San Juan 19:42 - Tüpä Ñe'ëngagwer

⁴² A'e ipɨpe omondo Jesús re'ögwer yuvɨreko, esepia tuvɨpa köimi ete ichui vɨrovɨ avei arɨ mbɨtu'usa judío eta upe yuvɨreko.

Tũpa Ñehengagüer

⁴² Ipɨpe omoingue Jesús rehõgüer yuvɨreco. Esepia, ahe tuvɨpa cõimi eté ichui iyavei vɨrovɨ ité judío pɨtuhusa arɨ.

San Juan 19:42 Iomraidhean Croise

San Mateo 12:40

Esepia inungar Jonás mbosapɨ arɨ iyavei mbosapɨ pɨ̇tü pira gwasu avɨterve sekoi, egwë e'i aveira ava ɨvate katu va'e Ra'ɨrɨ mbosapɨ arɨ iyavei mbosapɨ pɨ̇tü tuira ɨvɨvrɨve.

San Juan 19:14

Ipane vɨtese ñepëi arɨ Pascua pieta agwä, vɨrovɨse aipo mbɨter arɨ. A'ese Pilato aipo e'i judío eta upe: –¡Ndo ko pe rerekwar sekoi!

San Juan 19:20

Seta iteanga judío oyerokɨ ko ikwachiaprɨ rese yuvɨreko, esepia Jesús atɨkasa namombrɨimi ete tekwa sui, ikwachiasa hebreo, latín iyavei griego ñe'ë pɨpe.

San Juan 19:31

Ipanese ñepëi arɨ Pascua pieta agwä, a'ese judío eta ndoipotai ete opɨta va'erä ava retekwer kurusu rese mbɨtu'usa arɨ pɨpe yuvɨreko, esepia a'e mbɨtu'usa arɨ pɨpe imboeteisa gwasu va'e ite yepi. Sese Pilato upe oporandu yuvɨreko a'e oyokwai va'erä kurusu rese yatɨkaprɨ retɨ̇ma mopë agwä iyavei setekwer vɨroyɨ va'erä kurusu sui yuvɨreko.

San Juan 19:41

A'eve Jesús oyatɨka yuvɨreko oime ñepëi mba'e mitɨ̇ rëtä, ipɨpeve avei oime ñepëi tuvɨpa ndiporusai va'e a'eve nomondo vɨtei ete te'ögwer ipɨpe yuvɨreko.

Los Hechos 13:29

Ipare, omboavɨyese opakatu Ikwachiaprɨ pɨpendar yuvɨreko sese, ovɨroyɨ uka kurusu sui ñotɨ̇ agwä yuvɨreko.

1 Corintios 15:4

iyavei oñotɨ̇ se'ögwer yuvɨreko, ipare rumo imombosapɨsa arɨ pɨpe okwerayevɨ iri Ikwachiaprɨ rupi ete avei;

Colosenses 2:12

Pe apirämosa pɨpe opa ite pe rekokwerai ñotɨ̇sa Cristo rupive, egwë e'i avei pe rekokwer okwerayevɨ supive, esepia peyeroya ite Tüpä pirätäsa, a'e akoi ombogwerayevɨ omano va'e pa'ü sui.