San Juan 4:21 - Tüpä Ñe'ëngagwer

²¹ Jesús omboyevɨ chupe: –Che reroya eve kuña, vɨrovɨ arɨ peü peso iri e'ɨ̇ agwä Tüpä mboetei ko ka'a ɨvɨtrɨ rese iyavei Jerusalén ve.

Tũpa Ñehengagüer

²¹ —Che reroya eve cuña, vɨrovɨ arɨ pẽu peso iriẽhɨ ãgua Tũpa mboetei co ɨvɨtrɨ rese iyavei Jerusalén ve.

San Juan 4:21 Iomraidhean Croise

San Mateo 18:20

Esepia oimese ñuvɨrïo, anise mbosapɨ oñemonu'äse che rer pɨpe yuvɨreko, a'eve che aiko ipa'üve.”

San Mateo 28:19

Peso ava upe opakatu ɨvɨ rupi, pembo'e avei che rekokwer rupi ete yuvɨrekoi va'erä; peñapirämo avei che Ru rer pɨpe, Che rer pɨpe, Espíritu Maräne'ɨ̇ rer pɨpe aveino,

San Lucas 21:24

Oimerä omano va'e kɨse puku pɨpe iyavei ambuae evokoiyase vɨrasora ipɨsɨprɨ opakatu tekwa gwasu rupi yuvɨreko; iyavei ava nda'ei va'e judío yuvɨroikera Jerusalén poru agwä osupitɨse voi ete akoi arɨ imombe'uprɨ yuvɨreko chupe.”

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

San Juan 16:2

A'ese pe mombora oɨ judío ñemonu'äsa sui yuvɨreko, iyavei osupitɨse arɨ peyuka agwä yuvɨreko a'e rumo Tüpä upe narä ite egwë yae yaiko e'i yuvɨreko viña.

San Juan 16:32

Osupitɨ ite arɨ, iyavei ko pɨpeve sui ete, opara peyeñomosai ñepëi-pëi peremimbotar rupi che sui, iyavei che reyara che ae peye. Ndaikoi rumo che ae tëi, esepia che Ru sekoi ete che rese.

San Juan 4:23

Oyepota rumo arɨ ipapaprɨ, iyavei a'e ite ko kurïtëi, akoi oyerure supiete va'e Tüpä upe imboeteisave yuvɨreko opɨ'a katuprɨsa pɨpe, Tüpä rembiapo katuprɨsa Espíritu rupi. Supiete Tüpä oipota yaposa ko rupi imboetei agwä.

San Juan 5:25

Supiete aikwa uka peü oura arɨ imombe'uprɨ, iyavei kurïtëiete ko arɨ oyepota, omano va'ekwer osendura Tüpä Ra'ɨrɨ ñe'ë yuvɨreko; iyavei osendu va'e yuvɨrekove ñoitera.

San Juan 5:28

Peyepɨ'ämondɨi rene aipo che esa sui, esepia oyepotara arɨ imombe'uprɨ a'ese opakatu ava omano va'ekwer osendura che ñe'ë yuvɨreko

Los Hechos 6:14

Ore orosendu iñe'ë Jesús Nazaret pendar omokañɨra tüpäro Moisés yande mbo'esa avei aipo osekuñaröra.

Efesios 2:18

Esepia Cristo rembiapo pɨpe sui ni'ä oyoya yande judío iyavei nda'ei va'e judío yaiko va'e yayemboya va'erä Tüpä rese Espíritu ñepëi va'e pɨpe.

Efesios 3:14

Sese añenopɨ'ä yande Ru Tüpä rovai,

1 Timoteo 2:8

Evokoiyase che aipota ava opakatu rupi oyerure yuvɨreko, tomopü'a opo opɨ'añemoñeta katuprɨsa pɨpe, omba'e mboasɨ e'ɨ̇sa pɨpe oyeakae'ɨ̇sa pɨpe avei yuvɨreko.

1 San Pedro 1:17

Akoi che “Ru” peyese Tüpä upe, a'e nomboyoavɨratɨi chira oporandu ñepëi-pëi upe tekokwer rese, sese pemboyekwara perekokwer sereko mba'e tëi apoe'ɨ̇ agwä imboeteisave ko ɨvɨ pɨpe.

Apocalipsis 21:22

Ndasepiai ete evokoi tekwa gwasu pɨpe ñepëi yepe tüpäro, esepia ni'ä yande Yar Tüpä mba'e mboavaisare'ɨ̇, iyavei Ovesami a'e Cristo sekoi a'eve.