San Juan 17:6 - Tüpä Ñe'ëngagwer

⁶ Akoi nde ereiporavo va'e ko ɨvɨ pɨpe erembou va'erä cheu, orokwa uka ite yuvɨreko chupe. A'e yuvɨrekoi va'ekwer nde rupi, nde evokoiyase erembou cheu, a'e oyapo ite nde porokwaita yuvɨreko.

Tũpa Ñehengagüer

⁶ “Co nde rembiporavo ava co ɨvɨ pɨpendar pãhu sui erembou vahe cheu; orocua ucapa chupe. Yɨpɨndar ndeundar yuvɨrecoi. Ipare nde erembou cheu. Ahe vɨroya ité nde ñehe yuvɨreco.

San Juan 17:6 Iomraidhean Croise

San Juan 1:18

Ndipoi ete ava osepia va'e Tüpä; Ta'ɨrɨ ñepëi va'eño ite, a'e Tüpä iyavei sekoi va'e Vu pɨri, a'e ni'ä oikwa uka yandeu.

San Juan 12:28

Che Ru, emboyekwa nde pirätäsa nderer porañetesa mboetei agwä.” A'ese oyeendu ɨva sui ñepëi ñe'ësa, aipo e'i va'e: “Opa ni'ä amboetei sereko yepi, ayevɨ iri etera rumo imboetei agwä.”

San Juan 15:19

Peikose ko ɨvɨ pɨpendarse viña, a'ese ava ko ɨvɨ pɨpendar pe raɨsuai etera viña, inungar a'e osaɨsuai oyesuindar yuvɨreko yepi. Che rumo opoporavo ko ɨvɨ pɨpendar pa'ü sui, sese ni'ä ko ɨvɨ pɨpendar ndapeambotai ete yuvɨreko, esepia ni'ä nda'e iri ete peiko ko ɨvɨ pɨpendar.

San Juan 15:3

Che ñe'ë amombe'u va'e pɨpe sui kurïtëi peiko ite ñemoatɨrösa pɨpe.

San Juan 15:7

Akoi supiete peikose che rese, iyavei ndaperesaraise che porombo'esa sui, peporanduse rumo mba'e pe remimbotar rese a'e imondosaño itera peü.

San Juan 17:12

Che aikose ko ɨvɨ pɨpe ipɨri yuvɨreko, asärö tuprɨ nderer pirätäsa pɨpe, akoi erembou va'e cheu. Ndipoi ete ñepëi okañɨ tëi va'e, akoi yɨpɨve okañɨ va'eño ite rumo okañɨ tëi; yavɨye rane itera aipo e'i va'e Ikwachiaprɨ pɨpe.

San Juan 17:14

Che ni'ä amombe'u nde ñe'ë yuvɨreko chupe, ko ɨvɨ pɨpendar rumo ndoyambotai yuvɨreko esepia a'e nda'ei ko ɨvɨ pɨpendar yuvɨrekoi, inungar avei che nda'ei aiko ko ɨvɨ pɨpendar.

San Juan 17:16

Inungar che nda'ei aiko ko ɨvɨ pendar, egwë e'i avei a'e nda'ei ko ɨvɨ pendar yuvɨrekoi.

San Juan 17:2

Nde ni'ä erembou Cheu mborerekwasa opakatu ava arɨve areko va'erä, amondo va'erä avei tekovesa apɨre'ɨ̇ vichiko opakatu eremombe'u va'ekwer upe narä.

San Juan 17:24

“Che Ru, nde ni'ä akoi erembou ko yuvɨrekoi va'e cheu, iyavei aipota a'e yuvɨrekoi che pɨri che rekosave, osepia va'erä che reko porañetesa yuvɨreko, teko porañetesa nde erembou va'e cheu; esepia nde ni'ä yɨpɨve ite che raɨsu eve ko ɨvɨ apoe'ɨ̇seve.

San Juan 17:26

Che orokwa uka avei yuvɨreko chupe, iyavei orokwa uka vɨtera rumo, evokoiyase nde che raɨsusa tovɨreko avei yuvɨreko, che avei taiko yuvɨreko sese.”

San Juan 17:7

Kurïtëi oikwapa ite opakatu mba'e ndesuindar ouse yuvɨreko cheu;

San Juan 18:9

Ko egwë e'i yavɨye rane itera Jesús remimombe'ugwer aipo e'i va'e: “Che Ru akoi erembou va'e cheu, ndipoi ete ñepëi okañɨ va'e.”

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

San Juan 6:39

Iyavei che mbousar ndoipotai ete ñepëi ava ombou va'e cheu amokañɨrä, a'e oipota ambogwerayevɨra arɨ ipa va'e pɨpe kuri.

San Juan 8:51

Supiete akoi vɨroya va'e che ñe'ë, a'e nomanoi chietera.

San Juan 8:52

Judío eta omboyevɨ yuvɨreko aipo e'i chupe: –Kurïtëi oroikwa ite nde ererekose karugwar ndeyese. Esepia Abraham iyavei opakatu Tüpä ñe'ë mombe'usar omanopa ite yuvɨreko, iyavei nde aipo ere: ‘Akoi che ñe'ë reroyasar, nomanoi chietera.’

Los Hechos 13:48

Ava nda'ei va'e judío osenduse ñe'ësa oyembovɨ'arete, ipare omboɨpɨ ko Yar ñe'ëngagwer upe avɨye e'i ite yuvɨreko; iyavei opakatu ava iporavoprɨ tekovesa apɨre'ɨ̇ va'e pɨsɨ agwä a'e vɨroya ite yuvɨreko.

Romanos 11:2

Yɨpɨsuive ite, Tüpä oikwa Israel gwekwa nungar sereko; sese kurïtëi ndasesarai ete ichui. ¿Ndapeikwai vo Ikwachiaprɨ pɨpe aipo e'i Tüpä ñe'ë mombe'usar Elías resendar aipo e'i oyeruresa pɨpe oñe'ërai ava Israel pendar rese Tüpä upe? Aipo e'i:

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

Colosenses 3:16

Topɨta tuprɨ Cristo ñe'ëngagwer pe pɨ'a pɨpe. Pe arakwasa tuprɨsave peyembo'e tuprɨ, peyemongere'ɨ̇ katu sapukaisa Tüpä suindar rese. Pesapukai opakatu sapukaisa Tüpä upendar pe pɨ'a pɨpe, avɨye ndeu pe esave yepi.

2 Timoteo 1:13

Ko porombo'esa amondo va'e ndeu supi ñoite eregwatara, iyavei ereikoño itera Tüpä reroyasa pɨpe, poroaɨsusa yareko va'e rese avei avɨye Cristo Jesús upe.

Hebreos 2:12

A'e aipo e'i Ikwachiaprɨ pɨpe: “Añe'ëra nde rese che rɨvrɨ eta upe, asapukai aveira sapukaisa ndeu opakatu ava ñemonu'äsave.”

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

1 San Pedro 1:1

Che Pedro, Jesucristo ñe'ë mombe'usar aikwachia ko che ñe'ë peü, pe Tüpä rembiporavo pe rekwa pɨpe sui peñemosai va'e ɨvɨ Ponto, Galacia, Capadocia, Asia iyavei Bitinia rupi peiko va'e upe,

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

Apocalipsis 2:13

Che aikwa pe rekosa, a'eve akoi Karugwar ogwapɨ öi; mborerekwar gwasu nungar imboyeroyaprɨ sekoi. Pe rumo peyemovɨräkwäño ite chupe che rekokwer rese peiko, ndapeseyai ete che rese pe yeroyasa yepe oyuka tëi che rekokwer mombe'u tuprɨsar Antipas evokoi tekwa Karugwar rekosave.

Apocalipsis 3:10

Esepia peroya ite che porokwaita, peyemovɨräkwä ite evokoi mba'e tëi upe peiko, evokoiyase che opoepɨra akoi arɨ tekoa'äsa ouse opakatu ɨvɨ rupindar upe kuri.

Apocalipsis 3:8

Che rumo aikwa mba'e opakatu pe rembiapo; esepia, che amondo pe rovake inungar okenda imboiprɨ peü pemombe'u va'erä che rekokwer, a'e ñepëi yepe ava nomboyai chietera yuvɨreko, esepia, yepe pe nipirätä tuprɨi va'e, peroya ite rumo che ñe'ë iyavei ndacheñomi ete ava sui peye.