San Juan 6:20 - Tüpä Ñe'ëngagwer

²⁰ A'e rumo aipo e'i: –¡Che Jesús aiko, pesɨkɨyei rene!

Tũpa Ñehengagüer

²⁰ Ahe rumo aipo ehi güemimbohe upe: —¡Che Jesús aico, pesɨquɨyei rene! —ehi.

San Juan 6:20 Iomraidhean Croise

San Marcos 16:6

a'e rumo aipo e'i chupe: –Pesɨkɨyei rene. Pe peseka Jesús Nazaret pendar, a'e akoi yatɨkaprɨ. A'e rumo okwerayevɨ; ndipoi ete ko'ave. Pesepia ru supagwer.

San Marcos 6:50

esepia opakatu osepiase osɨkɨye yuvɨreko ichui. A'e rumo oñe'ë voi ete, aipo e'i chupe: –¡Peyemovɨräkwäño! ¡Che tëi: pesɨkɨyei rene che sui!

San Juan 6:19

Yuvɨraso pukuse cinco mil rupi i'amombrɨgwer, a'ese osepia Jesús yuvɨreko, osupitɨ senise ɨarusu a'e ɨ arɨ rupi ogwata oso chupe, evokoiyase osɨkɨye tëi yuvɨreko ichui.

San Juan 6:21

Evokoiyase sorɨvete yuvɨreko ɨarusu pɨpe sero'a, ipare oyepota yuvɨraso yuvɨrasosave.