San Juan 16:25 - Tüpä Ñe'ëngagwer

²⁵ “Amombe'u ni'ä akoi ko tekokwer mboyoyasa peü; oyepotara rumo arɨ a'ese namboyoya iri chira ambuae mba'e rese ko tekokwer, a'ese aikwa uka mba'e peü che Ru rekokwer resendar.

Tũpa Ñehengagüer

²⁵ “Opacatu mbahe rese niha amboyoya tecocuer pẽu. Oimera rumo arɨ namboyoya iri chira ambuae mbahe rese tecocuer; ipa voi amombehu itera mbahe pẽu che Ru recocuer resendar.

San Juan 16:25 Iomraidhean Croise

San Marcos 4:13

Iyavei aipo e'i: “¿Ndapesendukwaimi vo aipo porombo'esa? ¿Marä, peyera ru, opakatu ambuae che porombo'esa kwa tuprɨ agwä?

San Marcos 4:34

Nomombe'ui ete mba'e ambuae mba'e rese imboyoya e'ɨ̇ pɨpe, a'e rumo omombe'u tuprɨ gwemimbo'e upe a'e ae yuvɨrekoise.

San Marcos 8:32

A'e omboyekwa tuprɨ ite chupe. Evokoiyase Pedro vɨraso kokotɨmi chupe oñe'ëgäta agwä.

San Juan 10:24

Evokoiyase judío eta oyere tuprɨ sese aipo e'i oporandu yuvɨreko chupe: –¿Maräse rutei vo eremombe'ura mba'e supi tuprɨ va'e oreu? Supiete ereikose Poropɨsɨrösar, emombe'u ñepëi reseve oreu.

San Juan 10:6

Jesús omondo ko mba'e mboyoyasa, a'e rumo ndosendukwai ete yuvɨreko.

San Juan 16:12

“Areko vɨte ite seta mba'e amombe'u va'erä peü, kurïtëi rumo ndiyai ete sendukwa agwä peü.

San Juan 16:2

A'ese pe mombora oɨ judío ñemonu'äsa sui yuvɨreko, iyavei osupitɨse arɨ peyuka agwä yuvɨreko a'e rumo Tüpä upe narä ite egwë yae yaiko e'i yuvɨreko viña.

San Juan 16:32

Osupitɨ ite arɨ, iyavei ko pɨpeve sui ete, opara peyeñomosai ñepëi-pëi peremimbotar rupi che sui, iyavei che reyara che ae peye. Ndaikoi rumo che ae tëi, esepia che Ru sekoi ete che rese.

2 Corintios 4:2

Ore rumo oroseyapa opakatu mba'e tëi ore chïaisa, ndoromboyekwai va'e avei ore pɨ'a pɨpe sui; ndoroporombopa-mbopa tëi iyavei Tüpä ñe'ëngagwer ndorosekuñaröi ete. Ore rumo oroñe'ë tuprɨ mba'e supi tuprɨ va'e rese gweraño, egwë oro'e opakatu ava upe Tüpä rovai supiete katu te'i yuvɨreko opɨ'a pɨpe ore yapave.