San Juan 15:16 - Tüpä Ñe'ëngagwer

¹⁶ Pe ndache poravoi ete peye, che rumo opoporavo vichiko amombe'u avei peü pemombe'u va'erä ñe'ësa avɨye va'e, a'e ñe'ësa tokañɨ tëi eme katu. Egwë e'ise che Ru omondora opakatu mba'e peporanduse che rer pɨpe peü.

Tũpa Ñehengagüer

¹⁶ Pe niha ndache poravoi peye. Che rumo opoporavo iyavei opocuai peporavɨquɨ vaherã ava reru ãgua cheu ‘che rese ité toyuvɨrecoi’ che yapave. Evocoiyase che Ru omboura mbahe pe porandusa che rer pɨpe pẽu.

San Juan 15:16 Iomraidhean Croise

San Mateo 21:22

Akoi peyerurese mba'e pe porandusa rese Tüpä upe seroyasa pɨpe, a'ese peipɨsɨra mba'e avɨye va'e.

San Mateo 7:7

“Peporandu mba'e rese, a'ese Tüpä omondora peü; peseka, a'ese avei peyosɨra; peñe'ë okendɨpɨve, a'ese oyemboira peü.

San Lucas 6:13

Ko'ëse, oñe'ë gwemimbo'e eta upe, ichui oiporavo ipa'ü pendar oñe'ë mombe'u agwä.

San Juan 13:18

“Nañe'ëi ete aipo pe opakatu peiko va'e rese; che rumo aikwa uma opa aiporavo yuvɨreko. Ko rumo imboavɨyesa rane itera aipo e'i va'e Ikwachiaprɨ pɨpe öi: ‘Akoi okaru va'e che pɨri, a'e oyemboyere che amotare'ɨ̇ kurïtëi.’

San Juan 15:19

Peikose ko ɨvɨ pɨpendarse viña, a'ese ava ko ɨvɨ pɨpendar pe raɨsuai etera viña, inungar a'e osaɨsuai oyesuindar yuvɨreko yepi. Che rumo opoporavo ko ɨvɨ pɨpendar pa'ü sui, sese ni'ä ko ɨvɨ pɨpendar ndapeambotai ete yuvɨreko, esepia ni'ä nda'e iri ete peiko ko ɨvɨ pɨpendar.

San Juan 15:5

“Che ni'ä uva ɨ nungar ite aiko, pe evokoiyase säkä nungar peiko. Akoi sekoi va'e che rese, che avei aiko sese, a'e i'a vai etera o'ä; che pore'ɨ̇ rumo ndapeikatui chietera mba'e apo agwä yepi.

San Juan 6:70

Jesús rumo omboyevɨ chupe: –¿Nda'ei vo che opoporavo opayandepo yovaive ñuvɨrïo tuprɨ peiko va'e? Oime rumo ñepëi pe pa'ü pendar a'e karugwar ite sekoi.

Los Hechos 1:24

Ipare oyerure yuvɨreko aipo e'i: “Nde, ore Yar, opakatu ava pɨ'a ereikwa va'e. Emboyekwa ko'ave nde rembiporavo oreu uma vo ereipota

Los Hechos 1:8

peipɨsɨra rumo Tüpä pirätäsa oikese Espíritu Maräne'ɨ̇ pe pɨ'a pɨpe, a'ese pemombe'u tuprɨra che rekokwer Jerusalén pendar upe, Judea pendar, Samaria pendar opakatu ko ɨvɨ pɨpendar upe aveino.

Los Hechos 10:41

Nomboyekwai rumo opakatu ava upe, omboyekwa ore sembiporavo oroiko va'e upeño. Ore pɨri ni'ä okaru oɨ'u avei okwerayevɨ pare.

Los Hechos 22:14

Ipare aipo e'i: ‘Yande ramosi araka'endar Tüpä a'e nde poravo ereikwa va'erä iporokwaita, iyavei nde seko maräne'ɨ̇ kwa agwä eresendu aveira iñe'ë.

Los Hechos 9:15

Yande Yar rumo aipo e'i chupe: “Eso, esepia aiporavo evokoi mbɨa che rekokwer rese oñe'ë va'erä ambuae tekwa pendar upe, iyavei serekwar ɨvate katu yuvɨrekoi va'e upe, Israel pendar upe avei.

Romanos 1:13

Che rɨvrɨ eta, che aipota peikwa va'erä seta rupi aso pota tëi pe pɨri yepi, kurïtëi rumo ndaikatuiño vɨte ite. Che rumo aipota oime va'erä che poravɨkɨsa sui espiritu rese oyemovɨräkwä katu va'e pe pa'ü sui yuvɨreko, inungar ayapo opakatu ambuae tekwa rupi.

Romanos 1:5

Jesucristo rer pɨpe aiko kurïtëi iñe'ë mombe'usar, ipɨtɨ̇vɨï agwä avei, opakatu ɨvɨ rupindar vɨroya va'erä iyavei oyapo va'erä semimbotar yuvɨreko.

Romanos 15:4

Supiete opakatu omombe'u va'e araka'e Ikwachiaprɨ pɨpe, a'e ikwachiasa yande mbo'e agwä.

Romanos 9:21

Ñaɨ'u rese oporavɨkɨ va'e rumo gwemimbotar rupi oyapora mba'e yuvɨreko sese, iyavei a'e ñaɨ'u sui oikatu ite mba'emoinda ikatuprɨ va'e apo oikatu avei ambuae iporupɨrä tëi apo agwä.

1 Corintios 10:11

Ko opakatu yande ramoi upe mba'e oime va'e araka'e ikwachiaprɨ yande ipa yaiko va'e upe narä, yande sɨkɨye agwä avei.

Gálatas 1:15

Tüpä rumo yɨpɨve che'a vɨte e'ɨ̇seve che poravo oyeupe narä. Iyavei oporoaɨsusa pɨpe che renoi gwemimbotar rupi,

Efesios 2:10

Tüpä ni'ä yande rekokwer mo'ɨ̇vi; a'e yande apo Cristo Jesús rese yande reko agwä, mba'e ikatuprɨ va'e apo agwä avei.

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

Colosenses 1:6

ko ñe'ësa imombe'usa avei opakatu peü. Ko ñe'ësa seta ava oipɨsɨ tuprɨ avei yuvɨreko ko ɨvɨ pɨpe, inungar akoi pesenduse yɨpɨndar Tüpä porovasasa resendar ñe'ësa, ipɨpe sui peikwa tuprɨ katu a'e porovasasa supiete va'e.

1 Timoteo 2:7

Sese che supiete Jesús ñe'ë mombe'usar, ikwaiprɨ aiko Tüpä ñe'ëngagwer mombe'u agwä, ava nda'ei va'e judío mbo'e agwä, ko yeroyasa rese iyavei supiete va'e rese; supiete ndopombopai.

2 Timoteo 1:11

Tüpä ni'ä che kwai ko ñe'ësa mombe'u agwä, che kwai avei Jesús ñe'ë mombe'usar che reko agwä, iyavei che porombo'e agwä.

2 Timoteo 2:2

Akoi che porombo'esa eresendu va'e ava re'ɨi rovake amondo va'e ndeu, embo'e tuprɨ mbɨa oyeroya va'e, oikatu va'e avei ambuae mbo'e agwä oiko.

Tito 1:5

Che oroeya vitu ka'a pa'ü Creta ve, mba'e opɨta vɨte va'e moigätu tuprɨ agwä iyavei tekwa yakatu rupi, ereñe'ëra ava kwakwa tüpäro pendar upe, amombe'u va'ekwer rupi ndeu.

Hebreos 11:4

Tüpä reroyasa pɨpe Abel vɨropove'ë oporerekosa Tüpä upe avɨye katu va'e Caín porerekosa sui, sese Tüpä vɨreko ava seko katuprɨ va'e nungar ipɨpe sui oipɨsɨ iporerekosa. Yepe Abel omano va'e sekoi viña, a'e rumo oñe'ë vɨteño Tüpä rese oyeroyasa pɨpe oiko.

Santiago 3:18

Iyavei akoi oseka va'e mba'e tuprɨ yepi, oipɨsɨra opɨ'a pɨpe teko ɨ̇visa.

1 San Pedro 3:15

pemboeteira rumo Cristo pe Yar sekosa rese pe pɨ'a pɨpe. Peyemoigätu voira ava pe remiarö rese oporanduse peü pe kere'ɨ̇sa pɨpe imombe'u tuprɨ agwä,

1 San Pedro 3:2

esepia a'e osepiara perekokwer yuvɨreko Tüpä mboeteisa pereko va'e.

1 San Juan 4:10

Nda'ei yande rane yasaɨsu Tüpä, a'e rane rumo yande raɨsu iyavei ombou Gwa'ɨrɨ imano agwä yande angaipa repɨrä, a'e ni'ä poroaɨsusa supiete va'e.

1 San Juan 4:19

Yɨpɨndar Tüpä yande raɨsu, sese kurïtëi yande avei yasaɨsu Tüpä.