San Juan 12:28 - Tüpä Ñe'ëngagwer

²⁸ Che Ru, emboyekwa nde pirätäsa nderer porañetesa mboetei agwä.” A'ese oyeendu ɨva sui ñepëi ñe'ësa, aipo e'i va'e: “Opa ni'ä amboetei sereko yepi, ayevɨ iri etera rumo imboetei agwä.”

Tũpa Ñehengagüer

²⁸ Che Ru, emboyecua nde pĩratasa nde rer porañetesa mboetei ãgua” ehi oyeroquɨ. Ichui oyeendu ɨva sui ñehesa aipo ehi vahe: “Ẽgüe ahe niha amboyecua che pĩratasa vichico, ẽgüe ahe iri aveira” ehi.

San Juan 12:28 Iomraidhean Croise

San Mateo 11:25

A'e arɨ pɨpe, Jesús aipo e'i: “Che Ru, avɨye ndeu che Yar ɨva pendar, iyavei ɨvɨ pɨpendar ereiko, esepia nde eremboyekwa ite ko ñe'ësa ava seko mbegwemi va'e upe ereñomi ava imba'ekwa katu va'e sui.

San Mateo 11:26

Supiete che Ru, esepia evokoi rupi ete mba'e ereipota.”

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Mateo 26:42

Imoñuvɨrïosa rupi oso iri, oyerure aipo e'i: “Che Ru, ereipotase che reike agwä ko mba'e tëi pɨpe, eyapo nde remimbotar che rese.”

San Mateo 3:17

A'ese oyeendu ñepëi ñe'ësa ɨva suindar aipo e'i va'e: “Ko che Ra'ɨrɨ che rembiaɨsu, a'e che rembiporavo sekoi.”

San Marcos 1:11

A'ese oyeendu ñe'ësa ɨva sui, aipo e'i: “Nde che Ra'ɨrɨ ereiko che rembiaɨsu, avɨ'a eteprɨ nde rese.”

San Marcos 14:36

Oyerurese aipo e'i: “Che Ru, ndeu ni'ä opakatu mba'e ndayavai va'e ite: che renose ko mba'e-mba'e tëi sui eve; tayapo eme che remimbotar tëi, nde remimbotar rupi katu tayapo.”

San Marcos 9:7

A'e ramoseve, avei ogweyɨ ɨva kɨ'a i'arɨve oyopɨpa tuprɨ yuvɨreko. A'e ɨva sui oyeendu ñe'ësa aipo e'i: “Ko che Ra'ɨrɨ che rembiaɨsu: peyapɨsaka katu iñe'ë rese.”

San Lucas 3:22

ipare Espíritu Maräne'ɨ̇ ogweyɨ ou i'arɨve oyekwa tuprɨ inungar apɨkasu, ichui oyeendu ñe'ësa ɨva sui aipo e'i va'e: –Nde che Ra'ɨrɨ che rembiaɨsu, che rembiporavo ereiko.

San Lucas 9:35

A'ese ɨva kɨ'a sui oyeendu ñepëi ñe'ësa aipo e'i va'e: “Ko che Ra'ɨrɨ, che Rembiporavo ite: peyapɨsaka katu iñe'ë rese.”

San Juan 11:4

Jesús osenduse, aipo e'i: –Ko mba'erasɨsa rumo nda'ei imano agwä ite, egwë e'i Tüpä reko porañetesa mboyekwa agwä, Tüpä Ta'ɨrɨ reko porañetesa mboyekwa agwä avei.

San Juan 18:11

Jesús aipo e'i Pedro upe: –Emboyevɨ kɨse sɨru pɨpe. Che Ru ni'ä ko ombou mba'e yavai va'e cheu, ¿ma'erä vo nañemosaï chira chupe viña?

San Juan 9:3

Jesús rumo omboyevɨ chupe: –Nda'ei ete oangaipa sui, nda'ei avei oyesupa angaipa sui no; ko rumo egwë e'i yapo Tüpä omboyekwa va'erä gwembiapo sese.

Efesios 2:7

Ko oyapo opakatu imboyekwa pɨrä kuri katu narä, iporovasasa iporoaɨsusa avei tuvicha va'e yandeu Cristo Jesús rese yeroya agwä.

Efesios 3:10

Egwë e'i kurïtëi oyesuindar arakwasa kwa uka agwä vɨroyasareta rekokwer rese opakatu mborerekwar gwasu, seko pirätä va'e ɨva pendar oikwara Tüpä mba'e kwasa yuvɨreko.

Efesios 3:21

¡Sese egwë te'i imboeteiprɨ Tüpä tasekoi seroyasareta rekokwer sui, Cristo Jesús sui avei apɨre'ɨ̇ va'erä yepi! Amén.

2 San Pedro 1:17

Orosepia ni'ä yande Ru Tüpä omboeteise Gwa'ɨrɨ iyavei omondose seko porañete iri agwä, aipo e'ise Tüpä oñe'ë gweko porañetesa pɨpe: “Ko che Ra'ɨrɨ, che rembiaɨsu, sese ni'ä che ayembovɨ'arete vichiko.”