San Juan 5:20 - Tüpä Ñe'ëngagwer

²⁰ Esepia Iyesupa osaɨsu ite Gwa'ɨrɨ omboyekwa avei opakatu mba'e gwembiapo chupe; omboyekwa vɨte aveira mba'e poromondɨisa tuvicha katu va'e, a'e ndapembovɨ'ai chira pe rereko.

Tũpa Ñehengagüer

²⁰ Esepia, Tu Guahɨr raɨsupave omboyecua opacatu mbahe güembiapo chupe iyavei omboyecuaño vɨte itera mbahe poromondɨisa tuvicha catu vahe sembiaporã, ‘¡Mara ehi rutei co!’ pehe tẽi ãgua chupe.

San Juan 5:20 Iomraidhean Croise

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Mateo 3:17

A'ese oyeendu ñepëi ñe'ësa ɨva suindar aipo e'i va'e: “Ko che Ra'ɨrɨ che rembiaɨsu, a'e che rembiporavo sekoi.”

San Mateo 4:8

Ipare vɨraso iri tëi karugwar ɨvɨtrɨ ɨvate va'e apɨterve, ichui omboyekwapa tëi opakatu tekwa ɨvɨ pɨpendar, porañete gwasu va'e yemboɨvateaisa avei,

San Lucas 10:22

“Che Ru opakatu ite mba'e ombou cheu. Iyavei ndipoi ete oikwa va'e yuvɨreko che Ta'ɨrɨ aikose; che Ru gweraño ite oikwa; ndipoi avei oikwa va'e che Ru yuvɨreko, che gweraño ite aikwa iyavei che Ta'ɨrɨ aikwa uka potase ambuae upe aikwa uka ñoitera.”

San Juan 1:18

Ndipoi ete ava osepia va'e Tüpä; Ta'ɨrɨ ñepëi va'eño ite, a'e Tüpä iyavei sekoi va'e Vu pɨri, a'e ni'ä oikwa uka yandeu.

San Juan 10:32

Jesús rumo aipo e'i chupe: –Che Ru pirätäsa pɨpe seta ite mba'e ayapo avɨye va'e pe rovake; ¿Uma che rembiapo sui vo che api-api pota ita pɨpe peye?

San Juan 14:12

Supiete aipo a'e akoi che reroyasar a'e avei oyapora mba'e che rembiapo nungar oiko; oyapo aveira mba'e tuvicha katu va'e, esepia ni'ä che asora che Ru rekosave.

San Juan 15:15

Mbigwai nda'e iri chira peü, esepia mbigwai ndoikwai ete mba'e gwerekwar rembiapo yepi. Che mborɨpar a'era peü, esepia aikwa uka ite peü opakatu ñe'ësa che Ru omombe'u va'e cheu.

San Juan 17:26

Che orokwa uka avei yuvɨreko chupe, iyavei orokwa uka vɨtera rumo, evokoiyase nde che raɨsusa tovɨreko avei yuvɨreko, che avei taiko yuvɨreko sese.”

San Juan 3:35

Tüpä osaɨsu Gwa'ɨrɨ, iyavei omondo opakatu mba'e sembiapo agwä.

San Juan 5:21

Esepia inungar che Ru ombogwerayevɨ omano va'e iyavei omondo tekovesa chupe. Egwë e'i avei Ta'ɨrɨ omondo tekovesa ava upe gwemimbotar rupi.

San Juan 5:25

Supiete aikwa uka peü oura arɨ imombe'uprɨ, iyavei kurïtëiete ko arɨ oyepota, omano va'ekwer osendura Tüpä Ra'ɨrɨ ñe'ë yuvɨreko; iyavei osendu va'e yuvɨrekove ñoitera.

San Juan 5:29

iyavei yuvɨnosepara tuvɨpa sui. Oyapo tuprɨ va'e mba'e yuvɨreko, a'e okwerayevɨra tekovesa apɨre'ɨ̇ rereko agwä; akoi oyapo va'e mba'e naporäi va'e, a'e okwerayevɨra yuvɨreko ñemoɨrösa pɨsɨ agwä tëi.”

2 San Pedro 1:17

Orosepia ni'ä yande Ru Tüpä omboeteise Gwa'ɨrɨ iyavei omondose seko porañete iri agwä, aipo e'ise Tüpä oñe'ë gweko porañetesa pɨpe: “Ko che Ra'ɨrɨ, che rembiaɨsu, sese ni'ä che ayembovɨ'arete vichiko.”