San Juan 3:25 - Tüpä Ñe'ëngagwer

²⁵ Evokoiyase Juan remimbo'e omboɨpɨ ñepëi judío rese oyeekopɨ-kopɨ va'erä ɨ pɨpe ñeapirämosa resendar sui tëi yuvɨreko,

Tũpa Ñehengagüer

²⁵ Evocoiyase Juan remimbohe omboɨpɨ ambuae omu judío rese oyeecopɨ-copɨ vaherã ɨ pɨpe ñeapiramosa resendar sui tẽi yuvɨreco.

San Juan 3:25 Iomraidhean Croise

San Mateo 3:11

Che supiete, ɨ pɨpe tëi opoapirämo Tüpä upe pe yevɨ agwä; ou va'e rumo ambuae che rakɨkwei peapirämora Espíritu Maräne'ɨ̇ tata nungar pɨpe. A'e seko pirätä katu va'e che sui, sese cheu ndiyai ete ipɨtaki yora agwä ichui.

San Marcos 7:8

Egwë peye pepoipa Tüpä porokwaita sui ava rekokwer araka'endar rupi tëi pe gwata agwä.

San Juan 2:6

A'eve oime ñepëi ova kambuchi ita ku'i apoprɨ, a'e judío oiporu pietase oyepoi agwä yuvɨreko yepi a'e kambuchi pɨpe oike cincuenta litros, amove oike setenta litros ɨ ipɨpe.

Hebreos 6:2

yembo'esa poroapirämosa resendar, poromondosa Tüpä reroyasar arɨve, omano va'e kwerayevɨsa iyavei ava rekokwer rese porandusa resendar avei.

Hebreos 9:10

Ñe'ësa tembi'u rese, ɨgwa rese iyavei ñemoatɨrösa nungar mba'e resendar tëi; yande retekwer resendar tëi porokwaita, a'e rumo egwë e'iño tëi yuvɨreko Tüpä remimbotar ipɨasu va'e yu agwä renonde.

Hebreos 9:23

Iyakatu ite imoatɨrösa evokoi nungar mba'e mɨmba ruvɨ pɨpe seropove'ëprɨ, esepia ko mba'e ɨva pendar nungar tëi sa'angaposa; ɨva pendar ite rumo ipotasa seropove'ëpɨ̇ra mba'e avɨye katu va'e evokoi sui.

1 San Pedro 3:21

A'e ɨ osä'angapo ɨ poroapirämosa, a'e omboyekwa yande ipɨsɨröprɨ yande rekosa. Poroapirämosa rumo ɨ pɨpe nda'ei yande rete moatɨrö agwä, ko rumo yaporandura Tüpä upe, yande pɨ'a ñemoñetasa moatɨrö agwä, ipɨpe sui evokoiyase yañepɨsɨröra yande Yar Jesucristo kwerayevɨsa pɨpe,