San Juan 20:19 - Tüpä Ñe'ëngagwer

¹⁹ A'e arɨ pɨ̇tü pɨpeve avei, domingo pɨpe, semimbo'e eta opa oɨ omovɨräkwä oñemonu'äsa osɨkɨyepave mborerekwar judíos sui yuvɨreko. A'eve Jesús oike oso gwemimbo'e eta pa'üve, oyapo avɨrave aipo e'i: –¡Teko tuprɨsa tasekoi perese!

Tũpa Ñehengagüer

¹⁹ Ahe arɨ pɨpeve, domingu pɨpe, pɨ̃tuse, ore ore ñemonuhasave oroyeoquenda tuprɨ judío rerecuareta sui ore sɨquɨyepave. Ahese Jesús oique ore pãhuve. Ore mboavɨrave. —¡Peico tuprɨ! —ehi oreu.

San Juan 20:19 Iomraidhean Croise

San Mateo 10:13

Ava oɨ pɨpendar oipotase yuvɨreko, oipɨsɨra mba'e avɨye va'e. Akoi ndapepɨsɨ potaise; pe evokoiyase ndapemokañɨ chietera mba'e avɨye va'e.

San Mateo 18:20

Esepia oimese ñuvɨrïo, anise mbosapɨ oñemonu'äse che rer pɨpe yuvɨreko, a'eve che aiko ipa'üve.”

San Marcos 16:14

Koiye katu rumo, Jesús oyemboyekwa gwemimbo'e opayandepo yovaive ñepëi tuprɨ yuvɨrekoi va'e upe, a'e ogwapɨ vɨteseve karusa rendave yuvɨnoi. Oñe'ëgäta a'e oyese yeroya e'ɨ̇sa rese chupe, okwerayevɨsa mombe'usar reroya e'ɨ̇ rese avei.

San Juan 14:27

Aseyara teko tuprɨsa peü. Ko amondo va'e che reko tuprɨsa che yesuindar ite, namondoi chira rumo peü inungar omondo va'e ko ɨvɨ pɨpendar yuvɨreko yepi. Anichira rumo peiko vɨ'are'ɨ̇sa pɨpe ndape sɨkɨyei chietera no.

San Juan 16:22

Egwë peye aveira kurïtëi ndape yembovɨ'ai chira; che rumo ayevɨ irira perepia, iyavei a'ese pe pɨ'a rorɨvetera, a'e torɨvetesa ndipoi chietera vɨrokwa va'e yuvɨreko pesui.

San Juan 16:33

Amombe'u ko opakatu mba'e peü, peiko va'erä che rese mba'e tuprɨ pɨpe pe reko agwä. Ko ɨvɨ pɨpe, pe paraɨsura peiko, peyemongere'ɨ̇ño katu: esepia che opa ite asekopɨ mba'e-mba'e tëi ko ɨvɨ pɨpe.

San Juan 20:21

Ipare Jesús aipo e'i iri gwemimbo'e eta upe: –¡Teko tuprɨsa tasekoi perese! Inungar che Ru che mbou, egwë a'e aveira che pe rereko kuri.

San Juan 20:26

Mbosapɨ ova arɨ pare, semimbo'e eta opa iri oñemonu'ä ñepëi oɨ pɨpe, a'ese ramo Tomás sekoi ipa'üve. A'eve okenda opa tuprɨ omovɨräkwä yuvɨreko, Jesús rumo oikeño ite oso gwemimbo'e pa'üve aipo e'i imboavɨrave: –¡Teko tuprɨsa tasekoi perese!

San Juan 21:1

Ko ipare, Jesús oyemboyekwa iri gwemimbo'e eta upe, ɨpa Tiberia popɨ ɨvɨi. Egwë e'i ko sepiasa va'e:

San Juan 21:14

Ko rese Jesús oyemboyekwa mbosapɨ yupagwer gwemimbo'e upe okwerayevɨ pare.

San Juan 7:13

Iyavei rumo, ndipoi ete ava oyemboyekwa va'e oñe'ë sese, osɨkɨyepave judío eta sui yuvɨreko.

Los Hechos 1:3

Oyemboyekwa gwembiporavo upe omanore, seta rupi omboyekwa okwerayevɨsa. Semimbo'e eta osepia yuvɨreko imanore cuarenta arɨ rupi. A'ese omombe'u Tüpä mborerekwasa resendar gwemimbo'e upe.

Romanos 15:33

Egwë te'i Tüpä gweko tuprɨsa pɨpe tasekoi opakatu pe rese yepi. Amén.

1 Corintios 15:5

ichui oyemboyekwa Pedro upe, ipare voi oyemboyekwa opayandepo yovaive ñuvɨrïo gwemimbo'e yuvɨrekoi va'e upe.

Efesios 2:14

Cristo ni'ä sekoi teko tuprɨsa yandeu. Esepia a'e yande mboyese'a judío, nda'ei va'e judío ñepëi va'e nungar yande yeamotare'ɨ̇ iri agwä oyeupe, yande ñemoɨrösa ni'ä opa omokañɨ yandesui gwetekwer mondosa pɨpe.

Efesios 6:23

Yande Ru Tüpä iyavei yande Yar Jesucristo tomondo opakatu vɨroyasar upe teko katuprɨsa, iporoaɨsu agwä, oyese yeroya agwä avei;

Filipenses 1:2

Yande Ru Tüpä, yande Yar Jesucristo taperovasa pe reko tuprɨ agwä.

2 Tesalonicenses 3:16

Avɨye yande Yar upe, a'e tombou gweko tuprɨsa pe reko tuprɨ agwä peü, arɨ yakatu rupi opakatu pe reko pɨpe. Iyavei yande Yar tasekoi arɨ rupi pe rese.

Hebreos 7:2

a'ese Abraham omondo oporerekosa vavasa sui mba'e gweru va'e imboopayandepo yovaivesa sui ñepëi-pëi chupe, opakatu rovai ikwa agwä ko Melquisedec rer “mborerekwar gwasu seko ɨ̇vi va'e” oyapave aipo e'i, iyavei a'e mborerekwar ɨvate katu va'e Salem pendar sekoi, “mborerekwar ɨvate katu va'e mba'e tuprɨ resendar ” oyapave aipo e'i.

3 San Juan 1:14

esepia aso pota ite nde repia, a'ese voi yañemoñetara oyeovai ete.

Apocalipsis 1:4

Che Juan, aikwachia Jesús reroyasar ñuvɨrïo ova tekwa Asia ɨvɨ rupindar yuvɨrekoi va'e upe. Peipɨsɨ porovasasa, teko tuprɨsa Tüpä suindar ou va'erä sui; ñuvɨrïo ova espíritu suindar aveino, a'e yuvɨno'äi va'e senda porañete va'e rovai,