San Juan 3:19 - Tüpä Ñe'ëngagwer

¹⁹ Ndovɨroyai va'e rumo, a'e okañɨ tëietera, esepia a'e oyapo mba'e naporäi va'e yuvɨreko, ouse rumo tesapesa supiete va'e ko ɨvɨ pɨpe, a'e ava oipota katu pɨ̇tümimbi va'esave gweko agwä yuvɨreko tesapesa sui.

Tũpa Ñehengagüer

¹⁹ Ẽgüe ehi etera chupe yuvɨreco. Esepia, tesapesa supi eté vahe ou co ɨvɨ pɨpe, ahe ava rumo oipota catu mbahe Caruguar suindar pɨ̃tumimbi vahesave güeco ãgua yuvɨreco.

San Juan 3:19 Iomraidhean Croise

San Lucas 12:47

“Akoi mbigwai oikwa tëise mba'e gwerekwar remimbotar, noñemoigätuise rumo iyavei ndovɨroyaise oiko, a'e evokoiyase serekwar oinupa-nuparä.

San Lucas 16:14

Esepia fariseo eta, aipo gwarepochi potaraisa yuvɨrekoi va'e, osenduse opakatu mba'e vɨroɨrö tëi Jesús yuvɨreko.

San Juan 1:4

A'e ni'ä vɨreko tekovesa apɨre'ɨ̇ va'e oyese, iyavei a'e tekovesa tesapesa nungar sekoi opakatu ava upe.

San Juan 1:5

Ko tesapesa osesape va'e pɨ̇tümimbi, iyavei pɨ̇tümimbi ndoikatui ete imbogwe agwä.

San Juan 12:31

Ko kurïtëi osupitɨ ite oime va'erä ñemoɨrösa ko ɨvɨ pɨpe, iyavei imombosara akoi oporokwai va'e ko ɨvɨ pɨpe sui.

San Juan 12:43

Esepia a'e oipota katu ava tëi suindar yemboeteisa Tüpä suindar yemboeteisa sui yuvɨreko.

San Juan 12:46

Che aiko tesapesa. Ayu ko ɨvɨ pɨpe ava che reroyasar yuvɨrekoi e'ɨ̇ va'erä pɨ̇tümimbisave.

San Juan 5:44

¿Ndapeikatui ete che reroya agwä peye, esepia pe ae tëi peyemboetei; ndapesekai ete Tüpä ñepëi va'e suindar yemboeteisa?

San Juan 7:17

Akoi ñepëi ikere'ɨ̇ va'e oyapo va'erä Tüpä remimbotar, oikwara che porombo'esa nda'ei va'e che suindar a'e Tüpä suindar ite anise añe'ë cheyesui tëi vichiko.

San Juan 7:7

Ɨvɨpendar yuvɨrekoi va'e ndiyai ete peamotare'ɨ̇ra a'e che amotare'ɨ̇ yuvɨreko, esepia ni'ä che amboyekwa ite mba'e sembiapo naporäi va'e.

San Juan 8:12

Jesús oñe'ë iri ava upe, aipo e'i: –Che aiko tesapesa ɨvɨ pɨpendar; akoi che rupi sekoi va'e vɨrekora tesapesa omondo va'e tekovesa chupe, iyavei ndogwata iri chietera pɨ̇tümimbisa vrɨrupi.

San Juan 9:5

Aikove vɨte seve ko ɨvɨ pɨpe, che aiko tesapesa ɨvɨ pɨpendar.

Romanos 1:32

Oikwa tëi yuvɨreko Tüpä omondose porokwaita evokoi nungar aposar mokañɨ agwä; ipare rumo, oyapo vɨteño ite mba'e tëi, iyavei ambuae ava oyapose mba'e tëi ovɨ'areteño sepiase yuvɨreko.

Romanos 2:8

ombou aveira oñemoɨrösa ava ndiporomboyeroyai va'e upe, a'e akoi, ko ñe'ësa supiete va'e reroya rägwer sui vɨroya va'e mba'e tëi.

2 Tesalonicenses 2:12

ipɨpe tokañɨ tëi ko ava, opakatu mba'e supiete va'e reroya e'ɨ̇sar, akoi oyembovɨ'a katu va'e mba'e-mba'e tëi rese yuvɨreko oyapave.

1 San Pedro 2:8

Iyavei Ikwachiaprɨ pɨpe aipo e'i: “Ko ita gwasu iyavei ita ta'ɨ katu va'e sese oyepɨapira yuvɨreko.” Esepia a'e ovɨapi mba'e tëi pɨpe yuvɨreko Tüpä ñe'ëngagwer rendu pota e'ɨ̇save, evokoi nungar ava yuvɨrekoira mba'e tëi pɨpe.

2 San Pedro 3:3

Peikwa ranera ko arɨ imombe'uprɨ ipa va'e vɨrovɨse: oimerä ava vɨroɨrö va'e ko tekokwer avɨye va'e Tüpä suindar gwemimbotarai pɨpe yuvɨreko,