San Juan 5:44 - Tüpä Ñe'ëngagwer

⁴⁴ ¿Ndapeikatui ete che reroya agwä peye, esepia pe ae tëi peyemboetei; ndapesekai ete Tüpä ñepëi va'e suindar yemboeteisa?

Tũpa Ñehengagüer

⁴⁴ Ndapeicatui eté che reroya ãgua peye. Esepia, pe ae tẽi peyemboetei; ndapesecai eté Tũpa ñepei vahe suindar yemboeteisa.

San Juan 5:44 Iomraidhean Croise

San Mateo 23:5

Oyapo anga'u mba'e opakatu ava rembiepiave yuvɨreko yepi. Tayande repia yuvɨreko oyapave tëi osɨva rese oyɨva rese avei Ikwachiaprɨ turukwar ipɨ va'e iyavei ipuku va'e rese, omonde avei oturukwar ipopɨ omoarö tuprɨai katu va'e yuvɨreko.

San Lucas 19:17

Mborerekwar ɨvate katu va'e omboyevɨ chupe: ‘Avɨye ite; nde ereiko mbigwai avɨye va'e: nde kwaita ko nde poravɨkɨsa chi'ïmi va'e eremboavɨye ite, sese ereikora opayandepo yovaive tekwa gwasu pendar rese añeko agwä.’

San Juan 12:43

Esepia a'e oipota katu ava tëi suindar yemboeteisa Tüpä suindar yemboeteisa sui yuvɨreko.

San Juan 17:3

Iyavei ko tekovesa apɨre'ɨ̇ pɨpe yɨpɨndar nde kwa rane itera yuvɨreko, ñepëi Tüpä supiete va'e nderekosa pɨpe, iyavei akoi erembou va'e Jesucristo ko ɨvɨ pɨpe.”

San Juan 3:20

Opakatu ava oyapo va'e angaipa ndosepia potai tesapesa, iyavei ndoyemboyai tesapesa rese yuvɨreko oangaipa mboyekwa potae'ɨ̇save.

San Juan 5:41

“Ndaipɨsɨi ete ava che mboeteisa tëi.

San Juan 8:43

¿Ma'erä pi'ä ndapesendukwa katui ete mba'e che remimombe'u? Esepia ndapeyapɨsaka potai ete che ñe'ë rese.

Romanos 2:10

Tüpä rumo, opakatu seko katuprɨ va'e upe omondora imboetei agwä, toipɨsɨ teko orɨ iyavei toyuvɨrekoi mba'e tuprɨsa pɨpe oyapave, yɨpɨndar rumo judío eta upe rane omondora, iparera nda'ei va'e judío upe.

Romanos 2:29

Judío ete ite, yuvɨrekoi va'e rumo opɨ'a pɨpe vɨroya Tüpä: iyavei circuncisión supiete va'e, Espíritu rembiapo yande pɨ'a pɨpe, nda'ei porokwaita ikwachiaprɨ rembiapo tëi. Akoi egwë e'i va'e, a'e oipɨsɨra omboeteisa Tüpä suindar ite, nda'ei chira ava tëi suindar.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

1 Corintios 4:5

Sese ani, peñemoñeta ava rese tenondeve tëi; pesärö ranera rumo yande Yar yevɨ agwä, a'e ni'ä omboyekwara opakatu mba'e ndoyekwai va'e, iyavei omboyekwapara ñepëi-pëi yande pɨ'a ñemoñetasa. A'ese Tüpä omondora vɨ'aretesa ñepëi-pëi upe narä.

2 Corintios 10:18

Esepia akoi ava che aiko tuprɨ e'i va'e nda'ei a'e osë tuprɨ gwekoa'äsa sui yande Yar rovake, avɨye ite ko mbɨa e'ise rumo yande Yar chupe, a'e osë tuprɨ gwekoa'äsa sui.

Filipenses 2:3

Ndapeyapoi chira mba'e peyeupe gweraño tëi, ndapeyapoi chiaveira mba'e pe yemboɨvate aisave, iyakatu rumo pe reko yemominisa pɨpe ambuae avɨye katu perekora peyesui.

1 Tesalonicenses 2:6

Ore ndorosekai ete ava ore mboetei katu agwä yuvɨreko: ndorosekai avei pesui ambuae ava sui aveino.

1 Timoteo 1:17

¡Sese yamondo imboeteisa apɨre'ɨ̇ yande Rerekwar ɨvate katu ndopai va'e upe a'e nomanoi va'e, ndayasepiai va'e, a'e ñepëi va'e Tüpä! Amén.

Hebreos 3:12

Che rɨvrɨ eta, peñearö katu tipo eme ñepëi ipɨ'añemoñeta naporäi va'e Tüpä reroya e'ɨ̇sa pɨpe oyepepɨ va'erä ichui.

Santiago 2:1

Iyavei no, che rɨvrɨ eta, peroya va'e yande Yar Jesucristo seko porañete va'e peiko, ndapeyeaɨsu yoavɨi chira.

1 San Pedro 1:7

Esepia poreroyasa pereko va'e Tüpä rese inungar tuprɨ oro: a'ese sä'asara tata pɨpe. Egwë e'i aveira pe rekokwer sa'ämbrɨ tata nungar yavai va'e pɨpe, a'ese ikwasara perekokwer avɨyese. Yañemosase evokoi mba'e yavai va'e upe, a'ese yande yeroyasa avɨye katura oro okañɨ tëi va'erä sui, a'ese yarekora teko porañetesa iyavei imboeteiprɨ yaikora akoi Jesucristo oyevɨse kuri.