San Juan 11:55 - Tüpä Ñe'ëngagwer

⁵⁵ Vɨrovɨse movɨrö arɨ tëi judío pieta apo agwä Pascua resendar, iyavei seta iteanga ava ambuae tekwa rupindar yuvɨraso tekwa Jerusalén ve oyeekokwer moatɨrö agwä a'e omboetei Pascua pieta renondeve yuvɨreko yepi.

Tũpa Ñehengagüer

⁵⁵ Vɨrovɨse judío Pascua pieta apo ãgua, setá iteanga ava ambuae tecua rupindar yuvɨraso tecua Jerusalén ve oyeecocuer moatɨro ahe pieta mboetei ãgua renondeve.

San Juan 11:55 Iomraidhean Croise

San Mateo 26:1

Jesús opakatu oporombo'esa omboavɨyese, aipo e'i gwemimbo'e eta upe:

San Mateo 26:2

–Peikwa ñuvɨrïo arɨ tëi ipane vɨte ko Pascua pieta yepota agwä, ipare che ava ɨvate katu va'e Ra'ɨrɨ imondosara yatɨkapɨrä kurusu rese.

San Marcos 14:1

Ipanese ñuvɨrïo arɨ Pascua pieta agwä, a'e pieta pɨpe yuvɨro'u mboyape ndayapepoi va'e. Pa'i rerekwareta Moisés porokwaita rese oporombo'e va'e avei oseka tëi Jesús pɨsɨ agwä, ichui yuka uka agwä yuvɨreko.

San Lucas 22:1

Vɨrovɨse Pascua pieta a'ese i'usa mboyape ndayapepoi va'e yepi.

San Juan 12:1

Ñepëi ova arɨ ipane vɨtese Pascua pieta agwä, Jesús oso tekwa Betania ve, a'eve sekoi Lázaro, a'e semimbokweragwer.

San Juan 13:1

Pascua pieta renonde iyavei Jesús oikwa ite o'arɨ yepota ko ɨvɨ reya agwä oso va'erä Vu pɨri. A'e osaɨsu va'e ite ava oyeupendar ko ɨvɨ pɨpe yepi, egwë e'i saɨsu arɨ ipa va'e rupi.

San Juan 18:28

Ipare vɨraso Jesús Caifás rëtä sui yuvɨreko mborerekwar Roma pendar ñemonu'äsave. Esepia ko'ë ite ou, judío eta rumo ndoyuvɨroikei ete mborerekwar ɨvate katu va'e ñemonu'äsave, yuvɨroikese ndovɨroyai chietera porokwaita yuvɨreko viña iyavei ndoyuvɨro'ui tembi'u Pascua resendar yuvɨreko viña.

San Juan 2:13

Esepia vɨrovɨ ite Pascua pieta resendar judío upe ou, a'ese Jesús oso tekwa Jerusalén ve.

San Juan 2:6

A'eve oime ñepëi ova kambuchi ita ku'i apoprɨ, a'e judío oiporu pietase oyepoi agwä yuvɨreko yepi a'e kambuchi pɨpe oike cincuenta litros, amove oike setenta litros ɨ ipɨpe.

San Juan 5:1

Koiye katu rumo, judío omboetei opieta gwasu yuvɨreko, ipare oyevɨ Jesús Jerusalén ve oso.

San Juan 6:4

Vɨrovɨ ite judío pieta Pascua resendar.

Los Hechos 21:24

Eraso ko mbɨa ndeyeupi, eñemoatɨrö supi eso emboepɨ avei mba'e Tüpä upe ikwave'ëprɨ, a'ese a'e mbɨa oikatura oñeapi yuvɨreko. Eremboavɨyese evokoi mborokwaita, opakatu judío nde reroyara, oikwara ava semirä tëise mba'e nde rembiapo rese yuvɨreko, oikwa aveira nde ereroya vɨte Moisés suindar mborokwaita.

Los Hechos 21:26

Evokoiyase Pablo vɨraso a'e irugätu mbɨa yuvɨrekoi va'e oyeupi, a'ere arayi'ive oyoya oñemoatɨrö yuvɨreko; ipare oike tüpäro pɨpe ñemoatɨrösa resendar mombe'u agwä, imboavɨye pare ñepëi-pëi oya katu oikwave'ëra porerekosa yuvɨreko.

Los Hechos 24:18

Evokoiyase movɨrö judío Asia pendar che repia yuvɨreko tüpäro pɨpe judío porokwaita rupi che ñemoatɨrö pare, ndipoi a'ese ava re'ɨi che rupi namboaɨvu gwasu ukai avei ava, a'e che repia va'e rumo iya yugweru ndeu che mombe'u agwä, vɨrekose che amotare'ɨ̇sa yuvɨreko.

1 Corintios 11:28

Sese ñepëi-pëi tipɨ'añemoñeta rane oyakatu gwekokwer rese ava ko mboyape u agwä renonde, oɨ'u agwä renonde avei ko uva rɨkwer yuvɨreko.

Santiago 4:8

Peyemboya Tüpä rese, a'e evokoiyase oyemboyara pe rese. ¡Peñemoatɨrö mba'e peyapo va'e sui! ¡Iyavei pemoatɨrö pe pɨ'a ñemoñetasa, pesaɨsu pota va'e Tüpä a'e pɨpe avei pesaɨsu mba'e ko ɨvɨ pɨpendar!