San Juan 11:47 - Tüpä Ñe'ëngagwer

⁴⁷ Evokoiyase fariseo eta iyavei pa'i eta rerekwar opa omonu'ä yuvɨreko Mborandusa Ɨvate katu va'e save, aipo e'i yuvɨreko: –¿Marä ya'era vo sereko? Ko mbɨa seta ite oyapo poromondɨisa oiko.

Tũpa Ñehengagüer

⁴⁷ Evocoiyase fariseo rerecuareta iyavei pahi rerecuareta oñemonuha guasu yuvɨreco aipo ehi: —¿Mara yahera vo sereco? Co mbɨa setá ité oyapo poromondɨisa oico.

San Juan 11:47 Iomraidhean Croise

San Mateo 26:3

A'e arɨ pɨpe avei, pa'i eta rerekwar, iyavei judío rerekwareta oñemonu'ä yuvɨreko pa'i rerekwar ɨvate katu va'e Caifás rëtäve,

San Mateo 5:22

Che rumo aipo a'e peü akoi ava oyeɨvrɨ rese oñemoɨrö va'e yuvɨreko, oso aveira tekoasɨsave. Akoi vɨroɨrö va'e vɨvrɨ, a'e serasosara Mborandusa ɨvate katu va'e save; akoi iñe'ë marä gwasu katu va'e oyeɨvrɨ upe, a'e iyakatu imondosa itera tata ndopai va'e save.”

San Marcos 14:1

Ipanese ñuvɨrïo arɨ Pascua pieta agwä, a'e pieta pɨpe yuvɨro'u mboyape ndayapepoi va'e. Pa'i rerekwareta Moisés porokwaita rese oporombo'e va'e avei oseka tëi Jesús pɨsɨ agwä, ichui yuka uka agwä yuvɨreko.

San Lucas 22:2

Pa'i eta rerekwar iyavei Moisés porokwaita rese oporombo'e va'e, osɨkɨye tëi ava sui, esepia ni'ä oseka tëi marä e'ira Jesús yuka agwä yuvɨreko.

San Juan 11:57

Fariseo eta iyavei pa'i eta rerekwar oporokwai yuvɨreko akoi osepia va'e Jesús rekosa pe mombe'ura oreu, oroikatu va'erä ipɨsɨ.

San Juan 12:19

Evokoiyase fariseo eta aipo e'i tëi oyeupe yuvɨreko: –Pema'ekwaru ndayaikatu iri ete mba'e apo agwä chupe. Pesepia ru, ¡opakatu ava yuvɨrogwata kurïtëi yuvɨreko supi!

San Juan 2:11

Ko yɨpɨndar poromondɨisa Jesús oyapo va'e tekwa Caná Galilea ɨvɨ rupi, a'eve omboyekwa gweko pirätäsa; iyavei semimbo'e eta vɨroya ite yuvɨreko.

San Juan 6:2

Ava re'ɨi yuvɨraso sakɨkwei, esepia osepia ite yuvɨreko oyapose mba'e poromondɨisa imba'easɨ va'e mbogwerase.

San Juan 7:32

Fariseo eta osendu ava ñe'ësa Jesús resendar; iyavei pa'i eta rerekwar oyokwai sundao tüpäro rärösar ipɨsɨ agwä yuvɨreko.

San Juan 7:45

Sundao eta tüpäro rärösar oyevɨpa yuvɨreko fariseo rekosave pa'i eta rerekwar avei, a'e oporandu yuvɨreko chupe: –¿Ma'erä vo evokoiyase ndaperui?

Los Hechos 5:21

Ko mba'e rendu pare, supi tuprɨ ite oyapo yuvɨreko, a'ere arayi'ive ko'ë ramoseve yuvɨraso tüpärove ava mbo'e agwä. A'eseve, pa'i rerekwar ɨvate katu va'e, supindar avei osenoi opakatu tekwa pɨpendar mborerekwar Ñemonu'ä agwä ɨvate katu Va'esave, omondo yuvɨreko gwembigwai Jesús ñe'ë mombe'usar reru agwä sokendasa sui a'eve narä viña.

Los Hechos 5:24

Osenduse, pa'i rerekwar ɨvate katu va'e tüpäro rärösar rerekwar pa'i rerekwareta avei yuvɨreko ipɨ'añemoñeta tëi kerupi vo opoira ko mba'e sui, e'i tëi yuvɨreko oyeupe.