San Juan 6:26 - Tüpä Ñe'ëngagwer

²⁶ Jesús aipo e'i chupe: –Supiete aipo a'e peü pe che reka peye esepia pekaru peɨ̇taröpa ite, iyavei nda'ei ko poromondɨisa reroyasave peiko pota che rupi.

Tũpa Ñehengagüer

²⁶ Evocoiyase aipo ehi chupe: —Supi eté aipo ahe pẽu. Pe rumo che reca peye che pe mbocarusa rese tẽi,, ndahei co che poromondɨisa reroyasave ité peico pota che rupi.

San Juan 6:26 Iomraidhean Croise

San Juan 3:3

Jesús aipo e'i chupe: –Supiete aipo a'e ndeu akoi ava ndoyesu pɨasu iri va'e, ndosepiai chietera Tüpä mborerekwasa.

San Juan 3:5

Jesús omboyevɨ chupe: –Supiete aipo a'e ndeu akoi ava ɨ pɨpe iyavei Espíritu pɨpe ndoyesui va'e, a'e ndoikatui chietera oike va'erä Tüpä mborerekwasave.

San Juan 6:14

Evokoiyase ava, ko poromondɨisa gwasu Jesús rembiapo repiase, aipo e'i yuvɨreko: –Supiete ko Tüpä ñe'ë mombe'usar sekoi ou va'evɨ ko ɨvɨ pɨpe.

San Juan 6:15

Jesús rumo oikwa voi ete opɨ'a pɨpe vɨraso pota agwä mborerekwar ɨvate katu va'e gwereko agwä, oyepepɨ ichui a'ese oyeupi iri oso ɨvɨtrɨ ɨvate katu va'e save, a'e ae gweko agwä.

San Juan 6:2

Ava re'ɨi yuvɨraso sakɨkwei, esepia osepia ite yuvɨreko oyapose mba'e poromondɨisa imba'easɨ va'e mbogwerase.

San Juan 6:24

Egwë e'i, Jesús iyavei semimbo'e eta ndipoise a'eve yuvɨreko, ava re'ɨi avei yuvɨro'a ɨarusu pɨpe ichui yuvɨraso Cafarnaúm ve seka.

San Juan 6:30

Evokoiyase oporandu yuvɨreko chupe: –¿Mba'e poromondɨisa vo eremboyekwa irira oreu, orosepia va'erä nde reroya tuprɨ katu agwä? ¿Uma vo mba'e nderembiapo?

San Juan 6:36

Aipo a'e ni'ä akoi peü, ndache reroyai ete peye, yepe che repia tëi peye viña.

San Juan 6:47

Supiete aipo a'e peü akoi che reroya va'e vɨrekora tekovesa apɨre'ɨ̇.

San Juan 6:53

Jesús rumo aipo e'i chupe: –Supiete aipo a'e akoi pe ndape'uise ava ɨvate katu va'e Ra'ɨrɨ retekwer iyavei ndapeɨ'uise suvɨ, ndaperekoi chietera tekovesa.

San Juan 6:64

Oime rumo amove pe pa'ü pendar ndovɨroya vɨtei va'e yuvɨreko. Esepia ni'ä Jesús oikwa ite yɨpɨsuive uma ndovɨroya vɨtei va'e, oikwa avei uma ava omondora yamotare'ɨ̇mbar upe.

Romanos 16:18

esepia a'e ava nda'ei yande Yar Cristo upe narä oyapo mba'e yuvɨreko, egwë e'i rumo a'e oyeupe narä tëi oipotarai mba'e yuvɨreko iyavei ombopa ava ndayarakwa tuprɨi va'e; oñe'ë tuprɨai anga'u oporomo'äpɨsɨ aisa pɨpe tëi yuvɨreko.

Filipenses 2:21

esepia opakatu ava oseka gwemimbotar tëi apo agwä, ndosekai ete rumo Jesucristo remimbotar yuvɨreko.

Filipenses 3:19

a'e rumo imokañɨpɨ̇ra yuvɨrekoira kuri. Iyavei itüpä ikaruaisa tëiete yuvɨreko, iyavei gweko ɨvate aisa pɨpe oyapo mba'e tëi yande mochiai va'e yuvɨreko. Ko ɨvɨ pɨpendar mba'e-mba'e tëi reseño ite ipɨ'añemoñeta yuvɨreko.

1 Timoteo 6:5

iyavei iporoakasa ndopai va'e ava yarakwarai va'e pa'üve, ndoikwai rumo mba'e supi tuprɨ va'e yuvɨreko, ipɨ'añemoñeta Tüpä rese oma'endu'asa pɨpe mba'e rereko atɨ agwä yuvɨreko viña.