San Juan 5:23 - Tüpä Ñe'ëngagwer

²³ egwë e'ira opakatu Che mboetei agwä inungar omboetei che Ru yuvɨreko. Akoi ndache mboetei va'e, egwë e'i avei che Ru mboetei e'ɨ̇, a'e ni'ä che mbousar.”

Tũpa Ñehengagüer

²³ Ẽgüe ehi Guahɨr upe opacatu ava imboetei ãgua yuvɨreco inungar Tu imboeteiprɨ. Acoi ava Tahɨr nomboetei vahe, Tu imbousar avei nomboetei yuvɨreco.

San Juan 5:23 Iomraidhean Croise

San Mateo 10:37

Iyavei akoi oyesupa tëi osaɨsu katu va'e che sui, a'e ndiyai ete sekoi va'erä che rupi; inungar avei osaɨsu katu va'e gwa'ɨrɨ anise gwayrɨ che sui, a'e avei ndiyai ete sekoi va'erä che rupi;

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 12:21

Iyavei opakatu ɨvɨ rupindar oyeroyara yuvɨreko sese.”

San Mateo 15:8

‘Ko tekwa pendar ava oyuru pɨpe tëi che mboetei yuvɨreko, ipɨ'a ñemoñetasa rumo amombrɨ ite che sui.

San Mateo 28:19

Peso ava upe opakatu ɨvɨ rupi, pembo'e avei che rekokwer rupi ete yuvɨrekoi va'erä; peñapirämo avei che Ru rer pɨpe, Che rer pɨpe, Espíritu Maräne'ɨ̇ rer pɨpe aveino,

San Lucas 10:16

“Akoi oyapɨsaka va'e peñe'ë rese, a'e oyapɨsaka avei che ñe'ë rese; iyavei akoi ndosendu potai va'e peñe'ë, che ñe'ë avei ndosendu potai, iyavei akoi ndosendu potai va'e che ñe'ë; che mbousar ñe'ë avei ndosendupotai yuvɨreko.”

San Juan 14:1

“Pepɨ'añemoñeta atɨi rene; peroya katu Tüpä che reroya aveira peye.

San Juan 16:14

A'e omboyekwara che mboeteisa, esepia oipɨsɨra che areko va'e mba'e iyavei a'e oikwa ukara peü.

San Juan 17:10

Opakatu mba'e areko va'e ndeundar ite, mba'e erereko va'e cheundar avei; che porañetesa evokoiyase oyekwa ite yuvɨreko sese.”

Romanos 15:12

Isaías avei aipo e'i ikwachia: “Oimerä ñepëi ava osë va'e Jesé sui, a'e sekoira opakatu ava rerekwarä ɨvɨ pɨpe, sese opakatu ava oyeroyara yuvɨreko.”

Romanos 6:22

Kurïtëi rumo angaipa sui senoseprɨ peiko, Tüpä povrɨve pe reko agwä. Ichui mba'e tuprɨ oime peü, a'e ni'ä ombou oyeupe narä ite pe reko tuprɨ agwä, ipɨpe sui peikora tekovesa apɨre'ɨ̇ va'e pɨpe.

Romanos 8:9

Pe rumo ndapeiko iri pe remimbotarai pɨpe, peiko Espíritu rese, esepia Tüpä Espíritu sekoi perese. Akoi ndovɨrekoi va'e Espíritu Cristo suindar oyese, a'e nda'ei ete Cristo suindar.

1 Corintios 1:3

Yande Ru Tüpä, yande Yar Jesucristo taperovasa pe reko tuprɨ agwä.

1 Corintios 10:31

Iyakatu rumo pe'use mba'e, peɨ'use avei, anise mba'e peyapose, peyapo ru opakatu Tüpä mboeteisa pɨpe.

1 Corintios 16:22

Akoi ava ndosaɨsui va'e yande Yar, ¡a'e tokañɨ Tüpä ñemoɨrösa pɨpe! ¡Ore Yar, eyevɨ voi katu eyu!

1 Corintios 6:19

¿Ndapeikwai vo pe retekwer Espíritu Maräne'ɨ̇ upendar ite sekoise a'e Tüpä ombou va'e peü, iyavei Espíritu Maräne'ɨ̇ sekoi ete pe rese? Pe evokoiyase nda'ei ete pe retekwer yar peiko,

2 Corintios 1:9

Supiete oromo'ä ore kañɨ tëi agwä viña. Egwë e'i rumo oreu oroyeroya katu agwä Tüpä rese, nda'ei oreyese tëi, esepia a'e oporombogwerayevɨ va'e sekoi.

2 Corintios 5:14

Cristo poroaɨsusa sekoi yande rese, esepia supiete a'e omano opakatu ava repɨrä, ipɨpe sui yaikwa opakatu ava okañɨ tëi va'erä yuvɨreko viña.

2 Corintios 5:19

Aipo oyapave aipo e'i, Tüpä ombou Gwa'ɨrɨ Cristo ko ɨvɨ pɨpe ava rekokwer moigätu agwä toyevɨ cheu oya; ipɨpe sui avei a'e ava angaipagwer omokañɨ yuvɨreko ichui, ore evokoiyase orekwai a'e ñe'ësa ava rekokwer moigätusa resendar mombe'u agwä ava upe.

Efesios 6:24

Tüpä tosovasa opakatu yande Yar Jesucristo raɨsupar, saɨsusa ñepëi reseve va'e pɨpe.

2 Timoteo 1:12

Sese ni'ä che opakatu aiporara ko mba'e-mba'e tëi vichiko. Nachi ete rumo ichui yuvɨreko, esepia che aikwa uma rese ayeroya; aikwa avei vɨrekose pirätäsa akoi ñe'ësa ombou va'e, imokañɨ e'ɨ̇ agwä arɨ ipa va'e rupi ete cheu.

Hebreos 1:6

Ichui rumo ombouse Gwa'ɨrɨ ñepëi va'e ko ɨvɨ pɨpe, aipo e'i: “Tomboetei opakatu mbigwai Tüpä suindar yuvɨreko.”

2 San Pedro 1:1

Che, Simón Pedro, Jesucristo ñe'ë mombe'usar iyavei sembigwai aiko, ko aikwachia che ñe'ë peü narä, peipɨsɨ va'e yande Yar rese pe yeroyasa avɨye va'e inungar ore, esepia yande Yar Tüpä, yande Pɨsɨrösar Jesucristo seko ɨ̇vi va'e yuvɨrekoi.

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

1 San Juan 2:23

Akoi ava ndovɨroyai va'e Tüpä Ra'ɨrɨ, ndovɨroyai avei yande Ru Tüpä; akoi vɨroya va'e Tüpä Ra'ɨrɨ, vɨroya avei yande Ru Tüpä.

2 San Juan 1:9

Oime ava oyepepɨño va'e Cristo porombo'esa sui, a'e Tüpä ndovɨrekoi opɨ'a pɨpe yuvɨreko; akoi oyapɨsaka tuprɨ va'e Cristo porombo'esa rese, a'e vɨreko Tüpä, Ta'ɨrɨ avei oyese.