San Juan 14:24 - Tüpä Ñe'ëngagwer

²⁴ Akoi ndache raɨsui va'e, a'e ndovɨroyai avei che ñe'ë yuvɨreko. Ko ñe'ësa pesendu va'e nda'ei che yesuindar tëi, a'e rumo che Ru, che mbousar suindar ite.

Tũpa Ñehengagüer

²⁴ Acoi ndache raɨsui vahe, ahe ndovɨroyai avei che ñehe yuvɨreco. Co ñehesa pesendu vahe ndahei cheyesui tẽi; ahe rumo che Ru, che mbousar suindar —ehi.

San Juan 14:24 Iomraidhean Croise

San Mateo 19:21

Jesús omboyevɨ chupe: –Ereipotase mba'e tuprɨ pɨpe nde reko agwä, eso emondopa tuprɨ rane mba'e erereko va'e iyavei emondopa rane ava iparaɨsu va'e upe. Ichui ramo ite ererekora mba'e avɨye va'e ɨvave. Ipare eregwatara che rupi.

San Juan 14:10

¿Ndache reroyai vo peye che Ru rese ite aikose iyavei che Ru sekoise che rese? Opakatu mba'e amombe'u va'e peü, nda'ei cheyesui tëi amombe'u. Che Ru, sekoi va'e che rese, a'e ite oyapo mba'e gwemimbotar che rese yepi.

San Juan 14:15

“Supiete che raɨsuse peye, pemboyeroya katu che porokwaita.

San Juan 14:25

“Amombe'u aipo peü opakatu mba'e aiko vɨte seve pe pa'üve;

San Juan 3:11

Supiete aipo a'e ndeu ore oromombe'u mba'e oroikwa va'e, iyavei ore oroiko va'e orosepia ite; pe rumo ndaperoyai ete ore remimombe'u.

San Juan 3:34

supiete akoi Tüpä remimbou omombe'u Tüpä ñe'ë, esepia ni'ä Tüpä omondo ite Espíritu sese.

San Juan 5:19

Jesús aipo e'i: “Supiete aipo a'e Tüpä Ra'ɨrɨ ndoikatui ete mba'e apo oyesui tëi; a'e oyapo mba'e osepia va'e Vu rembiapo yepi. Opakatu oyapo va'e iyesupa, egwë e'i tuprɨ avei Ta'ɨrɨ yapo.

San Juan 5:38

iñe'ëngagwer ikwachiaprɨ avei ndoikei ete pe rese, ipɨpe ni'ä ndache reroyai ete peye che Ru che mbouse.

San Juan 7:16

Jesús omboyevɨ chupe: –Che porombo'esa nda'ei cheyesuindar tëi, a'e rumo che mbousar suindar.

San Juan 7:28

Jesús oporombo'e vɨteseve tüpäro pɨpe oiko, aipo renduse rumo, oñe'ë pirätä aipo e'i: –¡Evokoiyase, pe chekwa ite peye peikwa avei kesui ayu! Che rumo ndayui che remimbotar tëi, che imbouprɨ ite aiko ñepëi sekokwer avɨye va'e seroyaprɨ sui, iyavei a'e pe ndapeikwai va'e ite.

San Juan 8:26

Seta iteanga areko che ñe'ë agwä peü iyavei mba'e pe rembiavɨ rese, akoi che mbousar a'e omombe'u mba'e supi va'e ite, iyavei che amombe'u va'e ɨvɨ pɨpendar yuvɨrekoi va'e upe a'e tuprɨ avei ni'ä asendu iñe'ë vichiko.

San Juan 8:28

Sese aipo e'i chupe: –Pesupise rumo ava ɨvate katu va'e Ra'ɨrɨ, a'ese voi peikwara Che a'e Aikose, ndayapoi avei mba'e che remimbotar rupi tëi; che rumo amombe'u mba'e che Ru che mbo'esa rupi gweraño ite.

San Juan 8:38

Che amombe'u che Ru mba'e omboyekwa va'e cheu; pe egwë peye aveira, peyapo mba'e pe Yesupa remimombe'u.

San Juan 8:42

Jesús omboyevɨ chupe: –Supiete Tüpä ite pe yesupase, pe evokoiyase che raɨsura peye viña, esepia che ayu Tüpä sui iyavei sese kurïtëi aiko ko'ave. Ndayui che remimbotar tëi, Tüpä ni'ä che mbou.