San Juan 17:26 - Tüpä Ñe'ëngagwer

²⁶ Che orokwa uka avei yuvɨreko chupe, iyavei orokwa uka vɨtera rumo, evokoiyase nde che raɨsusa tovɨreko avei yuvɨreko, che avei taiko yuvɨreko sese.”

Tũpa Ñehengagüer

²⁶ Orocua uca chupe, orocua ucaño vɨte itera rumo. Evocoiyase nde che raɨsusa tovɨreco avei yuvɨreco, che avei taico yuvɨreco sese” ehi Jesús oyeroquɨ güemimbohe recocuer rese.

San Juan 17:26 Iomraidhean Croise

San Juan 14:20

A'e arɨ pɨpe koiye, pe mondora pepɨ'a ñemoñetasa che aikose che Ru rese, pe evokoiyase peikora che rese, che avei aikora pe rese.

San Juan 14:23

Jesús omboyevɨ chupe: –Akoi che raɨsusar, omboyeroya va'e che ñe'ë; a'e che Ru avei osaɨsura, che iyavei che Ru oroyura oroiko va'erä sese.

San Juan 15:15

Mbigwai nda'e iri chira peü, esepia mbigwai ndoikwai ete mba'e gwerekwar rembiapo yepi. Che mborɨpar a'era peü, esepia aikwa uka ite peü opakatu ñe'ësa che Ru omombe'u va'e cheu.

San Juan 15:4

Akoi peikose ite che rese, inungar avei che aikora pe rese yepi. Ñepëi uva ɨ räkä rumo ndi'ai chietera oyesui ae tëi, esepia ni'ä a'e ndoyai ete o'ɨ rese; egwë peye aveira, pe ndapeikatui chietera mba'e avɨye va'e apo agwä, ndapeikoise cherupi yepi.”

San Juan 15:9

Che opoaɨsu ite pe rereko inungar che Ru che raɨsu che rereko yepi; sese peikoño katu che poroaɨsusa pɨpe.

San Juan 17:23

Che aiko yuvɨreko sese nde evokoiyase ereiko che rese, a'ese yuvɨrekoira tekovesa i'ɨ̇vi tuprɨ va'e pɨpe, iyavei ko ɨvɨ pɨpendar ipɨ'añemoñetara nde che mbouse eve, eresaɨsu avei yuvɨreko inungar che raɨsu eve yepi.”

San Juan 17:6

Akoi nde ereiporavo va'e ko ɨvɨ pɨpe erembou va'erä cheu, orokwa uka ite yuvɨreko chupe. A'e yuvɨrekoi va'ekwer nde rupi, nde evokoiyase erembou cheu, a'e oyapo ite nde porokwaita yuvɨreko.

San Juan 17:8

amombe'u avei nde ñe'ë yuvɨreko chupe erembou va'e cheu, iyavei a'e vɨroya ite yuvɨreko. Oikwa avei ndesui ayuse, vɨroya avei yuvɨreko nde che mbouse eve.

San Juan 6:56

Akoi o'u va'e che retekwer iyavei oɨ'u va'e che ruvɨ, a'e sekoi che rese ite, iyavei che aikove a'e sese.

San Juan 8:50

Iyavei che ndasekai ava che mboetei agwä. Oime rumo ñepëi oipota va'e. A'e ni'ä omondora ava rembiapo reprɨ chupe.

Romanos 8:10

Supiete Cristo sekoi pe rese, Espíritu avei oikove pe rese, esepia Tüpä, pereko mo'ɨ̇vi ete, yepe peretekwer imondosa ite manosa pɨpe angaipa repɨrä viña.

1 Corintios 1:30

Tüpä ite ni'ä opa pe mboyemboya Cristo Jesús rese, iyavei Cristo vɨreko uka yande mba'ekwa agwä, yande reko tuprɨ agwä, yande rekokwer rovasa agwä iyavei ndayaiko iri va'erä mba'e-mba'e tëi pɨpe.

1 Corintios 12:12

Inungar yande retekwer resendar seta mba'e oime viña, a'e rumo ñepëiño ite. Egwë e'i avei Cristo.

Gálatas 2:20

sese nda'e iri che ite aikove, esepia Cristo rumo che rese sekoi. Sese ite ayeroya che retekwer pɨpe che rekove agwä, a'e ni'ä oyemondo omano agwä che raɨsupave.

Efesios 1:6

Sese yande yasapukaira Tüpä upe iporoaɨsusa porañete va'e rese yepi, a'e ipɨpe ni'ä yande rovasa Gwa'ɨrɨ gwembiaɨsu sui.

Efesios 3:17

Cristo tasekoi pe pɨ'a pɨpe peporeroyasa rese, iyavei pe poroaɨsusa pɨpe pe yemovɨräkwä katu agwä peyese.

Efesios 5:30

esepia a'e ni'ä setekwer sekoi. Yande evokoiyase yaiko setekwer rese ite.

Efesios 5:32

A'e ñe'ësa pɨpe oime mba'e Tüpä suindar ndikwasai va'e oyekwa ramo ite avɨye va'e. Che aroya Cristo opakatu seroyasareta avei.

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

Colosenses 2:10

Cristo sui avei Tüpä omboyekwa opakatu gweko pirätäsa, esepia Cristo sekoi opakatu mborerekwar ɨvɨ pɨpendar iyavei ɨva pendar rerekwar.

Colosenses 3:11

Nda'ei mba'e avɨye va'e peikose griego, anise judío, iyavei imbocircuncidaprɨ anise nimbocircuncidaiprɨi, iyavei yaikose ambuae tekwa pendar, iyavei ava ndovɨrekoi va'e arakwasa oyese, ava rembigwai tëi sekoi va'e, anise nda'ei va'e mbigwai, esepia Cristo ɨvate katu va'e opakatu sui iyavei oyoya gwasu opakatu yande pɨ'a pɨpe yareko.

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

Hebreos 2:12

A'e aipo e'i Ikwachiaprɨ pɨpe: “Añe'ëra nde rese che rɨvrɨ eta upe, asapukai aveira sapukaisa ndeu opakatu ava ñemonu'äsave.”

1 San Juan 3:24

Akoi vɨroya va'e Tüpä porokwaita, a'ese Tüpä sekoira opakatu rese. Ipɨpe sui yaikwara sekoise yande rese: ombou avei Espíritu yandeu.