San Juan 15:21 - Tüpä Ñe'ëngagwer

²¹ Ko opakatu mba'e che rekokwer sui tëi egwë e'ira yuvɨreko peü, esepia ndoikwai ete ni'ä che mbousar yuvɨreko.”

Tũpa Ñehengagüer

²¹ Co opacatu mbahe che recocuer sui tẽi ẽgüe ehira pẽu. Esepia, ndoicuai niha che mbousar yuvɨreco.

San Juan 15:21 Iomraidhean Croise

San Mateo 10:18

ichui pe reraso aveira mborerekwareta ɨvate katu va'e rovai yuvɨreko che rekokwer sui tëi; egwë peyera peñe'ë che rekokwer rese chupe ava nimba'e reroyai va'e upe avei.

San Mateo 10:22

Opakatu ava ndape ambotai chira che rekokwer sui tëi yuvɨreko; akoi oyemovɨräkwä va'eño tuprɨ ite arɨ ipa va'e rupi, a'e ipɨsɨröprɨ yuvɨrekoira kuri.

San Mateo 10:39

Akoi ava oipɨsɨrö pota va'e gwekokwer tëi, a'e okañɨ tëira, akoi omokañɨ va'e rumo gwekokwer che rekokwer rese, a'e oñepɨsɨröra.”

San Mateo 24:9

“Evokoiyase pepɨsɨra yuvɨreko marä-marä tëi pe rereko agwä; pe yuka aveira, ipare opakatu ava-ava tëi ndape ambotai chira che rekokwer sui tëi yuvɨreko.

San Mateo 5:11

Perorɨvete katura, akoi ava iñe'ë-ñe'ë tëise peü, iyavei che rekokwer sui tëi oyapo-yapo tëise temirä yuvɨreko peü.

San Marcos 13:13

Opakatu avei ava ɨvɨ pɨpendar ndape ambotai chira che rekokwer sui tëi yuvɨreko; akoi ava oyemovɨräkwä va'eño rumo arɨ ipa va'e rupi, a'e ipɨsɨröprɨ yuvɨrekoira.”

San Lucas 21:12

“Ko mba'e-mba'e tëi renonde, pe pɨsɨra yuvɨreko che rekokwer sui. Pe reraso aveira mba'e porandu agwä rese oɨ judío ñemonu'äsave, pe rokenda aveira pe rerasora mborerekwar rovai iyavei mborerekwar ɨvate katu va'e rovai yuvɨreko che rekokwer sui tëi.

San Lucas 21:17

iyavei opakatu rupi ndape ambotai chira che rekokwer sui tëi yuvɨreko;

San Lucas 6:22

Perorɨvete katu pe akoi ava pe amotare'ɨ̇se, pe mboyepepɨñose avei, iñe'ë-ñe'ë tëise avei akoi vɨroɨröse pe rer mba'e tëi pɨpe yuvɨreko, che ava ɨvate katu va'e Ra'ɨrɨ sui tëi.

San Juan 15:24

A'e ndovɨrekoi chietera angaipa yuvɨreko viña, inungar che ndayapoi va'e mba'e ipa'üve yuvɨreko chupe, ambuae rumo ndoyapoi ete ko nungar yepi; kurïtëi rumo osepia ite ko opakatu mba'e yuvɨreko, yepe a'e yuvɨrekoi va'e, ndacheambotai ete che Ru avei evokoiyase oyamotare'ɨ̇ yuvɨreko.

San Juan 16:3

Ko oyapora yuvɨreko, esepia ni'ä ndoikwai ete che Ru che avei ndachekwai ete yuvɨreko no.

San Juan 17:25

Che Ru, seko katuprɨ va'e, yuvɨrekoi va'e ko ɨvɨ pɨpe nande kwai ete yuvɨreko; che rumo orokwa ite, iyavei yuvɨrekoi va'e che rupi oikwa avei nde che mbouse yuvɨreko.

San Juan 8:19

Oporandu yuvɨreko chupe: –¿Ke vo nde yesupa sekoi? Jesús omboyevɨ chupe: –Pe ndache kwai ete peye, ndapeikwai avei che Yesupa; chekwase rumo peye viña, che Yesupa avei peikwara viña.

San Juan 8:54

Jesús rumo omboyevɨ chupe: –Che ae tëi ayemboeteise mba'e che rembiapo pɨpe, che mboeteisa evokoiyase ndaseroyaprɨi ete. Akoi che mboeteisar a'e che Ru gweraño ite, a'e chupe tuprɨ avei akoi ore Tüpä peye yepi.

San Juan 8:55

Pe rumo ndapeikwai. Che rumo aikwa ite; iyavei ndaikwai a'ese peü, che avei evokoiyase semirañeteai va'e aikora inungar peiko yepi. Che supiete aikwa, aroya avei iñe'ë yepi.

Los Hechos 17:23

Asepiase peyeruresa rëtä pɨpe, a'eve asepia avei ikwachiaprɨ mba'e seropove'ëprɨ rendave aipo e'i öi: ‘Tüpä ndikwasai va'e’. Supiete, peyerure mba'ekwa e'ɨ̇sa pɨpe, sese che ayu imombe'u agwä peü.”

Los Hechos 26:9

“Yɨpɨndar che pɨ'añemoñeta mba'e-mba'e tëi apo agwä Jesús Nazaret pendar rer amotare'ɨ̇save,

Los Hechos 3:17

“Che mu eta, che aikwa akoi peipɨtɨ̇vɨï va'e pe rerekwar Jesús yuka uka agwä pe ikwa tuprɨ e'ɨ̇ pɨpe kwese.

Los Hechos 4:17

Yambosɨkɨye yuvɨreko Jesús rer rese iñe'ë iri e'ɨ̇ agwä, ipɨpe sui ava tosendu iri eme Jesús pirätäsa resendar ñe'ësa yuvɨreko.

Los Hechos 5:41

Ipɨpe Jesús ñe'ë mombe'usar ovɨ'arete iteanga, esepia Tüpä ombou chupe iparaɨsu agwä yuvɨreko Jesús rer rese iyeroyasa sui tëi.

Los Hechos 9:14

Kurïtëi ou rutei ko'ave, a'e mbɨa pa'i rerekwar porokwaita rupi, opakatu nde rer rese oyeroya va'e rokendapa agwä.”

Los Hechos 9:16

Che amboyekwara seta mba'e tëi chupe oiporara va'erä che remimbotar mboavɨye agwä oiko.”

Romanos 1:28

Esepia ndoikwa potai ete Tüpä yuvɨreko, a'e evokoiyase opoi ete ichui toyapoño ayase mba'e ndipotasai va'e gweko raisa pɨpe yuvɨreko oya chupe.

1 Corintios 15:34

Pe pɨ'añemoñeta tuprɨ iri katu, peyemboangaipa uka iri eme avei, esepia amove pe pa'ü pendar oime ndoikwai va'e ite Tüpä yuvɨreko. Che aipo a'e peü toyuvɨnochi che ñe'ë osenduse yuvɨreko viya.

1 Corintios 2:8

Ko ɨvɨ pɨpendar ava mborerekwareta rumo ndosendukwai ete ko ñe'ësa yuvɨreko, osendukwase rumo yuvɨreko viña, ndoyatɨka ukai chira yande Yar seko ɨvate, porañete va'e kurusu rese yuvɨreko viña.

2 Tesalonicenses 1:8

A'e oura opakatu Tüpä reroyasare'ɨ̇ mombaraɨsu agwä iyavei yande Yar Jesús ñe'ësa poropɨsɨrösa resendar rendu tëisar mombaraɨsu avei.

1 San Juan 3:1

Esepia marä e'i rutei yande Ru Tüpä yande raɨsu, sese ava Tüpä ra'ɨrɨ e'i yuvɨreko yandeu, a'e ite ni'ä yaiko. Sese ko ɨvɨ pɨpendar ndayandekwai yuvɨreko, esepia ndoikwai avei Tüpä rekokwer yuvɨreko.

3 San Juan 1:7

Esepia a'e ogwata yuvɨreko Jesucristo rer pɨpe, ndoipɨsɨi ete rumo mba'e ipane va'e opɨtɨ̇vɨï agwä yuvɨreko ava Tüpä reroyasare'ɨ̇ sui.

Apocalipsis 2:3

Iyavei che aikwa peñemosañose peyemombaraɨsu peiko che raɨsupave, ndapekwerai ete ipɨpe.