San Juan 5:30 - Tüpä Ñe'ëngagwer

³⁰ “Che ndaikatui mba'e apo cheyesui tëi. Che ayapo mba'e che Ru remimbotar rupi, iyavei mba'e che porandusa supi va'e ite, esepia ndayapoi mba'e che remimbotar tëi che Ru remimbotar rupi ete ayapo vichiko, a'e ni'ä che mbousar sekoi.

Tũpa Ñehengagüer

³⁰ “Che ndaicatui mbahe apo cheyesui tẽi. Che, ‘Pe peyavɨ vahe mbahe, peipɨsɨra che Ru ñemoɨrosa’ ahe ava ndaseco põrai vahe upe che cuaita rupi iyavei che amombehu vahe supi tuprɨ ité. Esepia, che ndaipotai che remimbotar tẽi mbahe apo ãgua. Che Ru, che mbousar remimbotar rumo ayapo.

San Juan 5:30 Iomraidhean Croise

San Mateo 26:39

Koiye Jesús oso tenonde katumi, a'eve oyaɨvɨ ɨvɨ rese oso, aipo e'i oyerure: “Che Ru, iyase ndeu che renose mba'e-mba'e tëi sui eve; tayapo eme ru che remimbotar tëi, nde remimbotar rupi katu tayaposa mba'e”

San Juan 14:10

¿Ndache reroyai vo peye che Ru rese ite aikose iyavei che Ru sekoise che rese? Opakatu mba'e amombe'u va'e peü, nda'ei cheyesui tëi amombe'u. Che Ru, sekoi va'e che rese, a'e ite oyapo mba'e gwemimbotar che rese yepi.

San Juan 17:4

“Che ni'ä oromboetei ko ɨvɨ pɨpe nderereko, iyavei amboavɨye ite nde porokwaita chekwai va'e rese eve.

San Juan 18:11

Jesús aipo e'i Pedro upe: –Emboyevɨ kɨse sɨru pɨpe. Che Ru ni'ä ko ombou mba'e yavai va'e cheu, ¿ma'erä vo nañemosaï chira chupe viña?

San Juan 4:34

Evokoiyase Jesús aipo e'i: –Che movɨräkwäsa rumo che mbousar porokwaita a'e ayapora iyavei amboavɨye rane itera iporavɨkɨ.

San Juan 5:19

Jesús aipo e'i: “Supiete aipo a'e Tüpä Ra'ɨrɨ ndoikatui ete mba'e apo oyesui tëi; a'e oyapo mba'e osepia va'e Vu rembiapo yepi. Opakatu oyapo va'e iyesupa, egwë e'i tuprɨ avei Ta'ɨrɨ yapo.

San Juan 6:38

Esepia che ndagweyɨi ɨva sui ayapo va'erä mba'e che remimbotar, ayu rumo ayapo va'erä mba'e che Ru remimbotar rupi, a'e ni'ä che mbousar.

San Juan 8:28

Sese aipo e'i chupe: –Pesupise rumo ava ɨvate katu va'e Ra'ɨrɨ, a'ese voi peikwara Che a'e Aikose, ndayapoi avei mba'e che remimbotar rupi tëi; che rumo amombe'u mba'e che Ru che mbo'esa rupi gweraño ite.

San Juan 8:42

Jesús omboyevɨ chupe: –Supiete Tüpä ite pe yesupase, pe evokoiyase che raɨsura peye viña, esepia che ayu Tüpä sui iyavei sese kurïtëi aiko ko'ave. Ndayui che remimbotar tëi, Tüpä ni'ä che mbou.

San Juan 8:50

Iyavei che ndasekai ava che mboetei agwä. Oime rumo ñepëi oipota va'e. A'e ni'ä omondora ava rembiapo reprɨ chupe.

Romanos 15:3

Esepia Cristo nda'ei a'e ae tëi oyemo'äpɨsɨ oiko; a'e rumo oyapo mba'e Ikwachiaprɨ mombe'usa rupi tuprɨ ite: “Nde rese ñe'ë-ñe'ë tëi opa che aipɨsɨ.”

Romanos 2:2

Yaikwa rumo Tüpä omokañɨse evokoi nungar mba'e tëi aposar rekokwer, a'e evokoiyase oyapo mba'e supi tuprɨ va'e.

Romanos 2:5

Nde rumo, ndepɨ'arätäsa pɨpe sui ndereyevɨ potai ete Tüpä upe, eremonu'ä atɨ tëi ndeangaipa ndeyese sereko arɨ poronupasa ipa va'e yepotase narä kuri, a'ese Tüpä omboyekwara gweko pirätäsa oimese porandusa opakatu mba'e tembiapokwer rese kuri