San Juan 15:10 - Tüpä Ñe'ëngagwer

¹⁰ Akoi peroyase che porokwaita, peikora che poroaɨsusa pɨpe, inungar che aroya che Ru porokwaita iyavei aikoveño ite iporoaɨsusa pɨpe vichiko.”

Tũpa Ñehengagüer

¹⁰ Esepia, pemboyeroyase che porocuaita, peicoveño itera co che poroaɨsusa pɨpe. Inungar che che Ru amboyeroya che cuaisa iyavei aicoveño ité che Ru poroaɨsusa pɨpe vichico.

San Juan 15:10 Iomraidhean Croise

San Juan 10:18

Ndipoi chietera cheyuka va'erä yuvɨreko, che teiete rumo amondora che rekokwer che remimbotar rupi. Che areko ite pirätäsa imondo agwä, che kwerayevɨ iri agwä avei. Supiete areko che amondo va'erä iyavei ayevɨ'irira ipɨsɨ. Ko rese ni'ä che Ru che kwai che mbou.”

San Juan 12:49

Esepia che nañe'ëi ete cheyesui tëi; che Ru, che mbousar rumo chekwai che ñe'ë agwä, che porombo'e agwä avei.

San Juan 14:15

“Supiete che raɨsuse peye, pemboyeroya katu che porokwaita.

San Juan 14:21

Akoi oɨpɨsɨ va'e che porokwaita iyavei omboyeroya va'e, a'e omboyekwa ite che raɨsusa oiko. Che Ru osaɨsu aveira a'e che raɨsusar, che avei asaɨsura, ayemboyekwa aveira yuvɨreko chupe.”

San Juan 14:23

Jesús omboyevɨ chupe: –Akoi che raɨsusar, omboyeroya va'e che ñe'ë; a'e che Ru avei osaɨsura, che iyavei che Ru oroyura oroiko va'erä sese.

San Juan 14:31

egwë e'i etera ni'ä oikwa va'erä ko ɨvɨ pɨpendar yuvɨreko che asaɨsuse che Ru iyavei ayapo ite mba'e chekwaise chupe yepi. Pepü'apa. Yaso ko'ave sui.”

San Juan 17:4

“Che ni'ä oromboetei ko ɨvɨ pɨpe nderereko, iyavei amboavɨye ite nde porokwaita chekwai va'e rese eve.

San Juan 4:34

Evokoiyase Jesús aipo e'i: –Che movɨräkwäsa rumo che mbousar porokwaita a'e ayapora iyavei amboavɨye rane itera iporavɨkɨ.

San Juan 8:29

Esepia che mbousar ni'ä che rupive ite sekoi; che Ru ndache reyai va'e ite che ae, esepia che ayapoño ite mba'e semimbotar yepi.

San Juan 8:55

Pe rumo ndapeikwai. Che rumo aikwa ite; iyavei ndaikwai a'ese peü, che avei evokoiyase semirañeteai va'e aikora inungar peiko yepi. Che supiete aikwa, aroya avei iñe'ë yepi.

1 Corintios 7:19

Esepia a'e oipota yande reko tuprɨ, nda'ei chira yande yembocircuncida pɨpe gweraño, Tüpä rumo oipota yamboyeroya va'erä iporokwaita.

1 Tesalonicenses 4:1

Che rɨvrɨ eta, kurïtëi oroñe'ë pota peü pe kwaitarä rese yande Yar Jesús rer pɨpe: inungar kurïtëi pe rekokwer pereko, egwë peyeño ite katu peiko ore pe mbo'e agwer rupi Tüpä mboetei agwä.

Hebreos 7:26

Supiete Jesús pa'i ɨvate katu va'e sekoi, evokoi nungar ipane ite yandeu yɨpɨndar. A'e ndaseko maräi va'e, ndoyapoi va'e mba'e tëi gweko maräne'ɨ̇sa pɨpe, nda'oyoyai avei ava angaipa viyar rese, iyavei a'e ɨvate katu va'e ɨva pendar sui.

2 San Pedro 2:21

Avɨye katura revo ndoikwaise tekokwer i'ɨ̇vi va'e yuvɨreko viña, ñe'ësa kwapare rumo oyepepɨño oyeupe porokwaita avɨye va'e mondore yuvɨreko.

1 San Juan 2:3

Akoi yamboyeroyase Tüpä porokwaita, a'ese yaikwa tuprɨ katura sekokwer avɨyesa.

1 San Juan 2:5

Akoi yamboavɨyese iñe'ëngagwer, a'ese supiete yasaɨsu Tüpä, ipɨpe sui yaikwa yande reko tuprɨ Jesucristo rese.

1 San Juan 2:6

akoi aiko tuprɨ Tüpä rese e'i va'e, a'e sekoira inungar Jesucristo.

1 San Juan 5:3

Yamboavɨyese Tüpä porokwaita, a'ese yamboyekwa Tüpä raɨsusa yaiko; iyavei iporokwaita nda'ei yavai eteprɨ yapo agwä,

Apocalipsis 22:14

“Sorɨvete katura akoi ava omoatɨrö va'e gwekokwer, esepia oipɨsɨra ɨvɨra a tekovesa apɨre'ɨ̇ va'e resendar, ipɨpe sui oikera tekwa gwasu pɨpe.