e ite yuvɨreko.”

San Juan 5:39

Peyembo'e tuprɨ ite Ikwachiaprɨ rese, ipɨpe sui revo tekovesa apɨre'ɨ̇ yarekora peye viña; ko rumo Ikwachiaprɨ che mombe'u va'e,

San Juan 6:28

A'e oporandu chupe yuvɨreko: –¿Mba'e mboravɨkɨvo oroyapora Tüpä upe?

San Juan 6:38

Esepia che ndagweyɨi ɨva sui ayapo va'erä mba'e che remimbotar, ayu rumo ayapo va'erä mba'e che Ru remimbotar rupi, a'e ni'ä che mbousar.

San Juan 6:57

Che Ru, che mbousar, a'e vɨreko ite tekovesa, ichui avei che aikove; egwë e'i aveira, akoi o'u va'e che retekwer oikovera che rese.

Los Hechos 16:31

A'e omboyevɨ yuvɨreko chupe: –Eroya yande Yar Jesús, ichui nde ererekora pɨsɨrösa nde rëtä pendar upe narä avei.

1 Tesalonicenses 1:3

Pe ni'ä yande Yar rese pe yeroya tuprɨsa pɨpe peporavɨkɨño yepi, iyavei pe poroaɨsusa pɨpe peyapo mba'e Tüpä upe, iyavei peñemosaño mba'e tëi upe Jesucristo rärösa pereko va'e rese. Sese ore ma'endu'a pe rese arɨ yakatu rupi yande Ru Tüpä rovai.

Hebreos 5:9

evokoiya gweko pɨpe omboavɨye gweko katuprɨsa, ipɨpe sui gweru poropɨsɨrösa ndopai va'e opakatu vɨroyasar upe narä.

Santiago 2:22

Iyavei Abraham yeroyasa oyekwa ite mba'e sembiapokwer avɨye va'e rese, evokoiyase egwë e'i a'e gwembiapokwer avɨye va'e pɨpe, omboavɨye tuprɨ oyeroyasa oiko araka'e.

1 San Juan 3:23

Ko iporokwaita pɨpe omombe'u yaroya va'erä Ta'ɨrɨ Jesucristo, iyavei yayeaɨsura ñepëi-pëi Tüpä yande kwaisa rupi.

1 San Juan 5:1

Opakatu vɨroya va'e Jesús Poropɨsɨrösar seko rese, a'e Tüpä ra'ɨrɨ ite yuvɨrekoi; iyavei osaɨsu va'e ava, osaɨsu avei ta'ɨrɨ yuvɨreko.

Apocalipsis 2:26

Akoi ava oyemovɨräkwä va'e mba'e-mba'e tëi apoe'ɨ̇ agwä, oyapo va'e che remimbotar mano rupi ete, chupe amondora mborerekwar seko agwä opakatu ɨvɨ rupi,