San Juan 5:45 - Tüpä Ñe'ëngagwer

⁴⁵ Ndapepɨ'a ñemoñetai chira che pe rekokwer mombe'u agwä rese che Ru rovai; Moisés peroya va'e ite ni'ä oikwachia pe Tüpä reroya e'ɨ̇sa chupe imombe'u agwä.

Tũpa Ñehengagüer

⁴⁵ Ndapepɨhañemoñetai chira che pe recocuer mombehu ãgua rese che Ru rovai. Moisés peroya vahe ité niha oicuachía pe Tũpa reroyaẽhɨsa chupe imombehu ãgua.

San Juan 5:45 Iomraidhean Croise

San Lucas 16:29

Abraham aipo e'i: ‘A'e vɨreko ite ikwachiaprɨ Moisés porokwaita iyavei Tüpä ñe'ë mombe'usar rembikwachiagwer: ¡A'e tovɨroya yuvɨreko!’

San Juan 12:48

Akoi ava che reroɨrö va'e ndovɨroyai avei che ñe'ë, oime rumo imokañɨ agwä: ko che ñe'ësa supiete va'e chupe oyemokañɨ ukara arɨ ipa va'e pɨpe yuvɨreko.

San Juan 7:19

“¿Nda'ei vo supiete Moisés omondo mborokwaita peü? Iyavei, ñepëi pe pa'ü pendar ndipoi ete omboyeroya va'e. ¿Ma'erä vo che yuka pota peye?”

San Juan 8:9

Osenduse aipo nungar yuvɨreko, omboɨpɨ ñepëi-pëi oyeakɨkwei yuvɨnosë yuvɨnoi, ava kwakwa rane gätu oyapo yɨpɨndar evokoi nungar. A'ese Jesús opɨta a'e ae kuña rese a'eve yuvɨreko,

Romanos 2:12

Opakatu oyemboangaipa va'e Moisés porokwaita ndovɨrekoi va'e oyese yuvɨreko, a'e oñemokañɨ tëira evokoi porokwaita pore'ɨ̇ yuvɨreko, iyavei oyemboangaipa va'e Moisés porokwaita rerekosa pɨpe yuvɨreko, a'e porokwaita pɨpe avei opara okañɨ tëi porandusave koiye.

Gálatas 3:10

Akoi seko katuprɨ pota va'e Moisés porokwaita pɨpe tëi yuvɨrekoi va'e, a'e Tüpä ñemoɨrösavrɨve tëi yuvɨrekoira, esepia Ikwachiaprɨ pɨpe aipo e'i: “Opakatu ava nomboavɨyei va'e Tüpä porokwaita ikwachiaprɨ pɨpendar, a'e iñemoɨrösavrɨve tëi yuvɨrekoira.”