San Juan 15:26 - Tüpä Ñe'ëngagwer

²⁶ “Akoi ouse rumo Poropɨtɨ̇vɨïsar che Ru suindar a'e che amboura, Espíritu supiete va'e che Ru sui ou va'e, a'e omombe'ura che rekokwer.

Tũpa Ñehengagüer

²⁶ “Acoi ambouse rumo Poropɨ̃tɨvɨisar, Espíritu supi eté vahe che Ru sui pẽu, ahe omombehura che recocuer.

San Juan 15:26 Iomraidhean Croise

San Lucas 24:49

Che amboura che Ru remimombe'u pe arɨve. Pe pɨtañora ko'ave, ko tekwa pɨpe Jerusalén ve, akoi peipɨsɨ rane itera pirätäsa ou va'e ɨva suindar.

San Juan 14:26

akoi Poropɨtɨ̇vɨïsar, iyavei Espíritu Maräne'ɨ̇ che Ru omboura che rer pɨpe, a'e pe mbo'era opakatu mba'e avɨye va'e rese pe moma'endu'a aveira opakatu che ñe'ëngagwer amombe'u va'ekwer rese.

San Juan 16:7

Supiete aipo a'e peü: avɨye katura che asose pe sui. Esepia ndasoise viña, Poropɨtɨ̇vɨïsar ndoui chietera sekoi va'erä pepɨri; asose rumo che amboura peü narä.

San Juan 8:42

Jesús omboyevɨ chupe: –Supiete Tüpä ite pe yesupase, pe evokoiyase che raɨsura peye viña, esepia che ayu Tüpä sui iyavei sese kurïtëi aiko ko'ave. Ndayui che remimbotar tëi, Tüpä ni'ä che mbou.

Los Hechos 1:4

Oikove vɨtese oñe'ë mombe'usar pa'üve, a'ese Jesús omombe'u ndoyuvɨnosei va'erä Jerusalén sui yuvɨreko. Aipo e'i gwemimbo'e eta upe: –Pesärö ko'ave esepia yavɨye rane itera che Ru Tüpä remimombe'ugwer, a'e akoi amombe'u peü.

Los Hechos 15:8

Tüpä oikwa opakatu ava pɨ'añemoñetasa, omboyekwa ite oporoaɨsusa nda'ei va'e judío upe, chupe avei omondo Espíritu Maräne'ɨ̇ inungar akoi ombou va'e yandeu yepi.

Los Hechos 5:32

Ore Tüpä rembiapo repiasarer imombe'u agwä oroiko, Espíritu Maräne'ɨ̇ avei oñe'ë ore ñe'ë rupi ava upe, a'e akoi Tüpä ombou va'e vɨroyasar upe.

1 Corintios 1:6

esepia ko ñe'ësa avɨye va'e Cristo resendar a'e sekoi ete pe rese peñekuñarö agwä.

Hebreos 2:4

Iyavei Tüpä oyapo seta mba'e yavairai va'e poromondɨisa ndayasepiai va'e, iyavei Espíritu Maräne'ɨ̇ pɨpe, omboyoavɨratɨ mba'ekwasa imbou yandeu gwemimbotar rupi toikwa yuvɨreko ko ñe'ësa supi tuprɨ va'e oyapave.

Apocalipsis 22:1

Ipare mbigwai ɨva pendar omboyekwa ɨai tekovesa resendar cheu. Inungar ɨ tɨ̇pɨu va'e oyekwa tuprɨ mba'e ipɨpe, ipare osë ɨ Tüpä renda porañete va'e sui Ovesami a'e Cristo sekoi va'e renda sui avei.