San Juan 13:1 - Tüpä Ñe'ëngagwer

¹ Pascua pieta renonde iyavei Jesús oikwa ite o'arɨ yepota ko ɨvɨ reya agwä oso va'erä Vu pɨri. A'e osaɨsu va'e ite ava oyeupendar ko ɨvɨ pɨpe yepi, egwë e'i saɨsu arɨ ipa va'e rupi.

Tũpa Ñehengagüer

¹ Pascua pieta renonde Jesús oicua ité oharɨ yepota co ɨvɨ reya ãgua oso vaherã Vu pɨri. Ahe osaɨsu vahe ité ava oyeupendar co ɨvɨ pɨpe yepi. Ẽgüe ehi saɨsu arɨ ipa vahe rupi.

San Juan 13:1 Iomraidhean Croise

San Mateo 26:45

Evokoiyase oyevɨ iri gwemimbo'e eta upe sekosave, aipo e'i chupe: –¿Peke pepɨtu'u vɨteño vo peyu? Osupitɨ che, ava ɨvate katu va'e Ra'ɨrɨ, mondo agwä ava yangaipa va'e povrɨve.

San Mateo 28:20

iyavei pembo'era seko tuprɨ agwä opakatu amombe'u va'e rese peü. Che aikora perese arɨ yakatu rupi, opɨtu'use voi ete tekokwer ɨvɨ pɨpendar kuri.

San Lucas 22:53

Arɨ yakatu rupi tüpäro pɨpe aiko pe pa'üve, ndapeyapoi ete ko nungar che pɨsɨ agwä. Avɨyeño rumo, oyepota ni'ä peü imombe'uprɨ Karugwar pirätäsa pɨpe mba'e-mba'e tëi apo agwä.

San Lucas 9:51

Vɨrovɨse rumo arɨ ɨvave Jesús so agwä, a'ese oso okere'ɨ̇sa pɨpe ite Jerusalén ve.

San Juan 11:55

Vɨrovɨse movɨrö arɨ tëi judío pieta apo agwä Pascua resendar, iyavei seta iteanga ava ambuae tekwa rupindar yuvɨraso tekwa Jerusalén ve oyeekokwer moatɨrö agwä a'e omboetei Pascua pieta renondeve yuvɨreko yepi.

San Juan 12:23

Evokoiyase Jesús aipo e'i chupe: –Oyepota arɨ cheundar che, ava ɨvate katu va'e Ra'ɨrɨ mboetei agwä.

San Juan 13:29

Esepia Judas sekoi gwarepochi rɨru rärösar ite yepi, oime rumo ipɨ'añemoñeta va'e Jesús oyokwai revo mba'e rerokwa agwä Pascua pietase narä e'i yuvɨreko chupe, anise omondora revo ava iparaɨsu va'e upe mba'e e'i yuvɨreko viña.

San Juan 13:34

Ko amondo porokwaita ipɨasu va'e peü: Peyeaɨsu va'erä ñepëi-pëi peiko. Inungar che opoaɨsu pe rereko yepi.

San Juan 14:28

Pesendupa ni'ä akoi amombe'u va'ekwer asora a'ese vichiko iyavei ayevɨra aiko va'erä perese a'e akoi peü. Supiete che raɨsuse peye, a'ese peye mbovɨ'arete katura peikwase asose che Ru pɨri. Esepia a'e seko ɨvate katu va'e ite che sui yepi.

San Juan 14:31

egwë e'i etera ni'ä oikwa va'erä ko ɨvɨ pɨpendar yuvɨreko che asaɨsuse che Ru iyavei ayapo ite mba'e chekwaise chupe yepi. Pepü'apa. Yaso ko'ave sui.”

San Juan 16:28

Äse vɨtu che Ru rovai sui aiko va'erä ko ɨvɨ pɨpe, kurïtëi aseyara ko ɨvɨ ayevɨ va'erä che Ru pɨri vicho.”

San Juan 17:1

Ko imombe'u pare, Jesús oma'e ɨva rese aipo e'i: “Che Ru, oyepota ite arɨ cheu: emboetei katu nde Ra'ɨrɨ sereko, a'ese avei nde mboetei katura nde rereko yuvɨreko.

San Juan 17:16

Inungar che nda'ei aiko ko ɨvɨ pendar, egwë e'i avei a'e nda'ei ko ɨvɨ pendar yuvɨrekoi.

San Juan 17:26

Che orokwa uka avei yuvɨreko chupe, iyavei orokwa uka vɨtera rumo, evokoiyase nde che raɨsusa tovɨreko avei yuvɨreko, che avei taiko yuvɨreko sese.”

San Juan 17:5

Sese kurïtëi che Ru, embou nde yesuindar mba'e porañete va'e cheu, inungar akoi yɨpɨndar areko va'e nde rese ɨvɨ apoe'ɨ̇seve.

San Juan 18:4

Jesús rumo oikwa ite mba'e opakatu mba'e oime va'erä oyeupe, ichui osë oporandu ava re'ɨi upe: –¿Ava vo peseka?

San Juan 19:28

Ko ipare rumo, Jesús oikwa ite opakatu mba'e imombe'uprɨ yavɨyepase, iyavei yavɨye rane itera Ikwachiaprɨ pɨpendar, aipo e'i va'e: –Che usei.

San Juan 2:13

Esepia vɨrovɨ ite Pascua pieta resendar judío upe ou, a'ese Jesús oso tekwa Jerusalén ve.

San Juan 6:4

Vɨrovɨ ite judío pieta Pascua resendar.

San Juan 7:30

Evokoiyase oipɨsɨ pota yuvɨreko sokenda agwä viña, ndipoi ete rumo ikere'ɨ̇ va'e esepia ndoyepota vɨtei arɨ ipapaprɨ chupe.

San Juan 7:6

Jesús rumo aipo e'i chupe: –Nde'i vɨtei rumo arɨ cheu, peü rumo opakatu arɨño tëiete avɨye va'e yepi.

San Juan 8:20

Jesús omombe'u ko mba'e oporombo'ese tüpäro pɨpe oiko, gwarepochi rɨru porerekosa rovai. Ndipoi ete rumo osokenda va'erä, esepia ni'ä ndoyepota vɨtei ete i'arɨ chupe.

Romanos 8:37

Opakatu rumo ko mba'e oimese yandeu, yasekopɨpa ite a'e yande raɨsusar rekokwer pɨpe sui.

1 Corintios 1:8

Tüpä pe movɨräkwä ñoitera pe rereko oyepotase arɨ kañɨ kuri, a'ese ndipoi chietera ava oikatu va'e pemondo agwä mba'e-mba'e tëi pɨpe yande Yar Jesucristo yevɨse kuri.

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Hebreos 6:11

Ore rumo oroipotaño ite ñepëi-pëi pemboyekwaño itera arɨ kañɨ rupi ete ko pereko va'e pe kere'ɨ̇sa pe remiarö avɨye va'e rupitɨ agwä.

1 San Pedro 1:13

Sese pe pɨ'añemoñeta tuprɨsa pɨpe pema'emo'ä peyese Tüpä porovasasa peü ombou va'erä rese pe yeroya katu agwä akoi Jesucristo oyevɨse kuri.

1 San Juan 4:19

Yɨpɨndar Tüpä yande raɨsu, sese kurïtëi yande avei yasaɨsu Tüpä.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,