San Juan 13:18 - Tüpä Ñe'ëngagwer

¹⁸ “Nañe'ëi ete aipo pe opakatu peiko va'e rese; che rumo aikwa uma opa aiporavo yuvɨreko. Ko rumo imboavɨyesa rane itera aipo e'i va'e Ikwachiaprɨ pɨpe öi: ‘Akoi okaru va'e che pɨri, a'e oyemboyere che amotare'ɨ̇ kurïtëi.’

Tũpa Ñehengagüer

¹⁸ “Che nañehei opacatu pe rese, che rumo aicua uma yuvɨrecoi vahe che rembiporavo. Icuachiaprɨ rumo yavɨyera: ‘Acoi ocaru vahe che pɨri, oyemboyere che amotarẽhɨ’ ehi vahe.

San Juan 13:18 Iomraidhean Croise

San Mateo 10:36

peamotare'ɨ̇mbar yuvɨrekoira pemu ae pe rëtä rupi.

San Mateo 26:21

iyavei okaru vɨteseve, aipo e'i: –Supiete aipo a'e ñepëi pe pa'ü pendar che mondora che amotare'ɨ̇sar upe.

San Mateo 26:23

Jesús rumo omboyevɨ chupe: –Ñepëi akoi omoakɨ̇ va'e mboyape che karo pɨpe, a'e che mondora che amotare'ɨ̇sar upe.

San Marcos 14:17

Pɨ̇tü ramomise Jesús opayandepo yovaive ñuvɨrïo gwemimbo'e rese a'eve oyepota yuvɨraso.

San Marcos 14:18

Okaru vɨte seve yuvɨnoi karusa rendave, Jesús aipo e'i gwemimbo'e eta upe: –Supi ete aipo a'e peü, ñepëi pe pa'ü pendar yande pɨri okaru va'e, che mondora che amotare'ɨ̇mbar upe.

San Marcos 14:20

Jesús rumo omboyevɨ chupe: –Ñepëi ete opayandepo yovaive ñuvɨrïo va'e, pe pa'ü pendar a'e ko omoakɨ̇ mboyape tembi'u rɨru pɨpe.

San Lucas 22:21

Kurïtëi rumo oime mbɨa, karusa rendave yande pɨri, che mondo va'erä che amotare'ɨ̇mbar upe.

San Juan 13:21

Ko mba'e mombe'u pare, Jesús ndoyembovɨ'ai tëiete oiko, ipare rumo koiye omombe'u tuprɨ iri ete: –Supiete aipo a'e ñepëi pe pa'ü pendar che mondora che amotare'ɨ̇mbar upe.

San Juan 13:22

Semimbo'e eta evokoiyase omboɨpɨ oma'ë-ma'ë tëi oyese yuvɨreko, ndoikwai ete rumo uma rese oñe'ë.

San Juan 13:26

Jesús omboyevɨ chupe: –Amoakɨ̇ra ko ñepëi mboyape imbo'i-imbo'iprɨ, akoi chupe amondo va'e, a'e ite che mondora. Ipare voi ete omoakɨ̇ mboyape mbo'i-mbo'iprɨ, ichui omondo Judas upe, a'e Simón Iscariote ra'ɨrɨ.

San Juan 15:16

Pe ndache poravoi ete peye, che rumo opoporavo vichiko amombe'u avei peü pemombe'u va'erä ñe'ësa avɨye va'e, a'e ñe'ësa tokañɨ tëi eme katu. Egwë e'ise che Ru omondora opakatu mba'e peporanduse che rer pɨpe peü.

San Juan 15:19

Peikose ko ɨvɨ pɨpendarse viña, a'ese ava ko ɨvɨ pɨpendar pe raɨsuai etera viña, inungar a'e osaɨsuai oyesuindar yuvɨreko yepi. Che rumo opoporavo ko ɨvɨ pɨpendar pa'ü sui, sese ni'ä ko ɨvɨ pɨpendar ndapeambotai ete yuvɨreko, esepia ni'ä nda'e iri ete peiko ko ɨvɨ pɨpendar.

San Juan 15:25

Ko mba'e oime va'e imboavɨyesa rane itera ñe'ësa ikwachiaprɨ porokwaita pɨpe vɨreko va'e yuvɨreko: ‘Che amotare'ɨ̇ avei che rembiapo e'ɨ̇ pɨpe yuvɨreko.’ ”

San Juan 17:12

Che aikose ko ɨvɨ pɨpe ipɨri yuvɨreko, asärö tuprɨ nderer pirätäsa pɨpe, akoi erembou va'e cheu. Ndipoi ete ñepëi okañɨ tëi va'e, akoi yɨpɨve okañɨ va'eño ite rumo okañɨ tëi; yavɨye rane itera aipo e'i va'e Ikwachiaprɨ pɨpe.

San Juan 18:32

Egwë e'i yavɨye Jesús ñe'ë agwer imano agwä resendar.

San Juan 19:24

sundao eta aipo e'i oyeupe yuvɨreko: –Ani yamondoro; iya yandegwayɨño sese, ikwa agwä uma pi'ä oipɨsɨra. Egwë e'i yavɨye Ikwachiaprɨ pɨpe aipo e'i va'e: “Omboya'o-ya'o che turukwar oyeupe narä igwayɨ tëi avei che turukwar arɨ pendar rese yuvɨreko.” Ko oyapo va'e sundao yuvɨreko.

San Juan 19:36

Esepia ko mba'e oime va'e yavɨye rane itera Ikwachiaprɨ pɨpe aipo e'i va'e: “Nomopëi chietera ñepëi ikangwer yuvɨreko.”

San Juan 21:17

Imombosapɨsa rupi oporandu iri chupe: –Simón, Juan ra'ɨrɨ, ¿che raɨsu vo eve? Pedro, ndoyembovɨ'ai tëi esepia oporandu mbosapɨ yupagwer rupi cheraɨsu ite pi'ä oyapave, a'e omboyevɨ chupe: –Che Yar, nde ni'ä opakatu ereikwa mba'e: nde avei ereikwa che oroaɨsuse nderereko. Jesús aipo e'i chupe: –Esärö tuprɨ ava che reroyasar sereko.

San Juan 6:70

Jesús rumo omboyevɨ chupe: –¿Nda'ei vo che opoporavo opayandepo yovaive ñuvɨrïo tuprɨ peiko va'e? Oime rumo ñepëi pe pa'ü pendar a'e karugwar ite sekoi.

Los Hechos 1:16

“Che mu eta Jesucristo reroyasar, iya ite ko imboavɨyesa Tüpä ñe'ëngagwer Judas rekokwer resendar, a'e imombe'uprɨ David upe Espíritu Maräne'ɨ̇ pɨpe araka'e, evokoi Judas vɨraso va'e Jesús amotare'ɨ̇mbar ipɨsɨ uka agwä.

Los Hechos 1:2

okwerayevɨre ɨvave oso renondeve. Jesús omombe'u oporokwaita Espíritu Maräne'ɨ̇ pirätäsa pɨpe gwembiporavo Jesús ñe'ë mombe'usar upe sembiaporä.

2 Corintios 4:5

Ndiyai yande yeupe ae tëi ñe'ësa yamombe'u, iya rumo yamombe'u yande Yar Jesucristo rekokwer ite yaiko; esepia ore mbigwai nungar tëi oroiko peü Jesús raɨsupave.

Hebreos 4:13

Ndipoi ete ni'ä mba'e Tüpä rembiapo ñomiprɨ ichui; opakatu ite oikwa, osepia avei opakatu mba'e, a'e ni'ä oporandura opakatu yande rekokwer rese yandeu kuri.

Apocalipsis 2:23

Egwë e'i opakatu che reroyasar oikwara yuvɨreko che aikwa tuprɨ ite opakatu ava pɨ'a ñemoñetasa iyavei ñepëi-pëi pe yakatu amondora pe rembiapokwer reprɨ peü.