San Juan 20:17 - Tüpä Ñe'ëngagwer

¹⁷ Jesús aipo e'i chupe: –Ani che mombɨta eve, esepia ndaso vitei ete che Ru pɨri. Eso iyavei emombe'u che reroyasar upe osora Vu pɨri erera yuvɨreko chupe, a'e che Ru pe Ru aveino, che Tüpä pe Tüpä aveino.

Tũpa Ñehengagüer

¹⁷ Evocoiyase María upe, —Erepocoi rene che rese. Esepia, ndayeupi vɨtei che Ru recosave. Esoño, emombehu che reroyasar upe: “Jesús oyeupira Vu Tũpa recosave” erera chupe. Che Ru, pe Ru avei; che Tũpa, pe Tũpa avei —ehi.

San Juan 20:17 Iomraidhean Croise

San Mateo 12:50

Esepia akoi che Ru ɨva pendar remimbotar oyapo va'e, a'e che rɨvrɨ, che reindrɨ iyavei che sɨ yuvɨrekoi.

San Mateo 25:40

Mborerekwar ɨvate katu va'e rumo omboyevɨra chupe: ‘Supiete peyapose opakatu mba'e avɨye va'e ñepëi seko mbegwemi va'e, che reroyasar pa'ü pendar upe cheu rumo egwë peye.’ ”

San Mateo 28:7

Peso poyava voi, tapemombe'u semimbo'e eta upe: ‘A'e okwerayevɨ, iyavei osora Galilea ve pemonu'ä agwä a'eve pesepiara.’ Ko chekwaita imombe'u agwä peü.

San Marcos 12:26

Iyavei amombe'ura ko omano va'e kwerayevɨsa resendar peü, ¿ndapeyerokɨi ete vo Moisés rembikwachiagwer pɨpe akoi ka'a rese sendɨ gwasu va'e avɨterve? Tüpä aipo e'i Moisés upe: ‘Che aiko Abraham, Isaac, iyavei Jacob Tüpä.’

San Marcos 16:19

Oñe'ë pare, yande Yar Jesús oso ɨvave a'eve ogwapɨ Vu Tüpä akato kotɨ öi.

San Lucas 10:4

Perasoi rene gwarepochi, tembi'u iyavei pepɨtaki; ani avei pepɨtara avɨrave apo agwä perɨ rupi.

San Juan 13:1

Pascua pieta renonde iyavei Jesús oikwa ite o'arɨ yepota ko ɨvɨ reya agwä oso va'erä Vu pɨri. A'e osaɨsu va'e ite ava oyeupendar ko ɨvɨ pɨpe yepi, egwë e'i saɨsu arɨ ipa va'e rupi.

San Juan 14:2

Esepia che Ru rëtä pɨpe ni'ä oime tuvicha iteanga pɨtu'u agwä yepi; ndipoise evokoi nungar viña, che namombe'ui chietera mba'e amoigätu va'erä peü narä viña.

San Juan 14:28

Pesendupa ni'ä akoi amombe'u va'ekwer asora a'ese vichiko iyavei ayevɨra aiko va'erä perese a'e akoi peü. Supiete che raɨsuse peye, a'ese peye mbovɨ'arete katura peikwase asose che Ru pɨri. Esepia a'e seko ɨvate katu va'e ite che sui yepi.

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

San Juan 16:28

Äse vɨtu che Ru rovai sui aiko va'erä ko ɨvɨ pɨpe, kurïtëi aseyara ko ɨvɨ ayevɨ va'erä che Ru pɨri vicho.”

San Juan 17:11

“Che ndaiko iri chira ko ɨvɨ pɨpe; a'e rumo yuvɨrekoveño itera ko ɨvɨ pɨpe, che evokoiyase asora nde pɨri. Che Ru ndaseko maräne'ɨ̇ va'e, esärö nde pirätäsa pɨpe nderer pɨpe sereko, akoi erembou cheu, oyese yuvɨrekoi tuprɨ agwä, inungar yande yaiko yepi.

San Juan 17:25

Che Ru, seko katuprɨ va'e, yuvɨrekoi va'e ko ɨvɨ pɨpe nande kwai ete yuvɨreko; che rumo orokwa ite, iyavei yuvɨrekoi va'e che rupi oikwa avei nde che mbouse yuvɨreko.

San Juan 17:5

Sese kurïtëi che Ru, embou nde yesuindar mba'e porañete va'e cheu, inungar akoi yɨpɨndar areko va'e nde rese ɨvɨ apoe'ɨ̇seve.

San Juan 20:27

Ipare aipo e'i Tomás upe: –Emoinge nekwä ko'ave, iyavei ema'e ko che po rese; iyavei embou ndepo emoinge che ɨke rese. Ani ereikora poreroya'ɨ̇sa pɨpe; ¡che reroya katu eve!

San Juan 7:33

Evokoiyase Jesús aipo e'i: –Che aikovera movɨrö arɨ rupive tëi pe pa'üve, ipare ayevɨra vicho che mbousar pɨri.

Romanos 8:29

Esepia yɨpɨve Tüpä yande kwapa oiko, yande poravo Gwa'ɨrɨ nungar ite yande reko agwä a'e tasekoi tenonde opakatu upe ambuae vɨvrɨ eta sui oya.

2 Corintios 6:18

iyavei che aikora pe Yesupa, pe evokoiyase peikora che ra'ɨrɨ che rayrɨ avei, aipo e'i yande Yar gweko pirätäsa pɨpe.”

Gálatas 3:26

pe ni'ä opakatu Tüpä ra'ɨrɨ peiko Cristo Jesús rese yeroya pɨpe,

Hebreos 11:16

a'e rumo oipota ambuae ɨvɨ avɨye katu va'e yuvɨreko, a'e ɨva pendar. Sese Tüpä nochi ete, che Ru Tüpä oyeupe'ese, esepia vɨreko ite tekwa imoigätuprɨ chupe narä.

Hebreos 8:10

Ko ayapora che remimmbotar rupi Israel pendar upe inungar yɨpɨndar arɨ, a'e ko sekoi, aipo e'i yande Yar: Amondora che porokwaita iyapɨsakasa pɨpe aikwachia aveira ipɨ'a ñemoñetasa pɨpe. A'ese aikora che Tüpä yuvɨreko chupe a'e evokoiyase cheundar yuvɨrekoira.

1 San Pedro 1:3

Yamboetei yande Yar Jesucristo Yesupa Tüpä sereko, a'e ni'ä oporoparaɨsu rekosa pɨpe yande rekokwer mbopɨasu yande Yar Jesucristo kwerayevɨsa pɨpe. Ipɨpe sui yaikwaño ite oimerä mba'e avɨye va'e yandeu,

1 San Juan 3:2

Che rɨvrɨ eta kurïtëi yaiko ite Tüpä ra'ɨrɨ. Yande rumo ndayaikwa tuprɨ vɨtei yande reko agwä, yaikwa rumo akoi oyemboyekwase Jesucristo, a'ese yaikora inungar, a'ese avei yasepiara opakatu seko reseve.

Apocalipsis 21:3

Ipare asendu ñe'ësa ipirätä va'e Tüpä renda porañete va'e sui, aipo e'i: “Ko'ave Tüpä sekoi opakatu ava re'ɨi reseve. A'e oikove va'erä ite sese yuvɨreko yepi, a'e ava evokoiyase chupe narä ite yuvɨrekoira, Tüpä teiete ni'ä sekoira Itüpägwä.

Apocalipsis 21:7

Akoi ava oyemovɨräkwä va'e mba'e-mba'e tëi apoe'ɨ̇ agwä, a'e oipɨsɨra ko mba'e opakatu oma'erä yuvɨreko; che aikora Tüpä chupe narä yuvɨreko, a'e evokoiyase che ra'ɨrɨ yuvɨrekoira.