San Juan 17:2 - Tüpä Ñe'ëngagwer

² Nde ni'ä erembou Cheu mborerekwasa opakatu ava arɨve areko va'erä, amondo va'erä avei tekovesa apɨre'ɨ̇ vichiko opakatu eremombe'u va'ekwer upe narä.

Tũpa Ñehengagüer

² Supi eté niha, nde erembou che mborerecua ãgua opacatu ava ɨvɨ pɨpendar harɨve iyavei tecovesa apɨrẽhɨ mondo ãgua opacatu ava nde cheu erembou vahe upe.

San Juan 17:2 Iomraidhean Croise

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 25:46

A'e ava yuvɨrasora Tüpä ñemoɨrösa apɨre'ɨ̇ va'esave, seko ɨ̇vi va'e rumo teko orɨ opae'ɨ̇save yuvɨrasora.”

San Mateo 28:18

Jesús oyemboya oso sese aipo e'i chupe: –Tüpä che mbou mborerekwar ɨvate katu va'e che reko agwä ɨvave, ɨvɨve narä aveino.

San Juan 17:24

“Che Ru, nde ni'ä akoi erembou ko yuvɨrekoi va'e cheu, iyavei aipota a'e yuvɨrekoi che pɨri che rekosave, osepia va'erä che reko porañetesa yuvɨreko, teko porañetesa nde erembou va'e cheu; esepia nde ni'ä yɨpɨve ite che raɨsu eve ko ɨvɨ apoe'ɨ̇seve.

San Juan 17:6

Akoi nde ereiporavo va'e ko ɨvɨ pɨpe erembou va'erä cheu, orokwa uka ite yuvɨreko chupe. A'e yuvɨrekoi va'ekwer nde rupi, nde evokoiyase erembou cheu, a'e oyapo ite nde porokwaita yuvɨreko.

San Juan 17:9

Che aporandu nde remimbou rese; ndaporandui rumo ko ɨvɨ pɨpendar rese, che aporandu erembou va'e rese cheu, esepia a'e ndeundar ite yuvɨrekoi yepi.

San Juan 3:35

Tüpä osaɨsu Gwa'ɨrɨ, iyavei omondo opakatu mba'e sembiapo agwä.

San Juan 4:14

akoi ava oɨ'u va'e rumo ɨ che remimondo, ndi'use iri chietera. Esepia che amondo va'e ɨ ndopai va'erä ite a'e omboura tekovesa ndopai va'e ava upe.

San Juan 6:27

Peporavɨkɨi rene katu tembi'u ndasekosei va'e rese, iyakatu rumo peporavɨkɨ tembi'u sekose va'e rese omondo va'e tekovesa apɨre'ɨ̇. Ko tembi'u che ava ɨvate katu va'e Ra'ɨrɨ amondora peü, esepia Tüpä, a'e che Ru omboyekwa ite che ichuindar aikose.

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

San Juan 6:39

Iyavei che mbousar ndoipotai ete ñepëi ava ombou va'e cheu amokañɨrä, a'e oipota ambogwerayevɨra arɨ ipa va'e pɨpe kuri.

Romanos 6:23

Angaipa ni'ä ombou manosa tëi yandeu, Tüpä rumo porerekosa ombou tekovesa apɨre'ɨ̇ va'e yandeu yande Yar Jesucristo rese yande rekose.

1 Corintios 15:25

Esepia Cristo rane ite oporokwaira oiko akoi Tüpä opase voi ete omondo opakatu yamotare'ɨ̇mbar ipovrɨve;

Efesios 1:20

Tüpä akoi ombokwerayevɨse Cristo omano va'e pa'ü sui, ipare ɨvave ombogwapɨ oakato kotɨ imoi,

Filipenses 2:10

evokoiyase, a'e terer ɨvate katu imondoprɨ Jesús upe, a'e senduse toñenopɨ'ä opakatu yuvɨreko ɨva pendar, ɨvɨ pɨpendar opakatu omano va'ekwer avei oyapave,

1 Timoteo 1:16

Sese Tüpä che paraɨsuereko, che rese rane Jesucristo reko mbegwe tuprɨsa mboyekwa agwä. Egwë e'i che rekokwer upe ambuae ava seroya agwä, ipɨpe sui osupitɨra tekovesa apɨre'ɨ̇ va'e yuvɨreko.

Hebreos 1:2

Kurïtëi rumo oñe'ë yandeu ipa va'e Gwa'ɨrɨ rupi, chupe avei oyapo opakatu mba'e. A'e mba'e sembiapo chupe narä ite.

1 San Pedro 3:22

a'e oso ɨvave ogwapɨ öi Tüpä akato kotɨ, opakatu sembigwai eta, mborerekwareta, opakatu imborerekwasa ipirätä va'e avei ipovrɨ pendar yuvɨrekoi.

1 San Juan 1:2

Ko tekovesa oyemboyekwa va'e, orosepia iyavei a'e sekokwer oromombe'u, a'e tekovesa apɨre'ɨ̇ oromombe'u va'e peü, a'e Vu rese sekoi oyemboyekwa va'e oreu.

1 San Juan 2:25

Esepia Jesucristo aipo e'i: Perekora ko tekovesa apɨre'ɨ̇ va'e peyese.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

San Judas 1:21

Peñearö tuprɨ Tüpä pe raɨsusa pɨpe pesärö vɨteño yande Yar Jesucristo, yande paraɨsuerekosa pɨpe, omboura tekovesa apɨre'ɨ̇ va'e yandeu.