San Juan 15:8 - Tüpä Ñe'ëngagwer

⁸ Ko rese oyemboyekwa ite che Ru mboeteisa, esepia peyapo ite mba'e avɨye va'e iyavei peikora che remimbo'e supi tuprɨ va'e yepi.

Tũpa Ñehengagüer

⁸ “Che Ru oipɨsɨra omboeteisa pe sui acoi peyapo tuprɨse opacatu che remimbotar. Pemboyecua evocoiyase che remimbohe supi tuprɨ vahe pe recosa.

San Juan 15:8 Iomraidhean Croise

San Mateo 5:16

Pe egwë peye aveira, pemboyekwa ava eta upe pe rekokwer avɨye va'e, ipɨpe sui osepiara mba'e peyapo ikatuprɨ va'e, opakatu tomboetei yuvɨreko yande Ru Tüpä upe ɨva pendar sekoi va'e.”

San Mateo 5:44

Che rumo aipo a'e peü: Pesaɨsu katu pe amotare'ɨ̇mbar, iyavei peyerure pe momarä potasar rese.

San Mateo 9:8

Osepiase rumo ava Jesús rembiapo, a'ese osɨkɨye tëi ipare omboetei Tüpä yuvɨreko esepia ni'ä omondo pirätäsa ava upe

San Lucas 6:35

Pe rumo pesaɨsu katura ava pe amotare'ɨ̇sar, iyavei peyapoñora mba'e avɨye va'e chupe, pemondoño aveira mba'e, ndapesäröi chira imboyevɨ agwä. Egwë peyese peipɨsɨra porerekosa tuvicha va'e, iyavei a'ese peikora Tüpä seko ɨvate katu va'e ra'ɨrɨ, a'e avɨye eteprɨ va'e ava nima'endu'ai va'e rese ava naporäi va'e upe avei.

San Juan 13:35

Supiete peyeaɨsuse ñepëi-pëi peiko va'e, opakatu tuprɨ ite ava oikwara yuvɨreko pe che remimbo'e eta peikose.

San Juan 15:5

“Che ni'ä uva ɨ nungar ite aiko, pe evokoiyase säkä nungar peiko. Akoi sekoi va'e che rese, che avei aiko sese, a'e i'a vai etera o'ä; che pore'ɨ̇ rumo ndapeikatui chietera mba'e apo agwä yepi.

San Juan 8:31

Jesús aipo e'i vɨroyasar judío eta upe: –Peroyase che ñe'ëngagwer, a'ese peikora che remimbo'e supiete va'e;

1 Corintios 10:31

Iyakatu rumo pe'use mba'e, peɨ'use avei, anise mba'e peyapose, peyapo ru opakatu Tüpä mboeteisa pɨpe.

1 Corintios 6:20

esepia Tüpä yande rerokwa oyeupe narä. Sese peyapo mba'e avɨye va'e pe retekwer pɨpe Tüpä mboetei agwä.

Filipenses 1:11

perekora pe rekokwer avɨye va'e ite Jesucristo ombou va'e peü Tüpä mboetei agwä.

Tito 2:10

Timonda eme yuvɨreko, iyakatu rumo seroyaprɨ tuprɨ yuvɨrekoira, evokoiyase opakatu osepiase seko tuprɨsa omboeteira yande Pɨsɨrösar Tüpä rekokwer yembo'esa yuvɨreko.

Tito 2:5

oyapora mba'e avɨye va'e, ikatuprɨ va'e avei, tosärö tuprɨ omembrɨ sereko, toipotarai avei omer, evokoiyase ndipoichira oñe'ërai va'e Tüpä ñe'ëngagwer rese yuvɨreko.

1 San Pedro 2:12

Pereko tuprɨ pe rekokwer avɨye va'e ava Tüpä ndoikwa vɨtei va'e rovake. Yepe ava remieroɨrö peiko inungar-ra mba'e tëi aposar viña, osepiase rumo pe rembiapo katuprɨ, omboeteira Tüpä yuvɨreko a'e arɨ pɨpe akoi yande Yar oporanduse opakatu ava rekokwer rese kuri.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.