San Juan 11:43 - Tüpä Ñe'ëngagwer

⁴³ Aipo o'e pare, oñe'ë pirätä aipo e'i: –¡Lázaro, ësë evokoi sui!

Tũpa Ñehengagüer

⁴³ Aipo ohe pare, oñehe pĩrata aipo ehi: —¡Lázaro, esẽ eipeve sui! —ehi.

San Juan 11:43 Iomraidhean Croise

San Marcos 4:41

A'e rumo osɨkɨyepave, oporandu-randu oyeupe yuvɨreko: –¿Ava pi'ä ko mbɨa sekoi, esepia ni'ä ɨvɨtuai ɨpa avei omboyeroya yuvɨreko?

San Juan 11:42

Che aikwa ite eresenduse che ñe'ë yepi, che rumo añe'ë yepi ava rekokwer rese oime va'erä mba'e avɨye va'e ko'a pendar upe narä, vɨroya va'erä avei yuvɨreko nde che mbouse eve.

San Juan 11:44

Iyavei akoi omano va'ekwer osë, ñapɨ̇chisa tuprɨ va'e ipo iyavei ipɨ turukwar asɨaprɨ pɨpe iyavei oimama tuprɨ sova turukwar pɨpe yuvɨreko no. Jesús aipo e'i ava upe: –Peyorapa ñapɨ̇chisa ichui oikatu va'erä ogwata.

San Juan 12:1

Ñepëi ova arɨ ipane vɨtese Pascua pieta agwä, Jesús oso tekwa Betania ve, a'eve sekoi Lázaro, a'e semimbokweragwer.

San Juan 12:9

Seta iteanga judío oyandu yuvɨreko Jesús sekoise Betania ve, iyavei yuvɨraso a'eve, nda'ei rumo Jesús repia gweraño Lázaro repia avei, a'e akoi Jesús ombogwerayevɨ va'ekwer.

Los Hechos 3:12

Pedro, mba'e repiare, aipo e'i ava upe: “¿Ma'erä vo peyemondɨi ko mba'e repiase, pe Israel ɨgwar? ¿Ma'erä vo ore repia atɨ peye ndoyavɨi ko ore pirätäsa pɨpe tëi iyavei Tüpä rese ore pɨ'añemoñeta tuprɨsa pɨpe tëi orombogwera va'e ko mbɨa peü viña?

Los Hechos 3:6

A'ese Pedro aipo e'i chupe: –Che ndarekoi gwarepochi iyavei oro, ko areko va'e gweraño amondora ndeu: Jesucristo Nazaret pendar, rer pɨpe epü'a iyavei egwata.

Los Hechos 9:34

Pedro aipo e'i chupe: –Eneas, Jesucristo nde mbogwera. Eñarapü'a emoigätu nde rupa. Eneas a'e ramo seve voi ete oñarapü'a.

Los Hechos 9:40

Ipare Pedro omosepa rane opakatu ava okarve, ipare oñenopɨ'ä oyerure Tüpä upe; ichui oma'e kuña omano va'e rese aipo e'i chupe: –¡Tabitá, eñarapü'a! Aipo oyeupe ese, Tabitá omboi gwesa, Pedro repiase, oñarapü'a öi.