San Juan 21:7 - Tüpä Ñe'ëngagwer

⁷ Evokoiyase ñepëi Jesús remimbo'e sembiaɨsu katu, aipo e'i Pedro upe: –¡Evokoi ñi'ä yande Yar! Simón Pedro osendu ramoseve ñe'ësa Yar resendar, omonde voi oturukwar, esepia nani tuprɨ sekoi, ovɨapiño ɨpɨve oso ichui.

Tũpa Ñehengagüer

⁷ Evocoiyase che, sembiaɨsu, aipo ahe Pedro upe: —¡Yande Yar niha evocoi! —ahe. Pedro che ñehe rendu ramoseve voi, omonde oturucuar. Esepia, yɨpɨndar nani secoi; opo ɨve oso chupe.

San Juan 21:7 Iomraidhean Croise

San Marcos 11:3

Akoi ava ma'erä vo egwë peye e'ise peü, ore Yar oiporu pota, ipare ni'ä omboyevɨ voiñorä peyera chupe.

San Lucas 12:35

“Peikora mbigwai gwerekwar osärö va'e nungar mendasa sui iyevɨ agwä, oyemoigätu voi ete tataendɨ reseve imoendɨ senoï, okenda motase omboi voi etera chupe.

San Lucas 2:11

Ko pɨpe o'a David rekwa Belén ve Poropɨsɨrösar peü narä, a'e ni'ä Tüpä Rembiporavo, pe Yargwä sekoi.

San Lucas 7:47

Sese aipo a'e ndeu ko angaipa gwasu vɨreko va'e kuña oipɨsɨ ite ñeröisa, esepia vɨreko ite poroaɨsusa tuvicha va'e che rese; akoi ava upe nañeröisa tuprɨi va'e, a'e ndoporoaɨsu tuprɨi avei.

San Juan 13:23

Ñepëi sekoi va'e ipa'ü pendar, a'e Jesús rembiaɨsu katu yɨpɨve chini, okaru vɨte seve yuvɨnoi,

San Juan 19:26

Osepiase rumo Jesús osɨ, iyavei ñepëi gwemimbo'e osɨ ɨpɨve a'e sembiaɨsu katu va'e yepi, a'ese aipo e'i osɨ upe: –Itöi, evokoi erereko nde membrɨ.

San Juan 20:2

Evokoiyase a'e kuña oso Simón Pedro rekosave iyavei ambuae semimbo'e upe a'e akoi Jesús osaɨsu katu va'e yepɨ, aipo e'i chupe: –¡Vɨraso Yar yuvɨreko tuvɨpa sui, iyavei ndoroikwai kevo katu omondo yuvɨreko!

San Juan 20:20

Aipo o'e pare, omboyekwa opo oɨke avei. Ipare a'e oyembovɨ'a rete Yar repiase yuvɨreko.

San Juan 20:28

Tomás evokoiyase aipo e'i chupe: –¡Nde ereiko che Yar che Tüpä avei!

San Juan 21:20

Oyevɨse yugweru, Pedro osepia gwakɨkwei ñepëi ouse Jesús rembiaɨsu katu va'e, a'e akoi chini yɨpɨve karusa ipa va'esave oporandu avei chupe: “Che Yar, ¿uma vo nde mondora nde amotare'ɨ̇mbar upe?”

San Juan 21:24

Ko semimbo'e avei akoi omombe'u mba'e opakatu oikwa va'e, oikwachia avei sesendar. Yaikwa avei mba'e supi tuprɨ omombe'use.

San Juan 21:8

Ipare ambuae semimbo'e eta oyemboya ɨmbe'ɨ popɨve yugweru ɨarusu pɨpe, ombotɨrɨrɨ pira re'ɨi seru yuvɨreko, a'e i'amombrɨgwer vɨreko ɨmbe'ɨ popɨ sui cien metros tëi.

Los Hechos 10:36

Araka'e Tüpä oñe'ë avei Israel suindar upe, omombe'u ñe'ësa tuprɨ yeamotare'ɨ̇sa resendar Jesucristo rembiaporä sui, a'e opakatu ava ko ɨvɨ pɨpendar yuvɨrekoi va'erä Yar rese.

Los Hechos 2:36

“Toikwapa opakatu tekwa Israel rekwa rupindar yuvɨreko, supiete evokoi Jesús kurusu rese peyatɨka va'ekwer, a'e Tüpä omoingo opakatu yande Yargwä iyavei yande pɨsɨrö agwä.”

1 Corintios 15:47

Egwë e'i yɨpɨndar ava ɨvɨ sui yapoprɨ, ɨvɨ rese narä ite ikwaita oiko; koiye katu ou va'e ava a'e ɨva pendar ite sekoi.

2 Corintios 5:14

Cristo poroaɨsusa sekoi yande rese, esepia supiete a'e omano opakatu ava repɨrä, ipɨpe sui yaikwa opakatu ava okañɨ tëi va'erä yuvɨreko viña.

Santiago 2:1

Iyavei no, che rɨvrɨ eta, peroya va'e yande Yar Jesucristo seko porañete va'e peiko, ndapeyeaɨsu yoavɨi chira.