San Juan 4:11 - Tüpä Ñe'ëngagwer

¹¹ A'e kuña aipo e'i chupe: –Evokoiyase nde, mba'e pɨpe vo ɨ erenoserä, iyavei ko ɨgwa ipɨkuku iteanga: ¿kesui vo aipo eremboura ɨ ndopai va'e cheu?

Tũpa Ñehengagüer

¹¹ —Ndererecoi rumo ɨ renose ãgua. Esepia, co ɨgua ipɨcucú ité. ¿Que sui vo aipo evocoiyase eremboura ɨ ndopai vahe cheu viña? —ehi cuña chupe—.

San Juan 4:11 Iomraidhean Croise

San Juan 3:4

Nicodemo oporandu aipo e'i chupe: –¿Marä e'ira vo aipo ñepëi ava oyesu pɨasu iri okwakwa pɨpe viña? ¿Oikatu irira pi'ä osɨ avɨterve oike, oyesu iri agwä?

San Juan 4:14

akoi ava oɨ'u va'e rumo ɨ che remimondo, ndi'use iri chietera. Esepia che amondo va'e ɨ ndopai va'erä ite a'e omboura tekovesa ndopai va'e ava upe.

San Juan 7:37

Pieta ipa arɨ pɨpe imboeteisa katu va'e yepi. A'e arɨ pɨpe Jesús oñe'ë pirätä o'ä aipo e'i: –Akoi i'usei va'e, a'e touño cheu, iyavei akoi ava che yeroyasar, a'e touño avei cheu. Inungar Ikwachiaprɨ pɨpe aipo e'i, a'e ɨpɨ'a pɨpe sui osëra inungar ɨai ndopai va'e yepi.

Los Hechos 10:14

Pedro omboyevɨ chupe: “Ani, che Yar, che rumo nda'ui va'e ite ko mba'e ro'o ava remimbotare'ɨ̇ ndi'usai va'e yepi.”

1 Corintios 2:14

Akoi ava ndovɨrekoi va'e Tüpä Espíritu opɨ'a pɨpe, ndoipɨsɨi ete mba'e Tüpä Espíritu suindar yuvɨreko, esepia chupe evokoi mba'e avɨye egwë e'i tëi va'e. Iyavei ndosendukwa katui ete yuvɨreko, esepia evokoi nungar mba'e sendukwasa Espíritu pɨpeño ite.

Apocalipsis 21:6

Ipare aipo e'i cheu: “Opa ite yavɨye. Che aiko yɨpɨndar ñe'ësa iyavei ipandar. Akoi ava i'usei va'e amboɨ'uño itera ɨ tekovesa resendar ndasepɨi va'e pɨpe.

Apocalipsis 22:1

Ipare mbigwai ɨva pendar omboyekwa ɨai tekovesa resendar cheu. Inungar ɨ tɨ̇pɨu va'e oyekwa tuprɨ mba'e ipɨpe, ipare osë ɨ Tüpä renda porañete va'e sui Ovesami a'e Cristo sekoi va'e renda sui avei.

Apocalipsis 22:17

Espíritu Maräne'ɨ̇ iyavei Ovesami a'e Cristo sekoi va'e rembireko aipo e'i: “¡Perio!” Iyavei akoi osendu va'e ko ñe'ësa, aipo e'ira: “¡Perio!” Iyavei akoi ava i'usei va'e, toyugweruño; akoi ava oipota va'e toipɨsɨ ɨ tekovesa resendar ndasepɨi va'e yuvɨreko.

Apocalipsis 7:17

esepia Ovesami a'e Cristo sekoi va'e Tüpä renda porañete va'e rovai, a'e osäröra ava re'ɨi sereko inungar ovesa rärösar ipare vɨrasora tekovesa resendar ɨ ndopai va'esave imboɨ'u agwä, Tüpä evokoiyase omombɨtu'upara iyase'osa sui.”