San Juan 21:17 - Tüpä Ñe'ëngagwer

¹⁷ Imombosapɨsa rupi oporandu iri chupe: –Simón, Juan ra'ɨrɨ, ¿che raɨsu vo eve? Pedro, ndoyembovɨ'ai tëi esepia oporandu mbosapɨ yupagwer rupi cheraɨsu ite pi'ä oyapave, a'e omboyevɨ chupe: –Che Yar, nde ni'ä opakatu ereikwa mba'e: nde avei ereikwa che oroaɨsuse nderereko. Jesús aipo e'i chupe: –Esärö tuprɨ ava che reroyasar sereko.

Tũpa Ñehengagüer

¹⁷ Imombosapɨsa rupi oporandu iri chupe: —Simón, Juan rahɨr, ¿che raɨsu vo eve? —ehi. Aipo oyeupe hese, Pedro ndoyembovɨhai eté aipo ehi: —Che Yar, nde niha opacatu ereicua, nde avei ereicua che nde raɨsusa —ehi. —Evocoiyase ndehañeco tuprɨ catu che reroyasar rese —ehi—.

San Juan 21:17 Iomraidhean Croise

San Mateo 25:40

Mborerekwar ɨvate katu va'e rumo omboyevɨra chupe: ‘Supiete peyapose opakatu mba'e avɨye va'e ñepëi seko mbegwemi va'e, che reroyasar pa'ü pendar upe cheu rumo egwë peye.’ ”

San Marcos 14:72

Aipo i'eseve takura oñe'ë imoñuvɨrïosa rupi, ipare Pedro oyemoma'endu'a Jesús ñe'ë agwer rese: ‘Takura ñe'ë yupagwesa renondeve, mbosapɨ yupagwer rupi, ndaikwai va'e evokoi mbɨa erera cheu’. Ichui oyase'o iteanga.

San Juan 12:8

Ava iparaɨsu va'e perekoño itera pe pa'ü rupi yepi; che rumo ndache rerekoi chietera pe pa'üve peye.

San Juan 13:38

Jesús omboyevɨ chupe: –¿Supiete vo ereyemoigätu eremondo va'erä nde rekokwer che rese? Supiete amombe'ura aipo ndeu takura ñe'ë renondeve, mbosapɨ yupagwer rupi ndaikwai va'e erera cheu.

San Juan 14:15

“Supiete che raɨsuse peye, pemboyeroya katu che porokwaita.

San Juan 15:10

Akoi peroyase che porokwaita, peikora che poroaɨsusa pɨpe, inungar che aroya che Ru porokwaita iyavei aikoveño ite iporoaɨsusa pɨpe vichiko.”

San Juan 16:30

Kurïtëi orosepia ite opakatu mba'e ereikwase iyavei ndiya iri chira revo oporandu iri va'erä mba'e rese yuvɨreko ndeu. Sese ore orovɨroya ite nde ereyuse Tüpä sui.

San Juan 18:27

Pedro ndaikwai va'e e'i iri ete, a'e ramoseve voi takura oñe'ë.

San Juan 18:4

Jesús rumo oikwa ite mba'e opakatu mba'e oime va'erä oyeupe, ichui osë oporandu ava re'ɨi upe: –¿Ava vo peseka?

San Juan 21:18

Akoi nde chi'ïvä'e katu vɨtese, ereyemonde eiko ereso va'erä nde remimbotar rupi tëi; nde kwakwamise rumo, ereyeyɨvamoatära iyavei ambuae nde mboyemondera, nde reraso aveira ndeso potae'ɨ̇save yuvɨreko.

San Juan 4:16

Jesús aipo e'i chupe: –Eso tereñe'ë nde mer upe ipare eyevɨ ko'ave.

Los Hechos 1:24

Ipare oyerure yuvɨreko aipo e'i: “Nde, ore Yar, opakatu ava pɨ'a ereikwa va'e. Emboyekwa ko'ave nde rembiporavo oreu uma vo ereipota

Los Hechos 11:10

Ko egwë e'i mbosapɨ yupagwer rupi cheu, ipare opakatu tuprɨ oyevɨ ɨvave yuvɨraso.

Los Hechos 15:8

Tüpä oikwa opakatu ava pɨ'añemoñetasa, omboyekwa ite oporoaɨsusa nda'ei va'e judío upe, chupe avei omondo Espíritu Maräne'ɨ̇ inungar akoi ombou va'e yandeu yepi.

2 Corintios 1:12

Oime mba'e ore mbovɨ'arete va'e, ore pɨ'a pɨpe oroikwa tuprɨ Tüpä suindar ore reko katuprɨsa pɨpe, ore pɨ'añemoñeta tuprɨsa pɨpe avei ko ɨvɨ pɨpendar ava rembiepiave, pe rembiepiave avei ete. Tüpä porovasasa pɨpe ni'ä egwë oro'e, nda'ei ava ko ɨvɨ pɨpendar mba'ekwasa pɨpe tëi.

Efesios 4:30

Peyapoi rene mba'e naporäi va'e Tüpä Espíritu Maräne'ɨ̇ mbovɨ'a e'ɨ̇ agwä, esepia ipɨpe sui ni'ä peiko Tüpä upe narä ite, ichui avei peipɨsɨra poropɨsɨrösa ipa va'e.

1 San Pedro 1:6

Ko rese peyembovɨ'areteño peiko, yepe kurïtëi pe reko pɨpe peparaɨsu puku raimi tëi pe rekoa'äsa pɨpe viña.

2 San Pedro 3:1

Che rɨvrɨ eta, che rembiaɨsu, ko imoñuvɨrïosa rupi aikwachia che ñe'ë imondo peü. Ko ñuvɨrïo che rembikwachia pɨpe opombopɨ'añemoñeta tuprɨ pota che poromboarakwasa pɨpe.

Apocalipsis 2:23

Egwë e'i opakatu che reroyasar oikwara yuvɨreko che aikwa tuprɨ ite opakatu ava pɨ'a ñemoñetasa iyavei ñepëi-pëi pe yakatu amondora pe rembiapokwer reprɨ peü.

Apocalipsis 3:19

Che añe'ë pirätä seko mo'ɨ̇vi agwä che rembiaɨsu upe yepi. Peyemongere'ɨ̇ katu, pemboasɨ avei pe rekokwer che Ru Tüpä upe pe yevɨ agwä.