San Juan 19:6 - Tüpä Ñe'ëngagwer

⁶ Osepiase rumo pa'i eta rerekwar iyavei sundao eta tüpäro rärösar, omboɨpɨ gwasë yuvɨreko: –¡Tayatɨkasa! ¡Tayatɨkasa! Pilato aipo e'i ava eta upe: –Peraso peyatɨka pe ae, esepia che ndayosɨi ete ñepëi mba'e sembiavɨ naporäi va'e.

Tũpa Ñehengagüer

⁶ Osepiase pahi eta rerecuar, sundao rerecuar avei, omboɨpɨ osapucai: —¡Tayatɨcasa! ¡Tayatɨcasa! —ehi pãve voi yuvɨreco chupe. Pilato evocoiyase aipo ehi ava upe: —Peraso, peyatɨca pe ae. Esepia, che ndayosui eté mbahe sembiavɨ —ehi.

San Juan 19:6 Iomraidhean Croise

San Mateo 26:58

Pedro rumo amombrɨ rupive tëi osakɨkwei moña oso egwë e'i oyepota pa'i rerekwar ɨvate katu va'e rëtä rokar ächisave. A'eve oike ipɨpe, ogwapɨ öi sundao pa'üve marä e'i etera pi'ä sereko yuvɨreko oyapave.

San Mateo 27:22

Pilato oporandu iri aipo e'i: –¿Mba'e vo evokoiyase che ayapora Jesús rese, Poropɨsɨrösar e'i va'e yuvɨreko chupe? A'e opakatu omboyevɨ yuvɨreko chupe: –¡Tayatɨkasa kurusu rese!

San Mateo 27:24

Pilato osepiase mba'e noigätuise, esepia ni'ä ava re'ɨi yaɨvu gwasu katu-katu irise, gweru uka ɨ, ɨpɨpe oyepoi opakatu ava re'ɨi rovake aipo e'i: –Nda'ei che porokwaita rupi yukasara ko mbɨa; pe remimbotar rupi ete yaposara.

San Lucas 23:4

Evokoiyase Pilato aipo e'i pa'i eta rerekwar upe opakatu ava upe avei: –Che rumo namo'äi ete ko mbɨa mba'e oyapo va'erä.

San Juan 18:3

Egwë e'i Judas oyepota oso sundao re'ɨi reseve iyavei tüpäro rärösar pa'i eta rerekwar fariseo eta remimondo rese avei. A'e yuvɨrekoi oyeepɨsa rese, iyavei opakatu vɨraso gwataendɨ yuvɨreko.

San Juan 18:31

Pilato aipo e'i ava eta upe: –Peraso, pe ae peyapo mba'e sese peündar mborokwaita rupi. Judío eta rerekwar omboyevɨ yuvɨreko chupe: –Ore oroiko va'e judío ndipotasai ete ñepëi ava yuka agwä.

San Juan 18:38

Pilato aipo e'i chupe: –¿Mba'e vo aipo supiete va'e? Ko rese porandu pare, Pilato osë iri oñe'ë va'erä judío eta rese, aipo e'i: –Che ndayosɨi ete ñepëi mba'e ko mbɨa rembiavɨ.

San Juan 19:15

A'e rumo säse pirätä yuvɨreko: –¡Töse! ¡Töse! ¡Tayatɨkasa kurusu rese! Pilato oporandu ava eta upe: –¿Peipota vo yatɨkasa kurusu rese pe rerekwar ɨvate katu va'e? Iyavei pa'i eta rerekwar omboyevɨ yuvɨreko chupe: –¡Ore ndorovɨreko iri ete ambuae mborerekwar ɨvate katu va'e Roma pendar sui!

San Juan 19:4

Pilato evokoiyase osë iri, aipo e'i ava eta upe: –Pesepia aru ko'ave, peikwa va'erä che ndayosɨi ete ñepëi mba'e sembiavɨ.

Los Hechos 2:23

Ipare rumo evokoi Jesús imondosa peü yuka agwä, a'e rumo Tüpä remimbotar rupi, esepia yɨpɨve ite Tüpä oikwa peipɨsɨra yuka uka agwä kurusu rese ava naporäi va'e upe.

Los Hechos 7:52

¿Uma Tüpä ñe'ë mombe'usar pi'ä ndovɨrekoi marä-marä tëi peramoi yuvɨreko araka'e? A'e avei oyukapa omombe'u va'e ndaseko maräi va'e rekokwer yusa resendar yuvɨreko, iyavei kurïtëi ou ite ndaseko maräi va'e, pe avei peporokwai yuka uka agwä.