San Juan 19:34 - Tüpä Ñe'ëngagwer

³⁴ Ñepëi sundao pa'ü pendar oyɨke kutu ñepëi mba'e sakwävi va'e pɨpe, a'e ramoseve voi osë suvɨ ɨ reseve ichui.

Tũpa Ñehengagüer

³⁴ Ñepei sundao rumo oicutu yɨqueve lanza pɨpe. Ahe ramoseve voi osẽ suvɨ, ɨ reseve.

San Juan 19:34 Iomraidhean Croise

San Mateo 27:62

A'ere arayi'ive, mbɨtu'usa arɨ pɨpe, pa'i eta rerekwar iyavei fariseo yuvɨraso oyoya gwasu Pilato upe,

San Juan 19:33

Oyemboyase rumo Jesús rese, omano ite e'i sepiase yuvɨreko chupe. Sese nomopëi ete setɨ̇ma yuvɨreko.

San Juan 20:20

Aipo o'e pare, omboyekwa opo oɨke avei. Ipare a'e oyembovɨ'a rete Yar repiase yuvɨreko.

Los Hechos 22:16

Evokoiyase, kurïtëi ndiya iri eresärö. Epü'a, toroapirämo eporandu yande Yar upe nde reko moatɨrö agwä nde angaipa sui.’ ”

1 Corintios 1:30

Tüpä ite ni'ä opa pe mboyemboya Cristo Jesús rese, iyavei Cristo vɨreko uka yande mba'ekwa agwä, yande reko tuprɨ agwä, yande rekokwer rovasa agwä iyavei ndayaiko iri va'erä mba'e-mba'e tëi pɨpe.

1 Corintios 6:11

Oime avei ni'ä akoi pe pa'ü pendar yɨpɨndar egwë e'i va'e yuvɨreko; kurïtëi rumo opa pe angaipa imokañɨsa pe sui iyavei pe ipe'aprɨ peiko Tüpä upe narä ite, a'e yande Yar Jesucristo rer pɨpe yande Ru Tüpä Espíritu pirätäsa pɨpe aveino.

Efesios 5:26

Egwë e'i yande rekokwer moatɨrö yande angaipa sui ɨ pɨpe Tüpä ñe'ëngagwer reroyasave

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Hebreos 9:13

Supiete gwaka kuimba'e ruvɨ iyavei ovesa ruvɨ, gwaka kuña tanimbu akoi imondoprɨ va'e ava seko marä va'e rese, a'e avei vɨreko raimi tëi pirätäsa ava rete moatɨrö agwä.

Hebreos 9:22

Porokwaita rupi ete tuvɨ pɨpe seni opakatu mba'e oñemoatɨröpa; ndipoi ete ñeröisa angaipa upe mba'e ruvɨ pɨyereprɨ pore'ɨ̇se.

1 San Pedro 3:21

A'e ɨ osä'angapo ɨ poroapirämosa, a'e omboyekwa yande ipɨsɨröprɨ yande rekosa. Poroapirämosa rumo ɨ pɨpe nda'ei yande rete moatɨrö agwä, ko rumo yaporandura Tüpä upe, yande pɨ'a ñemoñetasa moatɨrö agwä, ipɨpe sui evokoiyase yañepɨsɨröra yande Yar Jesucristo kwerayevɨsa pɨpe,

1 San Juan 5:6

Ko Jesucristo yusa ikwasa ɨ pɨpe ñapirämombrɨse iyavei tuvɨ rese; nda'ei ɨ reseño, ikwasa ɨ tuvɨ rese avei. Esepia Espíritu teiete oikwa sekokwer, Espíritu avei omombe'u mba'e supiete va'e yepi.

1 San Juan 5:8

Espíritu, ɨ, iyavei suvɨ; a'e mbosapɨ oyoya tuprɨ sekokwer yuvɨreko.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,

Apocalipsis 7:14

“Nde rumo ereikwa” a'e imboyevɨ chupe. A'e evokoiyase aipo e'i cheu: “Ko akoi yuvɨnosë tuprɨ va'e ite teko asɨsa sui yuvɨreko, inungar oyosei omomorochi va'e oturukwar, egwë e'i avei gwekokwer imomorochi Ovesami a'e Cristo sekoi va'e ruvɨ pɨpe yuvɨreko.”