San Juan 16:33 - Tüpä Ñe'ëngagwer

³³ Amombe'u ko opakatu mba'e peü, peiko va'erä che rese mba'e tuprɨ pɨpe pe reko agwä. Ko ɨvɨ pɨpe, pe paraɨsura peiko, peyemongere'ɨ̇ño katu: esepia che opa ite asekopɨ mba'e-mba'e tëi ko ɨvɨ pɨpe.

Tũpa Ñehengagüer

³³ Amombehu co opacatu pẽu che rese mbahe tuprɨ pɨpe pe reco ãgua. Peparaɨsu itera co ɨvɨ pɨpe; peyemonguerẽhɨ catura rumo. Esepia, che opa ité asecopɨ co ɨvɨ pɨpendar mbahe tẽi —ehi.

San Juan 16:33 Iomraidhean Croise

San Mateo 9:2

A'eve vɨraso ndogwatai va'e yuvɨreko chupe, imba'easɨ va'e rɨru pɨpe; Jesús rumo oikwase oyese yeroya vɨreko va'e, a'ese aipo e'i imba'easɨ va'e upe: –Che ra'ɨrɨ, eyemopoäse; che ñeröi nde angaipa rese ndeu.

San Lucas 19:38

Aipo e'i yuvɨreko: –¡Sovasaprɨ sekoi Mborerekwar ɨvate katu va'e ou va'e yande Yar rer pɨpe! ¡Mba'e tuprɨ toime ɨvave iyavei imboeteiprɨ Tüpä tasekoi!

San Lucas 2:14

“¡Imboeteiprɨ tasekoi Tüpä ɨvave! ¡Ɨvɨve ava Tüpä rembiaɨsu toyuvɨrekoi tuprɨ oyeaɨsusa pɨpe!”

San Juan 12:31

Ko kurïtëi osupitɨ ite oime va'erä ñemoɨrösa ko ɨvɨ pɨpe, iyavei imombosara akoi oporokwai va'e ko ɨvɨ pɨpe sui.

San Juan 14:1

“Pepɨ'añemoñeta atɨi rene; peroya katu Tüpä che reroya aveira peye.

San Juan 14:27

Aseyara teko tuprɨsa peü. Ko amondo va'e che reko tuprɨsa che yesuindar ite, namondoi chira rumo peü inungar omondo va'e ko ɨvɨ pɨpendar yuvɨreko yepi. Anichira rumo peiko vɨ'are'ɨ̇sa pɨpe ndape sɨkɨyei chietera no.

San Juan 16:11

uma pi'ä oipɨsɨra Tüpä poromokañɨsa kuri: a'e akoi oporokwai va'e ko ɨvɨ pɨpe, a'e imondosa itera oiporara va'erä mba'e-mba'e tëi.”

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Los Hechos 23:11

A'ere arayi'ive pɨ̇tü pɨpe, yande Yar oyemboyekwa Pablo upe aipo e'i: “Eyemongere'ɨ̇ katu Pablo, inungar che mombe'u nde sɨkɨye e'ɨ̇sa pɨpe ko'ave Jerusalén ve, egwë ere aveira che mombe'u Roma ve eve.”

Los Hechos 27:22

kurïtëi peyemongere'ɨ̇ katuño, esepia ndipoi chira pe pa'ü pendar omano va'erä, ɨarusu gweraño rumo okañɨ tëira.

Los Hechos 27:25

Mbɨa eta peyembovɨ'año, esepia che ayeroya ite Tüpä rese iyavei aikwa ite mba'e oime va'erä inungar akoi mbigwai omombe'u va'e cheu.

Los Hechos 9:31

Evokoiyase opakatu Jesús reroyasar, yuvɨrekoi va'e Judea rupindar, Galilea rupindar iyavei Samaria rupindar, chupe oime mba'e tuprɨ. Iyavei oyemovɨräkwä tuprɨ katu yuvɨreko yande Yar mboeteisa pɨpe, Espíritu Maräne'ɨ̇ oipɨtɨ̇vɨï iyemboeta katu agwä.

2 Corintios 1:3

Yamboetei katu Tüpä sereko yande Yar Jesucristo Yesupa, iyavei a'e yande Ru yande paraɨsuereko va'e esepia ko Tüpä avɨye eteprɨ va'e, opakatu ombou mba'e yande pɨtɨ̇vɨï agwä yepi.

2 Corintios 13:11

Imomba agwä, che rɨvrɨ eta, aipota pevɨ'aretera peiko. Peseka avei pereko tuprɨ katu agwä peyeupe, peyemongere'ɨ̇ katu, oyoya gwasu peiko tuprɨ avei peyese mba'e tuprɨ pɨpe. Evokoiyase Tüpä oporoaɨsusa pɨpe, gweko tuprɨsa pɨpe avei sekoira pe rese.

2 Corintios 2:14

Avɨye yande Ru Tüpä upe esepia yande Cristo rese yaiko va'e yande renose oamotare'ɨ̇mbar povrɨ sui opakatu ava rembiepiave iyavei yande rekokwer sui opakatu ava upe oikwa uka gwekokwer inungar mba'e sɨäkwä va'e yasëtu va'e opakatu rupi.

2 Corintios 4:7

Ko ñe'ësa yareko va'e yande retekwer rese, inungar mba'emoinda ñaɨ'u apoprɨ, imboyekwa pɨrä evokoi pirätäsa ou va'e Tüpä sui a'e nda'ei ore suindar tëi ou va'e.

2 Corintios 6:4

Ore rumo oromboyekwa ite Tüpä rembigwai ore rekosa, esepia ore reko mbegwesa pɨpe oroñemosaño mba'e-mba'e tëi upe, yepe ipane mba'e oreu viña, iyavei mba'e yavaise;

2 Corintios 7:4

Añe'ë pota ite pe rese iyavei che yembovɨ'asa pɨpe. Opakatu yande paraɨsusa pa'üve, ayemongere'ɨ̇ katuño ite vɨ'aretesa pɨpe vichiko.

Gálatas 1:4

Jesucristo oyemondo mano pɨpe yande angaipa repɨrä, egwë e'i kurïtëi yande renose ko ɨvɨ pɨpe mba'e-mba'e tëi sui yande Ru Tüpä remimbotar rupi.

Gálatas 6:14

Che rumo ndayemboɨvate potai ete, yande Yar Jesucristo mano agwer kurusu reseaño ite ayembovɨ'a. Cristo mano agwer sui ko ɨvɨ pɨpendar opa ite omano yuvɨreko cheu, che evokoiyase inungar omano va'e aiko ko ɨvɨ pɨpendar upe.

Filipenses 4:7

Evokoiyase Tüpä omondora gweko tuprɨsa peü, pe Jesucristo rese peiko va'e, ko teko tuprɨsa ni'ä avɨye katu ava pɨ'a ñemoñetasa sui, ipɨpe sui osäröra pe pɨ'a, pe pɨ'a ñemoñetasa avei peü.

Colosenses 1:20

Cristo sui ni'ä Tüpä oiparaɨsuereko opakatu ava ko ɨvɨ pɨpendar oiko chupe narä, inungar oime va'e ɨvɨ pɨpe iyavei oime va'e ɨvave, egwë e'i Jesús oipɨyere vuvɨ kurusu rese Tüpä upe opakatu mba'e moigätu agwä.

1 Tesalonicenses 3:4

Iyavei akoi oroiko vɨtese pe pɨri, yande paraɨsu rane itera mba'e yavai va'e apo agwä oro'e akoi peü; egwë e'i ete kurïtëi mba'e pesepiase.

1 Tesalonicenses 3:7

Sese che rɨvrɨ eta, ore paraɨsusa pa'üve ore mbovɨ'arete peye, ko oroikwase pe reko tuprɨ Tüpä reroyasa pɨpe.

2 Tesalonicenses 3:16

Avɨye yande Yar upe, a'e tombou gweko tuprɨsa pe reko tuprɨ agwä peü, arɨ yakatu rupi opakatu pe reko pɨpe. Iyavei yande Yar tasekoi arɨ rupi pe rese.

2 Timoteo 3:12

Supiete opakatu akoi Cristo Jesús rese gwekokwer vɨreko pota va'e, oiporarara mba'e-mba'e tëi yuvɨreko;

Hebreos 11:25

a'e rumo oipota katu marä-marä tëi gwereko agwä Tüpä reroyasar reseve chi'ï rupive mba'e tëi rese yembovɨ'a rägwer sui.

Hebreos 7:2

a'ese Abraham omondo oporerekosa vavasa sui mba'e gweru va'e imboopayandepo yovaivesa sui ñepëi-pëi chupe, opakatu rovai ikwa agwä ko Melquisedec rer “mborerekwar gwasu seko ɨ̇vi va'e” oyapave aipo e'i, iyavei a'e mborerekwar ɨvate katu va'e Salem pendar sekoi, “mborerekwar ɨvate katu va'e mba'e tuprɨ resendar ” oyapave aipo e'i.

1 San Pedro 5:9

Sese peyemovɨräkwära Tüpä rese pe yeroyasa pɨpe, esepia peikwa ni'ä opakatu rupi avei yande rɨvrɨ eta Tüpä rese yuvɨrekoi va'e iparaɨsu ko nungar mba'e pɨpe yuvɨreko.

1 San Juan 2:13

Ko aikwachia peü, iyesupa eta peiko va'e, esepia peikwa yɨpɨsuive ite oikove va'e, aikwachia avei peü mbɨa chi'ïvä'e, esepia pesekopɨ ite karugwar.

1 San Juan 4:4

Che ra'ɨreta, pe rumo Tüpä suindar peiko. Iyavei pesekopɨ ite akoi semirä tëi va'e, esepia Espíritu sekoi va'e pe rese, a'e ipirätä katu karugwar sui.

1 San Juan 5:4

esepia opakatu Tüpä ra'ɨrɨ yuvɨrekoi va'e osekopɨ mba'e-mba'e tëi ɨvɨ pɨpendar. Iyavei Cristo rese yeroyasa pɨpe yasekopɨpa mba'e naporäi va'e ko ɨvɨ pɨpe.

Apocalipsis 12:11

Yande rɨvrɨ osekoreroyɨ yuvɨreko Ovesami a'e Cristo sekoi va'e ruvɨ pɨyere pɨpe sui akoi sekokwer mombe'u tuprɨsa pɨpe sui aveino; esepia ni'ä ndosɨkɨyei ete gwetekwer mokañɨ agwä, a'e rumo oyemoigätu voi ete omano agwä yuvɨreko.

Apocalipsis 3:21

Akoi ava oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e ambogwapɨ ukara che ɨpɨve imoi che porokwaisave, inungar che mba'e tëi reko reroyɨ pare, agwapɨ che Ru ɨpɨve vïte.

Apocalipsis 7:14

“Nde rumo ereikwa” a'e imboyevɨ chupe. A'e evokoiyase aipo e'i cheu: “Ko akoi yuvɨnosë tuprɨ va'e ite teko asɨsa sui yuvɨreko, inungar oyosei omomorochi va'e oturukwar, egwë e'i avei gwekokwer imomorochi Ovesami a'e Cristo sekoi va'e ruvɨ pɨpe yuvɨreko.”