San Juan 18:8 - Tüpä Ñe'ëngagwer

⁸ Jesús aipo e'i iri a'e yuvɨrekoi va'e upe: –Amombe'u akoi peü che ni'ä a'e aiko. Che ite che rekase peye, pepokoi rene katu ko yuvɨrekoi va'e rese toyuvɨrasoño.

Tũpa Ñehengagüer

⁸ Aipo ihese, —“Che niha ahe aico” ahe pẽu —ehi—. Che che recase peye, pepocoi rene catu co ambuae rese, toyuvɨrasopaño —ehi.

San Juan 18:8 Iomraidhean Croise

San Mateo 26:56

Ko rumo opakatu yavɨye rane itera aipo e'i va'e Tüpä ñe'ë mombe'usar rembikwachiagwer araka'endar. A'e ramoseve voi, opakatu semimbo'e eta oseya Jesús imo'ä a'e ae yuvɨreko, ipare opa oñemi yuvɨreko ichui.

San Juan 10:28

Che amondo avei tekovesa apɨre'ɨ̇, ipɨpe sui ndipoi chietera okañɨi va'e iyavei ndipoi chira serokwasar yuvɨreko che sui.

San Juan 13:1

Pascua pieta renonde iyavei Jesús oikwa ite o'arɨ yepota ko ɨvɨ reya agwä oso va'erä Vu pɨri. A'e osaɨsu va'e ite ava oyeupendar ko ɨvɨ pɨpe yepi, egwë e'i saɨsu arɨ ipa va'e rupi.

San Juan 13:36

Simón Pedro oporandu Jesús upe: –Che Yar, ¿ke ite vo eresora? –Kevo che asora–e'i Jesús omboyevɨ chupe–, kurïtëi ndiyai ete peso va'erä che rupi; koiye katu rumo pesora che rupi.

San Juan 16:32

Osupitɨ ite arɨ, iyavei ko pɨpeve sui ete, opara peyeñomosai ñepëi-pëi peremimbotar rupi che sui, iyavei che reyara che ae peye. Ndaikoi rumo che ae tëi, esepia che Ru sekoi ete che rese.

San Juan 18:7

Jesús oporandu iri ava re'ɨi upe: –¿Ava ite vo peseka? Ipare a'e omboyevɨ iri yuvɨreko chupe: –Jesús Nazaret pendar.

San Juan 18:9

Ko egwë e'i yavɨye rane itera Jesús remimombe'ugwer aipo e'i va'e: “Che Ru akoi erembou va'e cheu, ndipoi ete ñepëi okañɨ va'e.”

1 Corintios 10:13

Pe rumo kurïtëi ndapeiko vɨtei ete tekoa'äsa yavai va'e pɨpe. Sese peyeroyaño itera Tüpä rese, a'e ni'ä oikwa pe yemovɨräkwäsa, noñokwai chira tekoa'äsa imbou peü. Akoi mba'e tëi oimese pe rekoa'äse, Tüpä ombou voiñora pirätäsa evokoi mba'e tëi sui pe së agwä, chupe pe ñemosa agwä.

2 Corintios 12:9

yande Yar aipo e'i cheu: “Che porovasasa ndeu ambou va'e iyara nde ñemosa agwä; esepia che pirätäsa oyekwa katu ite ava nipirätäi va'e rekokwer rese evokoiyase che ayembovɨ'a katuño itera che reko nipirätäi va'e rese.” Egwë e'ira Jesucristo pirätäsa oyekwa che rese.

Efesios 5:25

Iyavei kuimba'e osaɨsura gwembireko, inungar Cristo osaɨsu opakatu vɨroyasar, omondo gwekokwer chupe narä.

1 San Pedro 5:7

Opakatu mba'e rese pe pɨ'añemoñeta atɨsa pemombe'ura Tüpä upe, esepia a'e pe rärösar ite sekoi.