San Juan 5:22 - Tüpä Ñe'ëngagwer

²² Iyavei che Ru ndoporandui chietera mba'e rese peü, esepia a'e ombou Gwa'ɨrɨ upe opakatu pirätäsa ava upe mba'e rese porandu agwä,

Tũpa Ñehengagüer

²² Iyavei Tu nomondo iri ava upe sembiapo reprɨ. Esepia, ombou Guahɨr upe opacatu pĩratasa ava upe sembiapo reprɨ mondo ãgua.

San Juan 5:22 Iomraidhean Croise

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 28:18

Jesús oyemboya oso sese aipo e'i chupe: –Tüpä che mbou mborerekwar ɨvate katu va'e che reko agwä ɨvave, ɨvɨve narä aveino.

San Juan 17:2

Nde ni'ä erembou Cheu mborerekwasa opakatu ava arɨve areko va'erä, amondo va'erä avei tekovesa apɨre'ɨ̇ vichiko opakatu eremombe'u va'ekwer upe narä.

San Juan 3:35

Tüpä osaɨsu Gwa'ɨrɨ, iyavei omondo opakatu mba'e sembiapo agwä.

San Juan 5:27

ombou avei che mborerekwarä ava rekokwer rese porandu agwä, esepia che ava ɨvate katu va'e Ra'ɨrɨ aiko.

San Juan 9:39

Ipare Jesús aipo e'i chupe: –Che ayu ko ɨvɨ pɨpe mba'e supi tuprɨ va'e apo agwä, ava ndasesapɨsoi va'e oma'e tuprɨra iyavei sesapɨso va'e oyevɨra tesapɨso e'ɨ̇sa pɨpe yuvɨreko.

Los Hechos 10:42

Iyavei a'e orekwai oromombe'u va'erä tekwa rupi ñe'ësa ava upe, ko Tüpä Rembiporavo sekoi, opakatu ava rekokwer rese porandu agwä oikove va'e omano va'e upe avei.

Los Hechos 17:31

Esepia Tüpä oiporavo arɨ opakatu ava rekokwer rese porandu uka agwä, ñepëi gwembiporavo rupi; ichui toikwa opakatu yuvɨreko oyapave ombogwerayevɨ omano va'e pa'ü sui.”

Romanos 2:16

a'e arɨ kañɨ pɨpe Tüpä oyokwai ukara opakatu ava rembiapo kwae'ɨ̇sa reprɨ pɨsɨ agwä Jesucristo upe, ko ñe'ësa pɨsɨrösa resendar amombe'u va'ekwer rupi tuprɨ egwë e'ira kuri.

2 Corintios 5:10

Esepia yande opakatu yañekwave'ëra Cristo rovai iporandusave yaipɨsɨ va'erä ñepëi-pëi mba'e yande rembiapokwer rupi mba'e avɨye va'e, anise mba'e naporäi va'e yande rete rese yaiko vɨtese.

2 Timoteo 4:1

Iyavei ko rese che orokwai pota Tüpä rovake Cristo Jesús rovake avei akoi ou va'erä Omborerekwasa reseve oikove va'e, omano va'e rekokwer rese porandu agwä

1 San Pedro 4:5

A'e chupe rumo oimerä porandusa, esepia yande Yar oyemoigätu opakatu ava rekokwer rese oporandu agwä omano va'e upe, oikove vɨte va'e upe avei kuri.