San Juan 19:38 - Tüpä Ñe'ëngagwer

³⁸ Ko ipare José, tekwa Arimatea pendar, oporandu Pilato upe Jesús re'ögwer reraso agwä rese. Esepia ni'ä José Jesús rupindar avei. Ndoyekwa ukai rumo osɨkɨyepave mborerekwar judío eta upe. Pilato evokoiyase avɨye e'i chupe, ipare José vɨraso se'ögwer.

Tũpa Ñehengagüer

³⁸ Ipare José, tecua Arimatea pendar, oporandu Pilato upe Jesús rehõgüer reraso ãgua rese. José aipo Jesús rupindar. Ndoyecua ucai rumo omboetasa judío eta upe pahi rerecuar sui osɨquɨyepave. Pilato evocoiyase, “Avɨye, eraso” ehi chupe. Evocoiyase José oso vɨraso sehõgüer.

San Juan 19:38 Iomraidhean Croise

San Juan 12:42

Koiye katu, seta ite judío vɨroya va'e Jesús, seko ɨvate katu va'e avei. A'e rumo nomboyekwai ete seroyasa yuvɨreko fariseo sui osɨkɨyepave omombo e'ɨ̇ agwä oɨ judío ñemonu'äsa sui yuvɨreko.

San Juan 7:13

Iyavei rumo, ndipoi ete ava oyemboyekwa va'e oñe'ë sese, osɨkɨyepave judío eta sui yuvɨreko.

San Juan 9:22

Iyesupa rumo osɨkɨyepave tëi aipo e'iño yuvɨreko, esepia judío eta opa ite oyemoigätu yuvɨreko imombo agwä oɨ judío ñemonu'äsa sui ava vɨroya va'e Jesús Poropɨsɨrösar sekoise e'i va'e.

Los Hechos 13:29

Ipare, omboavɨyese opakatu Ikwachiaprɨ pɨpendar yuvɨreko sese, ovɨroyɨ uka kurusu sui ñotɨ̇ agwä yuvɨreko.

Filipenses 1:14

Iyavei che aikose poroekendasave, a'ese seta eteprɨ yande rɨvrɨ che repiase oyemongere'ɨ̇ katu Tüpä ñe'ëngagwer mombe'u agwä osɨkɨye e'ɨ̇sa pɨpe, oyeroya katu avei yande Yar rese yuvɨreko.