San Juan 4:12 - Tüpä Ñe'ëngagwer

¹² Esepia ko ɨgwa ore ramoi Jacob oseya oreu, ko'ave suiño ni'ä oɨ'u ta'ɨrɨ avei oɨ'u yuvɨreko iyavei opakatu seimba. ¿Nde pi'ä ɨvate katu ereiko ichui?

Tũpa Ñehengagüer

¹² Esepia, co ɨgua ore ramoi Jacob oseya oreu. Cohave suiño ité niha ahe oɨhu, tahɨr avei oɨhu yuvɨreco ichui iyavei opacatu seimba. ¿Nde pĩha ɨvate catu ereico ichui? —ehi cuña chupe.

San Juan 4:12 Iomraidhean Croise

San Mateo 12:42

Iyavei kuña mborerekwar ɨvate katu va'e Iro'ɨ kotɨ sui oñarapü'ara arɨ kañɨ pɨpe kuri, porandusase ava kurïtëindar upe, iyavei a'e omondora mba'e tëi pɨpe; esepia a'e ou amombrɨ ɨvɨ sui osendu va'erä Salomón mba'e kwasa, iyavei oime ko'ave ɨvate katu va'e Salomón sui.

San Juan 4:13

Jesús omboyevɨ chupe: –Opakatu ava oɨ'u va'e ko ɨ, i'useiño itera yuvɨreko;

San Juan 4:20

Ore ramoi eta, Samaria ɨgwar omboetei Tüpä ko'ave yuvɨreko yepi, ko ka'a ɨvɨtrɨ rese; pe rumo judío peiko va'e aipo peye, Jerusalén ve ñoite yamboeteira Tüpä.

San Juan 4:5

Egwë e'i oyepota ñepëi tekwa Samaria ve oso a'e serer Sicar, a'e tekwa rerovɨkave oime ɨvɨ Jacob omondo va'ekwer gwa'ɨrɨ José upe araka'e.

San Juan 4:6

A'eve oime ɨvɨkwar Jacob ɨgwagwer. Jesús okweraise perɨ rupi ogwapɨ ɨgwa popɨve öi. Vɨrovɨse mbɨter arɨ.

San Juan 8:53

¿Nde tie ɨvate katu ereiko ore yesupa Abraham sui? Esepia a'e omano ite, ambuae Tüpä ñe'ë mombe'usareta omanopa avei yuvɨreko. ¿Ma'erä vo ereyeroya ndeyeseae tëi eiko?

Hebreos 3:3

Jesús rumo imboeteiprɨ katu Moisés sui, inungar akoi oɨ aposar imboeteiprɨ katu oɨ sui sekoi.