San Juan 3:11 - Tüpä Ñe'ëngagwer

¹¹ Supiete aipo a'e ndeu ore oromombe'u mba'e oroikwa va'e, iyavei ore oroiko va'e orosepia ite; pe rumo ndaperoyai ete ore remimombe'u.

Tũpa Ñehengagüer

¹¹ Supi eté aipo ahe ndeu: ore oromombehu mbahe oroicua vahe, orosepia vahe ité. Pe rumo ndaperoyai eté ore remimombehu.

San Juan 3:11 Iomraidhean Croise

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 23:37

“¡Pe Jerusalén, Jerusalén pendar, peyuka va'e Tüpä ñe'ë mombe'usar ita pɨpe peyapi-yapi ava Tüpä remimbou yepi! ¡Seta rupi che opomonu'ä pota tëi pe rereko inungar takura omonu'ä va'e omembrɨ opepovrɨve, pe rumo ndapeipotai ete evokoi nungar pe rereko agwä!

San Lucas 10:22

“Che Ru opakatu ite mba'e ombou cheu. Iyavei ndipoi ete oikwa va'e yuvɨreko che Ta'ɨrɨ aikose; che Ru gweraño ite oikwa; ndipoi avei oikwa va'e che Ru yuvɨreko, che gweraño ite aikwa iyavei che Ta'ɨrɨ aikwa uka potase ambuae upe aikwa uka ñoitera.”

San Juan 1:11

Supiete ou gwekwave, sekwa pendar rumo ndoipɨsɨi yuvɨreko.

San Juan 1:18

Ndipoi ete ava osepia va'e Tüpä; Ta'ɨrɨ ñepëi va'eño ite, a'e Tüpä iyavei sekoi va'e Vu pɨri, a'e ni'ä oikwa uka yandeu.

San Juan 12:49

Esepia che nañe'ëi ete cheyesui tëi; che Ru, che mbousar rumo chekwai che ñe'ë agwä, che porombo'e agwä avei.

San Juan 14:24

Akoi ndache raɨsui va'e, a'e ndovɨroyai avei che ñe'ë yuvɨreko. Ko ñe'ësa pesendu va'e nda'ei che yesuindar tëi, a'e rumo che Ru, che mbousar suindar ite.

San Juan 3:12

Ndache reroyai ete rumo peye añe'ëse mba'e ko ɨvɨ pɨpendar rese, ¿Evokoiyase marä peyera vo che reroya amombe'use mba'e ɨva pendar peü viña?

San Juan 3:13

“Esepia ndipoi ete ambuae ava ɨvave oyeupi va'e; che gweraño, ava ɨvate katu va'e Ra'ɨrɨ ɨva sui agweyɨ va'e peü.

San Juan 3:3

Jesús aipo e'i chupe: –Supiete aipo a'e ndeu akoi ava ndoyesu pɨasu iri va'e, ndosepiai chietera Tüpä mborerekwasa.

San Juan 3:5

Jesús omboyevɨ chupe: –Supiete aipo a'e ndeu akoi ava ɨ pɨpe iyavei Espíritu pɨpe ndoyesui va'e, a'e ndoikatui chietera oike va'erä Tüpä mborerekwasave.

San Juan 5:43

Che ni'ä ayu che Ru rer pɨpe, pe rumo ndache reroyai ete peye; ouse rumo ambuae ava oyesui tëi oñe'ë va'e, evokoi nungar tëi peroyara.

San Juan 7:16

Jesús omboyevɨ chupe: –Che porombo'esa nda'ei cheyesuindar tëi, a'e rumo che mbousar suindar.

San Juan 8:14

Jesús rumo omboyevɨ chupe: –Che ñe'ë rumo supi va'e ite, yepe cheyese ae añe'ë viña. Esepia che aikwa kesui ayu iyavei ke'asora; evokoiyase, pe rumo ndapeikwai ete.

San Juan 8:26

Seta iteanga areko che ñe'ë agwä peü iyavei mba'e pe rembiavɨ rese, akoi che mbousar a'e omombe'u mba'e supi va'e ite, iyavei che amombe'u va'e ɨvɨ pɨpendar yuvɨrekoi va'e upe a'e tuprɨ avei ni'ä asendu iñe'ë vichiko.

San Juan 8:38

Che amombe'u che Ru mba'e omboyekwa va'e cheu; pe egwë peye aveira, peyapo mba'e pe Yesupa remimombe'u.

Los Hechos 22:18

Asepia yande Yar, a'e aipo e'i cheu: ‘Nde poyava eso voi Jerusalén sui, esepia ndoyapɨsaka potai chira eremombe'use ñe'ësa che resendar yuvɨreko.’

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,

Apocalipsis 3:14

“Eikwachia avei mbigwai ɨva pendar che reroyasar rärösar Laodicea pendar upe: ‘Ko aipo e'i ñe'ësa supiete va'e mombe'u seko katuprɨ va'e, esepia ichui ni'ä Tüpä oyapo opakatu mba'e ɨvɨ pɨpendar: