San Juan 19:9 - Tüpä Ñe'ëngagwer

⁹ Koiye oike iri mborerekwar oɨ ñemonu'äsa pɨpe aipo e'i oporandu Jesús upe: –¿Ke pendar ite vo nde ereiko? Jesús nomboyevɨ iri ete iñe'ë chupe.

Tũpa Ñehengagüer

⁹ Vɨroique iri oɨ pɨpe seraso. Aheve oporandu chupe: —¿Que pendar ité vo nde ereico? —ehi. Ahe rumo nomboyevɨ iri eté iñehe chupe.

San Juan 19:9 Iomraidhean Croise

San Mateo 26:63

Jesús rumo noñe'ëi ete o'ä. Pa'i eta rerekwar ɨvate katu va'e aipo e'i chupe: –Tüpä oikove va'e rer pɨpe emombe'u supiete va'e mba'e. Nde ite vo ereiko Poropɨsɨrösar, Tüpä Ra'ɨrɨ.

San Mateo 27:27

Mborerekwar sundao eta vɨraso Jesús ambuae oɨ ñemonu'äsa pɨpe a'eve opakatu omboetasa omboyere tuprɨ sese yuvɨreko.

San Lucas 23:9

Evokoiyase oporandu-randu tëi mba'e rese chupe, Jesús rumo nomboyevɨi ete iñe'ë.

San Juan 18:28

Ipare vɨraso Jesús Caifás rëtä sui yuvɨreko mborerekwar Roma pendar ñemonu'äsave. Esepia ko'ë ite ou, judío eta rumo ndoyuvɨroikei ete mborerekwar ɨvate katu va'e ñemonu'äsave, yuvɨroikese ndovɨroyai chietera porokwaita yuvɨreko viña iyavei ndoyuvɨro'ui tembi'u Pascua resendar yuvɨreko viña.

San Juan 18:33

Pilato oike iri mborerekwar ñemonu'äsave, oñe'ë Jesús upe aipo e'i oporandu chupe: –¿Nde ite vo ereiko judío Rerekwar ɨvate katu va'e?

San Juan 18:34

Jesús aipo e'i chupe: –¿Ndeyesui ete vo aipo ereporandu cheu, anise tie oime ambuae omombe'u va'e che rekokwer ndeu?

San Juan 18:37

Evokoiyase Pilato oporandu iri chupe: –¿Nde ite katu mborerekwar ɨvate katu va'e ereiko? Jesús omboyevɨ chupe: –Nde ite ni'ä aipo ere cheu: che ni'ä mborerekwar ɨvate katu va'e. Che ayesu iyavei ayu ko ɨvɨ pɨpe amombe'u va'erä mba'e supi va'e ete. Iyavei opakatu vɨroya va'e ñe'ësa supi va'e ite, a'e osenduño avei che ñe'ë yuvɨreko.

San Juan 19:10

Pilato aipo e'i chupe: –¿Evokoiyase nderemboyevɨi chietera ñe'ësa cheu? ¿Ndereikwai vo che mborerekwar aiko nde atɨka uka agwä, mba'e tëi sui nde renose agwä avei?

San Juan 19:8

Aipo ñe'ësa renduse, Pilato oyembosɨkɨye katu iri.

San Juan 8:14

Jesús rumo omboyevɨ chupe: –Che ñe'ë rumo supi va'e ite, yepe cheyese ae añe'ë viña. Esepia che aikwa kesui ayu iyavei ke'asora; evokoiyase, pe rumo ndapeikwai ete.

Filipenses 1:28

iyavei ndapeyembosɨkɨyei chira pe amotare'ɨ̇mbar sui. Evokoiyase a'e oikwara yuvɨreko chupe ite Tüpä omondora imokañɨ agwä, pe rumo peipɨsɨra poropɨsɨrösa Tüpä sui kuri.