San Juan 18:32 - Tüpä Ñe'ëngagwer

³² Egwë e'i yavɨye Jesús ñe'ë agwer imano agwä resendar.

Tũpa Ñehengagüer

³² Ẽgüe ehi Jesús ñehe imano ãgua resendar yavɨye.

San Juan 18:32 Iomraidhean Croise

San Mateo 20:19

ipare omondora ambuae ava tekwa pendar tëi upe yuvɨreko, mborerekwa eta Roma pendar upe a'e vɨroɨröra, yuvɨrokwa-rokwara sese ipare oyatɨkara kurusu rese yuvɨreko; imombosapɨsa arɨ pɨpe rumo okwerayevɨra.

San Mateo 26:2

–Peikwa ñuvɨrïo arɨ tëi ipane vɨte ko Pascua pieta yepota agwä, ipare che ava ɨvate katu va'e Ra'ɨrɨ imondosara yatɨkapɨrä kurusu rese.

San Marcos 10:33

“Peikwa ni'ä, yasora tekwa Jerusalén ve, a'eve rumo che, ava ɨvate katu va'e Ra'ɨrɨ, che pɨsɨra che mondo pa'i eta rerekwar iyavei Moisés porokwaita rese oporombo'e va'e povrɨve, a'e tomano e'ira yuvɨreko cheu ipare che mondo aveira ava nda'ei va'e yande mu upe yuvɨreko.

San Juan 10:31

Judío eta osupipa iri ita yapi-yapi agwä yuvɨreko,

San Juan 10:33

Judío eta omboyevɨ yuvɨreko chupe: –Nande api-apisai chira ni'ä ita pɨpe mba'e nde rembiapo avɨye va'e rese, esepia nde ereñe'ë rai tëi Tüpä rese. Nde rumo ereiko ava nungar tëi, iyavei nde ereyeapo inungar Tüpä nde ae eiko.

San Juan 13:18

“Nañe'ëi ete aipo pe opakatu peiko va'e rese; che rumo aikwa uma opa aiporavo yuvɨreko. Ko rumo imboavɨyesa rane itera aipo e'i va'e Ikwachiaprɨ pɨpe öi: ‘Akoi okaru va'e che pɨri, a'e oyemboyere che amotare'ɨ̇ kurïtëi.’

San Juan 18:31

Pilato aipo e'i ava eta upe: –Peraso, pe ae peyapo mba'e sese peündar mborokwaita rupi. Judío eta rerekwar omboyevɨ yuvɨreko chupe: –Ore oroiko va'e judío ndipotasai ete ñepëi ava yuka agwä.

San Juan 21:19

Ko omombe'use, Jesús oikwa uka marä e'ira Pedro omano kuri iyavei omanosa pɨpe omboeteira Tüpä sereko. Ipare aipo e'i chupe: –¡Erio che rupi!

San Juan 3:14

Inungar Moisés osupi ɨvate mboi ra'anga ɨvɨ iporupɨre'ɨ̇sa rupi araka'e, egwë e'i aveira che, ava ɨvate katu va'e Ra'ɨrɨ rerekosa ɨvate che rupira yuvɨreko,

San Juan 8:28

Sese aipo e'i chupe: –Pesupise rumo ava ɨvate katu va'e Ra'ɨrɨ, a'ese voi peikwara Che a'e Aikose, ndayapoi avei mba'e che remimbotar rupi tëi; che rumo amombe'u mba'e che Ru che mbo'esa rupi gweraño ite.

Los Hechos 7:59

Oapi-apiseve, Esteban oyerure, aipo e'i: “Che Yar Jesús, eipɨsɨ che ä.”

Gálatas 3:13

Moisés porokwaita mboavɨye e'ɨ̇sa pɨpe yakañɨ tëira viña, Cristo rumo yande renose yande kañɨ tëi rägwer sui, a'e ae opa oipɨsɨ ñemoɨrösa yande repɨrä, esepia Ikwachiaprɨ pɨpe aipo e'i: “Opakatu ava imboyasekoprɨ ɨvɨra rese, oipɨsɨ ñemoɨrösa yuvɨreko.”