San Juan 13:31 - Tüpä Ñe'ëngagwer

³¹ Ipare koiye katu Judas së pare, Jesús aipo e'i: –Kurïtëi oyekwara che, ava ɨvate katu va'e Ra'ɨrɨ reko porañetesa, Tüpä reko porañetesa avei oyekwara che rese.

Tũpa Ñehengagüer

³¹ Judas sẽ pare, Jesús aipo ehi: —Cũritei oyecuara che, Ava Rɨquehɨr, reco porañetesa. Che Ru Tũpa reco porañetesa avei oyecuara che rese.

San Juan 13:31 Iomraidhean Croise

San Mateo 8:20

Jesús omboyevɨ chupe: –Esepia agwara vɨreko okesa iyavei vɨräi vɨreko gwaitɨ, che ava ɨvate katu va'e Ra'ɨrɨ ndarekoi ete che pɨtu'u agwä.

San Lucas 12:50

Aike rane itera rumo mba'e-mba'e tëi tekoa'äsa pɨpe, evokoiyase ¡egwë a'e rane itera che paraɨsu imboavɨye agwä!

San Juan 11:4

Jesús osenduse, aipo e'i: –Ko mba'erasɨsa rumo nda'ei imano agwä ite, egwë e'i Tüpä reko porañetesa mboyekwa agwä, Tüpä Ta'ɨrɨ reko porañetesa mboyekwa agwä avei.

San Juan 12:23

Evokoiyase Jesús aipo e'i chupe: –Oyepota arɨ cheundar che, ava ɨvate katu va'e Ra'ɨrɨ mboetei agwä.

San Juan 12:28

Che Ru, emboyekwa nde pirätäsa nderer porañetesa mboetei agwä.” A'ese oyeendu ɨva sui ñepëi ñe'ësa, aipo e'i va'e: “Opa ni'ä amboetei sereko yepi, ayevɨ iri etera rumo imboetei agwä.”

San Juan 14:13

Iyavei peporanduse opakatu mba'e rese che rer pɨpe, che amondoño itera peü, ipɨpe sui che Ta'ɨrɨ amboyekwara che Ru reko porañetesa vichiko.

San Juan 16:14

A'e omboyekwara che mboeteisa, esepia oipɨsɨra che areko va'e mba'e iyavei a'e oikwa ukara peü.

San Juan 7:39

Ko rese, Jesús aipo e'i seroyasar oipɨsɨra Espíritu yuvɨreko kuri; iyavei Espíritu ndou vɨtei ete, esepia Jesús ndoike vɨtei gweko porañetesa pɨpe.

Los Hechos 2:36

“Toikwapa opakatu tekwa Israel rekwa rupindar yuvɨreko, supiete evokoi Jesús kurusu rese peyatɨka va'ekwer, a'e Tüpä omoingo opakatu yande Yargwä iyavei yande pɨsɨrö agwä.”

Los Hechos 3:13

Tüpä, a'e akoi Abraham, Isaac iyavei Jacob vɨroya yuvɨreko araka'e opakatu yande ramoi eta aveino, a'e ni'ä omondo gweko pirätäsa tuvicha katu va'e Gwa'ɨrɨ Jesús upe, pe rumo akoi pemondoño mborerekwar povrɨve, akoi omose potase, pe evokoiyase ndapeipotaiño imose agwä chupe.

2 Corintios 3:18

Sese opakatu yande nda'ei Moisés oyeovapɨ va'e nungar yaiko Tüpä porañetesa sendɨyai va'e repia e'ɨ̇ agwä, yande rumo inungar yepiasa yamboyekwa ite yande Yar porañetesa sendɨyai va'e ava upe yaiko, yaiko katuño ite yande Yar Cristo nungar arɨ yakatu rupi yepi, esepia egwë ya'ese yareko katu-katu iri seko porañetesa yandeyese, yande Yar rumo akoi Espíritu sekoi va'e egwë e'i yandeu.

Efesios 1:12

Iyavei a'e oipota ite yande yaiko va'erä yɨpɨndar Cristo rupi, a'ese avei yamboeteira seko porañetesa gwasu.

Efesios 2:7

Ko oyapo opakatu imboyekwa pɨrä kuri katu narä, iporovasasa iporoaɨsusa avei tuvicha va'e yandeu Cristo Jesús rese yeroya agwä.

Efesios 3:10

Egwë e'i kurïtëi oyesuindar arakwasa kwa uka agwä vɨroyasareta rekokwer rese opakatu mborerekwar gwasu, seko pirätä va'e ɨva pendar oikwara Tüpä mba'e kwasa yuvɨreko.

Filipenses 2:11

ichui toikwa opakatu Jesucristo yande Yar sekoise yande Ru Tüpä mboetei agwä.

1 San Pedro 1:21

Cristo rekokwer sui ni'ä peroya Tüpä peiko yepi, a'e ombogwerayevɨ omano va'e pa'ü sui, ipare omondo teko porañetesa ɨvate katu va'e chupe; ipɨpe sui peyeroya Tüpä rese iyavei pesärö ko mba'e avɨye va'e pɨsɨ agwä ichui.

1 San Pedro 2:12

Pereko tuprɨ pe rekokwer avɨye va'e ava Tüpä ndoikwa vɨtei va'e rovake. Yepe ava remieroɨrö peiko inungar-ra mba'e tëi aposar viña, osepiase rumo pe rembiapo katuprɨ, omboeteira Tüpä yuvɨreko a'e arɨ pɨpe akoi yande Yar oporanduse opakatu ava rekokwer rese kuri.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.