San Juan 21:16 - Tüpä Ñe'ëngagwer

¹⁶ Omboyupagwe iri oporandu chupe: –Simón, Juan ra'ɨrɨ, ¿che raɨsu ite vo eve? Pedro omboyevɨ chupe: –Taa, che Yar, nde ereikwa ite che oaraɨsuse. Jesús aipo e'i chupe: –Esärö tuprɨ ava che reroyasar sereko.

Tũpa Ñehengagüer

¹⁶ Imoñuvɨriosa rupi oporandu iri chupe: —Simón, Juan rahɨr, ¿che raɨsu catu ité eve? —ehi. —Taa, che Yar, nde ereicua che nde raɨsusa —ehi Pedro chupe. —Evocoiyase esãro tuprɨ che reroyasar yuvɨreco —ehi.

San Juan 21:16 Iomraidhean Croise

San Mateo 2:6

‘Nde tekwami, Belén, ɨvɨ Judá suindar, nda'ei ete ereiko ta'ɨmi va'e opakatu ambuae tekwa sui; esepia ndesui ete osëra mborerekwar che rekwa ɨgwar Israel yokwai agwä.’

San Mateo 25:32

Ava opakatu tekwa ɨvɨ rupindar imonu'äsara che rovai yuvɨreko, a'ese aipe'ara ava oyesui, inungar ovesa rärösar oipe'a va'e ovesa kavara sui.

San Mateo 26:72

Evokoiyase Pedro aipo e'i iri avei, ndopombopai ete: –¡Ndaikwai va'e evokoi mbɨa!

San Lucas 19:10

Esepia ava ɨvate katu va'e Ra'ɨrɨ ou ko ɨvɨ pɨpe ava okañɨ tëi va'e pɨsɨrö agwä.

San Juan 18:17

Okendɨpɨ rärösar oporandu Pedro upe: –¿Nda'ei vo nde avei ereiko evokoi ava remimbo'e? Pedro omboyevɨ chupe: –Ani, nda'ei che a'e aiko.

San Juan 18:25

A'ese Pedro ndosɨrɨi ete, oyepe'eño ite tataɨpɨve o'ä. Ipare oporandu yuvɨreko chupe: –¿Nda'ei vo nde avei ereiko evokoi mbɨa remimbo'e? Pedro ndaikwai va'e, e'iño chupe: –Ani, nda'ei che a'e aiko.

San Juan 21:17

Imombosapɨsa rupi oporandu iri chupe: –Simón, Juan ra'ɨrɨ, ¿che raɨsu vo eve? Pedro, ndoyembovɨ'ai tëi esepia oporandu mbosapɨ yupagwer rupi cheraɨsu ite pi'ä oyapave, a'e omboyevɨ chupe: –Che Yar, nde ni'ä opakatu ereikwa mba'e: nde avei ereikwa che oroaɨsuse nderereko. Jesús aipo e'i chupe: –Esärö tuprɨ ava che reroyasar sereko.

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

Hebreos 13:20

Tüpä mba'e tuprɨ rerekosar, a'e ni'ä ombogwerayevɨ va'e yande Yar Jesús yande rärösar ɨvate katu va'e, suvɨ pɨpe omboyekwa gwemimbotar pɨasu ndopai va'e imbou yandeu,

1 San Pedro 2:25

Esepia pe ni'ä yɨpɨndar inungar ovesa okañɨ tëi va'e peiko viña, kurïtëi rumo peyevɨ Cristo upe, a'e pe rekokwer osärö kurïtëi inungar ovesa rärösar.

1 San Pedro 5:2

Pesärö tuprɨ katu ava Tüpä upendar imondoprɨ va'e peü; peyapora pe kere'ɨ̇sa pɨpe ite, a'e ni'ä Tüpä oipota, nda'ei ambuae yande kwaisa pɨpe tëi, nda'ei avei gwarepochi pota raisa pɨpe, peyapora rumo mboravɨkɨ pe kere'ɨ̇sa pɨpe ite.

Apocalipsis 7:17

esepia Ovesami a'e Cristo sekoi va'e Tüpä renda porañete va'e rovai, a'e osäröra ava re'ɨi sereko inungar ovesa rärösar ipare vɨrasora tekovesa resendar ɨ ndopai va'esave imboɨ'u agwä, Tüpä evokoiyase omombɨtu'upara iyase'osa sui.”